CamNews

- អាន ៖ ព្រឺក្បាល ៖ រកឃើញ សាកសព ដល់ទៅ ជិត ២៥០ នាក់ ផ្តុំនៅក្នុងផ្នូរធំតែមួយ

ព័ត៌មានអន្តរជាតិ ៖ ក្រោយពីបានដកស្រង់ សេចក្តីថ្លែងការណ៍ ផ្លូវការ របស់រដ្ឋាភិបាល   ប្រទេសអ៊ីរាក់ ទំព័រសារព័ត៌មានប៊ីប៊ីស៊ី បានចេញផ្សាយអោយដឹងថា ហោចណាស់ ជនរងគ្រោះដល់ទៅ   ៣២២ នាក់ មកពីក្រុមកុលសម្ព័ន្ធ Sunni ត្រូវបានសម្លាប់រង្គាល ដោយក្រុមសកម្មប្រយុទ្ធរដ្ឋអ៊ីស្លាម ជ្រុលនិយម ។

ក្រសួងសិទ្ធមនុស្ស ប្រទេសអ៊ីរ៉ាក់ បានអះអាងអោយដឹងថា សាកសពច្រើនជាង៥០នាក់ត្រូវបានប្រទះ ឃើញនៅក្នុងលំហូរទឹកមួយកន្លែង ខណៈក្រុមមនុស្ស ៦៥ នាក់ផ្សេងទៀត មកពីក្រុម កុល សម្ព័ន្ធដទៃ ទៀតក្រុមកុលសម្ព័ន្ធ​ Al-Bu Nimr ត្រូវបានចាប់ជម្រិត ។ គួរបញ្ជាក់ថា ការវាយប្រហារ ចុងក្រោយបំផុត ពីសំណាក់ ក្រុមសកម្មប្រយុទ្ធខាងលើ គឺត្រូវបានគេមើលអោយឃើញថា កើតឡើង  កាលពីព្រឹកថ្ងៃ អា ទិត្យ ដោយនៅក្នុងនោះ បានសម្លាប់មនុស្សរង្គាល ដោយមានជាការបាញ់បោះ សម្លាប់មនុស្សក្រុមកុល សម្ព័ន្ធហោចណាស់ ៥០ នាក់ ។

សេចក្តីរាយការណ៍ បន្តអោយដឹងថា ក្រុមសកម្មប្រយុទ្ធរដ្ឋអ៊ីស្លាម ជ្រុលនិយម IS ជាទូទៅមានការគ្រប់ ដណ្តប់ទៅលើតំបន់/ផ្នែក ធំៗ នៅក្នុងប្រទេស អ៊ីរ៉ាក់ និង ស៊ីរី ។ ប្រភពពីក្រសួង បន្តអោយដឹងថា ក្រុម IS បានបង្ខាំងទុក ចំណាប់ខ្មាំង ៦៥ នាក់ ជាទណ្ឌិតសង្គ្រាម ខណៈក្រុមមួយនេះ បាន រឹបអូស និងលួច យកបសុសត្វ ជាស្បឿងដ៏សំខាន់ ពីក្រុមកុលសម្ព័ន្ធដូចគ្នាដែរ ។

មេដឹកនាំកំពូល នៃក្រុមកុលសម្ព័ន្ធ​ លោក Sheikh Naeem Al Gaoud ផ្តល់ជាកិច្ចសម្ភាសន៍   ដល់ទំព័រ ប៊ីប៊ីស៊ីអោយដឹងថា រដ្ឋាភិបាលបានបោះបង់ចោល ពួកយើង និង ជាការបញ្ជូនបន្តទៅដល់ក្រុម ISIS ។ ពួកយើងបានស្នើសុំ សព្វាវុធជាជំនួយ ក៏ប៉ុន្តែ មានតែការសន្យា ពុំមានការផ្តល់អោយជាក់លាក់នោះទេ

ប្រភពបន្តអោយដឹងថា ជនរងគ្រោះ កើតចេញពីការវាយប្រហារចុងក្រោយ នាព្រឹក ថ្ងៃអាទិត្យ នោះ រួម មានដូចជា ស្រ្តី ១០ នាក់ និងក្មេងៗតូចៗដទៃទៀត ត្រូវបានចាប់ចង និងបាញ់សម្លាប់ ជា សាធារណៈ ខណៈជាការដាក់ទណ្ឌកម្ម សម្រាប់អ្វីដែល ក្រុម IS បានមើលអោយឃើញថា ជាការ   តស៊ូប្រឆាំងក្រុម ខ្លួនពីសំណាក់ ក្រុមកុលសម្ព័ន្ធ​។

គួរបញ្ជាក់ថា ក្រុមមនុស្សជាជនរងគ្រោះ រាប់សិបនាក់ រាប់រយនាក់ មក   ពីក្រុមកុលសម្ព័ន្ធ Al-Bu Nimr ត្រូវបានគេប្រទះឃើញថា បានស្លាប់បាត់បង់ជីវិតនៅក្នុងផ្នូរដ៏ធំមួយផ្តុំនៅកន្លែងតែមួយនាដើមសប្តាហ៍​ នេះ ។ ដោយឡែក ជនរងគ្រោះ ៤០ នាក់ផ្សេងទៀត ត្រូវបានសម្លាប់     កាលពី អំឡុង ថ្ងៃសៅរ៍ ថ្ងៃចុង សប្តាហ៍ ៕

- អាន ៖ ព្រឺក្បាល ៖ រកឃើញ សាកសព ដល់ទៅ ជិត ២៥០ នាក់ ផ្តុំនៅក្នុងផ្នូរធំតែមួយ

ប្រែសម្រួល ៖​កុសល
ប្រភព ៖ ប៊ីប៊ីស៊ី