មកស្គាល់មហាសេដ្ឋីនៃក្រុមហ៊ុនយក្ស Samsung Group របស់កូរ៉េ
លោក Lee Kun-hee គឺជាប្រធានក្រុមហ៊ុនពហុផលិតផល Samsung Group ដែលមានកិត្ដិនាមល្បីល្បាញចំពោះស្នាដៃផលិតឧបករណ៍អេឡិចត្រូនិកសម្រាប់អ្នកប្រើប្រាស់របស់ខ្លួន ។ នៅខែឧសភា ឆ្នាំ ២០១៤ លោកបានកើតអាការៈស្ទះសរសៃឈាមបេះដូង និងកំពុងតែទទួលការព្យាបាលនៅមន្ទីរពេទ្យ ។ មកទល់នឹងពេលនេះ ពុំទាន់មានព័ត៌មានជាក់លាក់ណាមួយ បង្ហើបឱ្យដឹងពីអាការៈជំងឺរបស់លោកនោះទេ ។
ក្រុមហ៊ុន Samsung Group ចុះដៃបង្កើតផលិតផលគ្រប់បែបយ៉ាងរាប់តាំងពី នាឡិកាដៃកាតាប សួនកម្សាន្ដ ក្រុមហ៊ុនធានារ៉ាប់រង រហូតដល់សម្ភារៈប្រើប្រាស់ទាន់សម័យ សេវាកម្មបច្ចេកវិទ្យា ទូរសព្ទស្មាតហ្វូន និងទូរទស្សន៍ ។ លោក Lee គឺជាកូនប្រុសទី៣ របស់ស្ថាបនិកក្រុមហ៊ុន Samsung Group គឺលោក Lee Byung-Chull ដែលជាកូនប្រុសរបស់ម្ចាស់ដីដ៏ស្ដុកស្ដម្ភម្នាក់ ដែលផ្ដើមបើកក្រុមហ៊ុនពាណិជ្ជកម្មប្រកបដោយគុណធម៌មួយកាលពីជិត ៨០ ឆ្នាំកន្លងទៅ ។
ទ្រព្យសម្បត្ដិដ៏ច្រើនរបស់លោកក៏រួមបញ្ចូលទាំងទ្រព្យរបស់ភរិយាលោកគឺអ្នកស្រី Hong Ra-hee ផងដែរ ដែលជាកូនស្រីរបស់មហាសេដ្ឋីផ្នែកប្រព័ន្ធផ្សព្វផ្សាយ ដែលជាម្ចាស់កាសែតដ៏ធំបំផុតមួយប្រចាំនៅប្រទេសកូរ៉េ ។ បច្ចុប្បន្ន លោក Lee Kun-hee មានទ្រព្យសម្បត្ដិ ១៥. ៣ ពាន់លានដុល្លារអាមេរិក ដែលចំនួនទ្រព្យសម្បត្ដិនេះ ធ្វើឱ្យលោកក្លាយជាមហាសេដ្ឋីទី១ របស់កូរ៉េប្រចាំឆ្នាំ ២០១៩ ៕
ប្រែសម្រួល៖ សារ៉ាត
ប្រភព៖ Forbes
បច្ចេកវិទ្យា ដែលមើលច្រើន
