Lumigon T2 HD ៖ ស្មាតហ្វូនប្រណិត សម្រាប់អ្នកលេងជាន់ខ្ពស់
ក្រុមហ៊ុនទូរស័ព្ទ ដាណឺម៉ាក Lumigon ទើបតែបានឧទ្ទេសនាមផលិតផលថ្មី ដែលមានឈ្មោះថា
T2 HD។ នេះគឺជាស្មាតហ្វូនលំដាប់ខ្ពស់ សម្រាប់អតិថិជនជាអ្នកមាន ព្រោះវាមានរចនាប្រណិត
រឹងមាំ ដោយសារប្រើប្រាស់ដែកមិនច្រេះ រួមនឹងគ្រោង ធ្វើអំពីលោហធាតុ មានលក្ខណៈស្ដើង
ត្រឹមតែ 8,5mm ។
T2 HD មានអេក្រង់ 4,3 inch រីសូលូសឹន 720 pixel ត្រូវបានគ្របដណ្ដប់ដោយស្រទាប់កញ្ចក់
Gorilla Glass 3 ។ ក្រៅពីនេះ T2 HD ក៏អនុញ្ញាតឱ្យអូសបញ្ជាលើអេក្រង់ ដោយប្រើស្រោមដៃ
និងទប់ទល់នឹងការជ្រាបទឹក តាមស្ដង់ដា IP58 ។ T2 HD មានភ្ជាប់មកមួយនូវកាសស្ដាប់ Hi-Fi
ផ្ដល់សម្លេងច្បាស់ និងមានរូបរាង ដូចគ្រីស្តាល់។
រចនាសម្ព័ន្ធផ្នែករឹង មិនមែនជាអទិភាពរបស់ម៉ាស៊ីននេះ។ Lumigon T2 HD បំពាក់ប្រូសេសឺរ
Snapdragon កម្រិត 1.7GHz , RAM 2GB , ថ្ម 1.700mAh ។ កាមេរ៉ាក្រោយ 13 megapixel និង
កាមេរ៉ាមុខ 2,4 megapixel អាចថតវីដេអូ Full HD ។ Lumigon T2 HD មានបំពាក់ភ្លើង flash
សម្រាប់កាមេរ៉ាមុខផងដែរ។
ប៉ុន្ដែ ចំណុចពិសេសរបស់ Lumigon T2 HD នោះគឺ អង្គចងចាំក្នុងម៉ាស៊ីន ឡើងដល់ 128GB ។
ទន្ទឹមនឹងនេះ ស្មាតហ្វូន របស់ Lumigon ក៏អាចភ្ជាប់កម្មវិធីសាមញ្ញពេញលេញ ដូចជា LTE,
Bluetooth and WiFi, GPS, NFC, IR-blaster ។ល។ T2 HD ដំណើរការដោយ Android 4.4
KitKat ថ្មីបំផុត ហើយនឹងត្រូវបានដាក់លក់ នៅត្រីមាសទី ២ ឆ្នាំនេះ ក្នុងតម្លៃ ៧៥០អឺរ៉ូ/គ្រឿង
(ប្រហែល ១០៣០ដុល្លារអាមេរិក)។
ប្រែសម្រួលដោយ ៖ តារា
ប្រភព ៖ Slashgear
ទូរស័ព្ទ ដែលមើលច្រើន
