CamNews

សាធារណះមតិកំពុងខ្វល់ចិត្តយ៉ាងខ្លាំង​ចំពោះព័ត៌មានស្តីពីការប្រើប្រាស់ទូរស័ព្ទ iPhone
និងទូរស័ព្ទប្រើប្រព័ន្ធប្រតិបត្តិការ Android អាចត្រូវគេលួចតាមដាន។ គេបាននិយាយថា បើអ្នកមានពត៌មានត្រូវលាក់លៀមច្រើន អ្នកមិនគួរខំប្រើiPhone គឺល្អជាង។ នោះគឺជា
ការ ផ្តល់អនុសាសន៍របស់ កាសែត Daily Mail កាលពីម្សិលមិញ។
​អ្នកជំនាញបានរកឃើញថាម្ចាស់ iPhone របស់ក្រុមហ៊ុន Apple នេះកំពុងត្រូវគេ​តាមដាន​តាមជំហាននិមួយៗ ហើយព័ត៌មាននេះត្រូវបានរក្សាទុកក្នុង file មួយដោយសម្ងាត់។
CNN នាំពាក្យរបស់ អ្នកជំនាញជនជាតិអង់គ្លេសពីរនាក់ឈ្មោះ Allan និង Pete Warden
ដែលជាអ្នករកឃើញហេតុការណ៍នេះ ថាសកម្មភាពតាមដានខុសច្បាប់របស់ iPhoneនេះ ចាប់ផ្តើមតាំងពីខែមិថុនាឆ្នាំ2010 នៅពេល Apple ចេញផ្សាយសេរីប្រព័ន្ធដំណើរការ iOS 4.0។

* តាមដានអតិថិជនដោយចេតនា
លោក Allan និង Warden បានឲ្យដឹងថា គេបានរកឃើញ file ឈ្មោះ consolidated.db
ក្នុងទូរស័ព្ទ iPhone និមួយៗ។ វាមានពត៌មានទាំងអស់អំពីសកម្មភាពធ្វើដំណើររបស់
ម្ចាស់​ទូរស័ព្ទនោះ។ ផ្អែកទៅតាមពត៌មានក្នុង file នេះ អ្នកជំនាញពីរនាក់នេះ អាច​គូរ​ឡើងវិញផែនទីមួយ បង្ហាញពីទីតាំងទាំងអស់​ ដែលម្ចាស់ទូរស័ព្ទ​បានមកដល់ក្នុងពេល
វេលា​ចាប់ផ្តើមពីខែមិថុនាឆ្នាំ២០១០។ ក្រៅពីនេះ ពត៌មានក៏បានរក្សាទុកក្នុង tablet iPad
ដែលមានភា្ជប់ 3G និងក្នុងកុំព្យូទ័រដែលភ្ជាប់ជាមួយបណ្តាគ្រឿឧបការណ៍នេះ។

ក្នុងរបាយការណ៍បានចុះផ្សាយលើគេហទំព័រ iPhone Tracker អ្នកជំនាញបាននិយាយថា
គេមិនដឹងហេតុអ្វី Apple ត្រូវប្រមូលទិន្នន័យនេះ ប៉ុន្តែគេអះអាងថាអំពើនេះគឺជាអំពើ​ចេតនា។
លោក Warden បាននិយាយថា៖ �Apple បានបង្កើតលក្ខណះយ៉ាងងាយស្រួល​សំរាប់​
មនុស្ស​គ្រប់រូប តាំងពីប្រព័ន្ធមានចិត្តប្រច័ណ្ឌ ដល់អ្នកអង្កេតឯកជន ដែលចង់ដឹងអ្នកកំពុង
នៅឯណា�។

តាមកាសែត The Wall Street Journal កាលពីម្សិលមិញបានឲ្យដឹងថា ក្រៅពី iPhone របស់
Apple បណ្តាទូរស័ព្ទ Android របស់ Google ក៏បញ្ជូនពត៌មានអំពីទីតាំងរបស់ម្ចាស់ទូរស័ព្ទ
ដល់ក្រុមហ៊ុននេះ។ តាមប្រភពរបស់កាសែតនេះ ក្រុមហ៊ុនទាំង២ អាចប្រើពត៌មាននោះ ដើម្បីស្រាវជ្រាវវិធីផ្តល់សេវាកម្ម​ ដែលផ្អែកទៅលើកន្លែងដែនអតិថិជនមកច្រើនជាងគេ។ ដល់បច្ចុប្បន្ន ទាំង Apple ទាំង Google នៅតែស្ងាត់ស្ងៀមចំពោះពត៌មាននេះ។

(ដោយ៖ មិនា)