CamNews

ព័ត៌មានអន្តរជាតិ ៖ ក្រុមគ្រួសារជនជាប់ចោទអូស្រ្តាលី ២ នាក់    ដែល ប្រឈម  មុខនឹងការកាត់ទោស ប្រហារជីវិត នៅក្នុងប្រទេសឥណ្ឌូនេស៊ី ត្រូវបានហ៊ុមព័ន្ធដោយក្រុមអ្នកកាសែតយ៉ាងច្រើនកុះករ អំឡុង វត្តមាន ពួកគេបានទៅដល់ ពន្ធនាគារ រក្សាអ្នកទោស អូស្រ្តាលី ២ នាក់ខាងលើ ។

សេចក្តីរាយការណ៍ ពីទំព័រប៊ីប៊ីស៊ី ចុះផ្សាយអោយដឹងថា ជាកិច្ចអន្តរាគមន៍ ក្រុម  មន្រ្តី ប៉ូលីស បានព្យា យាមដើរអម ក្រុមគ្រួសារជាសាច់ញ្ញាត្តិជនជាប់ចោទ គ្រឿងញៀន ២ រូប មានឈ្មោះ ថា Andrew Chan និង Myuran Sukumaran ខណៈពួកគេ ធ្វើ  ដំណើរចូលទៅកាន់  ពន្ធ នាគារ កោះ Nusakambangan ។ ប្រភពដដែលបន្តអោយដឹងថា បងប្អូនស្រី  លោក Sukumaran បានដួលសន្លប់ ដោយតម្រូវ អោយមាន អ្នកជួយគ្រា ។ របាយការណ៍ បញ្ជាក់បន្ថែមអោយដឹងថា  ទាំងពីរ   នាក់ជនជាប់ចោទ ជនជាតិអូស្រា្តលី លោក Chan និងលោក Sukumara ជាមេដឹកនាំរត់ពន្ធ  គ្រឿង  ញៀន ប្រភេទ  heroin  ខុសច្បាប់ "Bali Nine"  រួមទាំង ជនជាប់ចោទ ៧ នាក់ផ្សេងទៀត​ មានសញ្ជាតិ្តខុសៗពីគ្នា អាចនឹងធ្វើការកាត់ទោសប្រហារជីវិត យប់ថ្ងៃអង្គារនេះ ដោយការបាញ់សម្លាប់ចោល ។

គួរបញ្ជាក់ថា ពួកគេទទួលបានដំណឹងផ្លូវការ កាលពីថ្ងៃសៅរ៍ចុងសប្តាហ៍  កន្លង  ទៅនេះ ស្តីពីលទ្ធភាព ក្នុងការកាត់ទោសប្រហារជីវិតពួកគេនឹងមកដល់ឆាប់ៗ ។ យោងតាមច្បាប់   ឧក្រិដ្ឋកម្ម ផ្លូវការ ប្រទេស ឥណ្ឌូនេស៊ី ហោចណាស់ ជនជាប់ចោទ ត្រូវផ្តល់ដំណឹងអោយដឹងមុន ៧២ ម៉ោង  មុន នឹង   ធ្វើការកាត់ ទោសប្រហារជីវិតរបស់ពួកគេ​ ៕

ជនជាប់ចោទ ១០ នាក់ប្រឈមនឹងទោសប្រហារជីវិតរួមគ្នាពេលនេះ គឺជានរណា ?

- ជនជាតិអូស្រ្តាលី ២ នាក់ឈ្មោះ Myuran Sukumaran, Andrew Chan

- ជនជាតិ ហ្វីលីពីន ម្នាក់ឈ្មោះ Mary Jane Fiesta Veloso

- ជនជាតិបារាំង ម្នាក់ឈ្មោះ Serge Areski Atlaoui

- ជនជាតិហ្គាណា ម្នាក់ឈ្មោះ Martin Anderson

- ជនជាតិឥណ្ឌូនេស៊ី ម្នាក់ឈ្មោះ Zainal Abidin bin Mgs Mahmud Badarudin

- ជនជាតិនីហ្សេរីយ៉ា ៣ នាក់ ឈ្មោះ Raheem Agbaje Salami, Sylvester Obiekwe Nwolise, Okwudili Oyatanze

- និងជនជាតិ ប្រេស៊ីលម្នាក់ផ្សេងទៀតឈ្មោះ Rodrigo Gularte ៕

• * អាន ៖ បញ្ជាអោយ រៀបចំ កាត់ទោស ប្រហារជីវិត បងធំ រត់ពន្ធគ្រឿងញៀន ដែលរង្គោះរង្គើ មើលមុខគ្នាមិនត្រូវ ២ ប្រទេស

ប្រែសម្រួល ៖ កុសល

ប្រភព ៖ ប៊ីប៊ីស៊ី