CamNews

ព័ត៌មានកីឡា៖ ជាការគាស់រំលើងសារជាថ្មីទៀតហើយ ជាមួយផលិតផលដែលមានសមត្ថភាពប្លែកខុស​ពី ផលិតផលក្រុមហ៊ុន ដ៏ទៃ ដែលកំពុងតែមានការប្រកួតប្រជែងគ្នាយ៉ាងសម្បើមក្នុងទីផ្សារសព្វ​ថ្ងៃ។ កាលពីមួយរយៈមុន ក្រុមការងារយើងខ្ញុំធ្លាប់បានលើក យក ប្រភេទរថយន្ដទំនើបមួយប្រភេទ ដែល​ មានលក្ខណៈពិសេសមិនប្រើសាំង ម៉ាស៊ូត និង ប្រព័ន្ធហាយប្រីត នោះគឺ  Toyota  Mirai ២០១៦​ដែលប្រើថាមពល អ៊ីដ្រូសែន ប៉ុន្ដែខណៈពេលនេះ កាន់តែប្លែកជាងមុនទៅទៀត ដោយផលិតផល​រថយន្ដថ្មី ដែលលើកឡើងនេះ គឺប្រើថាមពលសាកថ្ម តែមួយគាត់ ។ 

សហគ្រាសផលិតរថយន្ដ Tesla Motors ត្រូវបានបង្កើតឡើងក្នុង ឆ្នាំ ២០០៣ ស្ថិតក្នុងទឹកដីសហរដ្ឋអា​មេរិក ហើយគោលដៅធំបំផុតរបស់ ក្រុមហ៊ុន គឺផលិតរថយន្ដដែលប្រើថាមពល ថ្មសាក ដូចជា ទូរសព្ទ​កុំព្យូទ័រជាដើម រហូតមកទល់បច្ចុប្បន្ន ដំណើរការនៃការផលិត​ចេញ ក្រុមហ៊ុន​ បានសម្រេចជោគ​ជ័យច្រើនទៅហើយ ជាពិសេសស៊េរី​ Tesla P85D កាន់តែទំនើប និង សង្ហាសម្រាប់ឆ្នាំ ២០១៥ នេះ។ 

សម្រាប់ការបង្ហាញខាងលើ មិនប្រាកដថាអាចស្រាយចម្ងល់របស់ប្រិយមិត្ដ ឲ្យកាន់តែច្បាស់នោះទេ ដូច្នេះដើម្បីស្វែងយល់ឲ្យកាន់តែច្បាស់ជាងនេះ យើងខ្ញុំសូមធ្វើការបង្ហាញពីដំណាក់ៗកាល នៃការប្រើ​ប្រើប្រាស់ លើផលិតផលទំនើបនេះ ។ ទស្សនារូបភាពខាងក្រោម ៖ 

នៅក្នុងទឹកដីតំបន់នៃការផលិត បណ្ដាក្រុមហ៊ុនសាខាចែកចាយរថយន្ដ Tesla ផ្សេងៗ គឺមានស្ថានីយ៍សម្រាប់ផ្គត់​ផ្គង់ថាមពល ដូចជាស្ថានីយ៍ប្រេងឥន្ទនៈ (ការាសសាំង) បច្ចុប្បន្នដែរ ដែលរង់ចាំទទួល ស្វាគមន៍ ខណៈ​ពេលរថយន្ដរបស់លោកអ្នក មានបញ្ហាអស់ថាមពល (អស់ថ្ម)​ ។ 

ប៉ុន្ដែរឿងមួយវិញទៀត លោកអ្នកអាចធ្វើការបញ្ចូលថាមពលភ្លើងនៅ ឯគេហដ្ឋានរបស់លោក អ្នក​ ពិព្រោះរាល់ការទិញរថយន្ដ ក្រុមហ៊ុនតែងតែងតែផ្ដល់ជូននូវឆ្នាំសាកថ្មរថយន្ដ ប៉ុន្ដែឆ្នាំងសាកថ្មដែលប្រើនោះ​មិនអាចយកទៅតាមរថយន្ដបានទេ ដោយហេតុ ឆ្នាំងសាកនោះត្រូវបានគេរៀបចំ តភ្ជាប់បណ្ដាញ​ចេញ​ពីចរន្ដអគ្គីសនីប្រើប្រាស់ប្រចាំថ្ងៃរបស់លោកអ្នកដោយផ្ទាល់ វាមិនបានប្រើ ឌុយដោត ដូចឆ្នាំង​សាក​​ទូរសព្ទ កុំព្យូទ័ទេ ។ ប៉ុន្ដែ នៅមានឆ្នាំងសាកចល័តមួយទៀត សម្រាប់លោកអ្នក ដែលអាចដាក់តាមរថ​យន្ដគ្រប់ពេលវេលា តែវាមានលក្ខណៈនៃការប្រើប្រាស់ពេលវេលា សាក យូជាងឆ្នាំងសាកនៅកន្លែង រឺ​តាមបណ្ដា ស្ថានីយ៍ផ្សេងៗ។ 

សាមាសភាពនៃការផ្ទុកថាមពលរបស់រថយន្ដ គឺអាច​ដំណើរការម៉ាស៊ីនរត់បានដល់ទៅ ៦៤ គ.ម ក្នុងការសាកម្ដង​ ។ ហើយសម្រាប់ប្រព័ន្ធគ្រប់គ្រងខាងក្នុង និង បរិក្ខាផ្សេងៗ មានលក្ខណៈទំនើបដូចជារថយន្ដ​ ដទៃអ៊ីចឹងដែរ ។​ ចំពោះតម្លៃលក់លើទីផ្សារគឺ ១២០០០០ ដុល្លារ ។ 

ដោយ៖ អឿ អ៊ុយ

ប្រភព៖ Topspeed & teslamotors