CamNews

ស្វែងរកកំរិតខ្ពស់
ព័ត៌មានអន្តរជាតិ 

អាណិតណាស់! និស្សិតស្រីវ័យ ១៨ ឆ្នាំ រូបស្អាតសាច់សខ្ចីដល់ថ្នាក់នេះ បែរជាចោរធ្វើរឿងមិនគួរឲ្យជឿបែបនេះ

PATTAYA - ប៉ូលីស បានតាមប្រមាញ់ចាប់ខ្លួនជនសង្ស័យម្នាក់ ដែលបានវាយដុំនិស្សិតស្រីជនជាតិចិនអាយុ  ១៨ ឆ្នាំម្នាក់ ដោយដំបង និងបានប្លន់យកទ្រព្យរបស់នាង ដែលមានតម្លៃជិត ៣ ម៉ឺនបាត មុននឹងគេចខ្លួនតាមឡានដឹកទំនិញមួយគ្រឿង នៅយប់ថ្ងៃអាទិត្យ។

និស្សិតស្រី ដែលត្រូវបានគេស្គាល់ថា មានឈ្មោះ Laichu Han បានរងរបួសក្បាល និងរបួសស្បែក នៅលើជង្គង់ និងជើងរបស់នាង។ នាងបានប្រាប់ប៉ូលីសថា នាងបានត្រលប់ទៅបន្ទប់របស់នាងតែម្នាក់ឯង ពីហាងទំនើបមួយ នៅពីក្រោយហាង LK នៅភាគខាងត្បូងខេត្ដប៉ាតាយ៉ានៅពេលដែលបុរសម្នាក់ បានលោតចេញពីរថយន្តភីកអាប់ពណ៌សមួយគ្រឿង ហើយបានវាយដុំនាង ដោយដំបង។

នាងបាននិយាយថា នាងត្រូវបានចោរវាយឱ្យដួលសន្លប់ បន្ទាប់មកនាងបានដឹងខ្លួនវិញ នៅតាមដងផ្លូវ ពេលមេឃកំពុងភ្លៀង។ បន្ទាប់មកនាងបានទៅរកមនុស្សនៅក្បែរនោះ ដើម្បីសុំឱ្យគេជួយ។

និស្សិតចិនម្នាក់នេះ បាននិយាយថា នាងបានបាត់កាបូបស្ពាយរបស់នាង ដែលមានប្រាក់ក្នុងនោះ៣,០០០ យន់ (ប្រហែល ១៥,០០០ បាត) លុយបាត ៣,០០០ បាត និងទូរសព្ទដៃមួយគ្រឿងមានតម្លៃ ១០,០០០ បាត។

អ្នកស្រុកបាននិយាយថា ពួកគេបានឮស្ត្រីម្នាក់ស្រែក ហើយបានចេញទៅរកមើល។ ពួកគេបានឃើញបុរសម្នាក់ស្លៀកពាក់សម្លៀកបំពាក់ពណ៌ខ្មៅ កាន់ដំបងឈើ និងស្ពាយកាបូប រត់ទៅកាន់ឡានភីកអាប់ ហើយក៏បើកចាកចេញទៅ។

ពួកគេបាននិយាយថា ពួកគេមិនបានមើលឃើញស្ត្រីជនជាតិចិននេះនោះទេ រហូតទាល់តែនាងបានទៅរកពួកគេ នៅពេលក្រោយដើម្បី សុំឱ្យជួយ៕

 


 


ប្រែសម្រួល៖ សារ៉ាត

ប្រភព៖ Bangkokpost


Tags: International news

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......