CamNews

ស្វែងរកកំរិតខ្ពស់
ព័ត៌មានអន្តរជាតិ 

ចម្លែកមែន!! បុរស ម្នាក់សរសេរលិខិតសុំទោសទៅហាងមួយសម្រាប់ទង្វើរបស់គាត់កាលពី ៤០ ឆ្នាំមុន

បុរសម្នាក់ បានត្រឡប់មកផ្សារទំនើប ដែលគាត់បានលួចស្ករសូកូឡាពីរដុំកាលពី ៤០ ឆ្នាំមុនដើម្បីសុំ ទោស និងសងលុយ ៥ ផោនសម្រាប់ស្ករសូកូឡានោះ។

បុរសចម្លែក ដែលបានសារភាពថាខ្លួន បានលួចស្ករសូកូឡា ពីផ្សារទំនើប Woolworths កាលពីឆ្នាំ ១៩៧៥ បានប្រគល់សំបុត្រមួយច្បាប់ ទៅអ្នកគ្រប់គ្រងផ្សារទំនើប Belle Vale នៅទីក្រុង Liverpool កាលពីសប្ដាហ៍មុននេះ។

នៅក្នុងសំបុត្រ មានក្រដាសប្រាក់ ៥ ផោន អមជាមួយនឹងលិខិតមួយច្បាប់ ដែលបរិយាយពីទោសកំហុស ដែលគាត់បានប្រព្រឹត្ដ កាលពីប៉ុន្មានទស្សវត្ដរ៍កន្លងទៅ។ នៅក្នុងលិខិតនោះសរសេរថា៖”ខ្ញុំបានលួចស្ករសូកូឡាពីរដុំពីផ្សារទំនើប Woolworths នៅក្នុងផ្សារទំនើបរបស់អ្នកកាលពីឆ្នាំ ១៩៧៥ នៅពេលខ្ញុំនៅក្មេងតូចនៅឡើយ។ ខ្ញុំសុំទោស ខ្ញុំគ្មានការយល់ដឹងទេនៅវ័យនោះ ហើយនេះជាប្រាក់ ដែលខ្ញុំជំពាក់ថ្លៃស្ករសូកូឡានោះ”។

ខណៈ ដែលផ្សារទំនើប Woolworths បានបិទអាជីវកម្មហើយនោះ ផ្សារទំនើបខាងលើ នឹងបរិច្ចាគលុយ ៥ ផោននោះ ទៅឱ្យអង្គការទារកដ្ឋាន Zoe’s Place។ អ្នកនាំពាក្យម្នាក់ បាននិយាយថា​៖” វាជារឿងអស្ចារ្យខ្លាំងណាស់ ដែលបានឃើញទង្វើស្លូតត្រង់ និងសប្បុរស ដែលស្ដារនូវទំនុកចិត្ដនៅក្នុងមនុស្សជាតិ”។

ផ្សារទំនើបខាងលើ ចង់អរគុណ ចំពោះអ្នកដែលបានផ្ញើលិខិតមក ហើយព្រមទទួលនូវការសុំអភ័យទោសរបស់គាត់។ វាជាសារវិជ្ជមានមួយ ដែលមានតម្លៃចែករំលែក ដើម្បីលើកទឹកចិត្ដមនុស្សគ្រប់គ្នាឱ្យមានចិត្ដស្លូតត្រង់ និងសប្បុរស ៕


ប្រែសម្រួល៖ សារ៉ាត

ប្រភព៖ metro.co.uk


Tags: International news

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......