CamNews

ព័ត៌មានអន្តរជាតិ ៖ ប៉ូលីសថៃ គូសបញ្ជាក់អោយដឹងថា គ្រាប់បែកច្នៃពីរគ្រាប់ ដែលត្រូវបានផ្ទុះឡើង នៅ ចំពីមុខផ្សារទំនើបល្បីប្រចាំក្រុង បាងកក ដែលបានធ្វើអោយមនុស្ស ២នាក់របួសនោះមិនត្រូវបានផលិត ឡើងក្នុងន័យសម្លាប់មនុស្សនោះទេ ។

សេចក្តីរាយការណ៍ បញ្ជាក់អោយដឹងថា ករណីផ្ទុះគ្រាប់បែកច្នៃពីរគ្រាប់នេះ បាន​   កើតឡើងកាលពីយប់ ថ្ងៃអាទិត្យកន្លងទៅ វេលាម៉ោង ៨ យប់ នៅពីមុខផ្សារទំនើបល្បីប្រចាំក្រុង Siam Paragon ជាទីប្រជុំសំបូរ ទៅដោយភ្ញៀវទេសចរជាតិ និងអន្តរជាតិ ក៏ដូចជា ពលរដ្ឋក្នុងស្រុកជាដើម ។ ប្រភពបញ្ជាក់អោយដឹងថា បុរសពីរនាក់ រងរបួសស្រាល ក្រោយហេតុការណ៍ផ្ទុះគ្រាប់បែកកណ្តាលក្រុងលើកនេះ ។ ​

អាជ្ញាធរពាក់ព័ន្ធ ស្រាយបំភ្លឺអោយដឹងថា ក្រុមការងារ ជំនាញ កំពុងតែប្រមូលភស្តុតាង  ក៏ដូចជា ត្រួតពិ និត្យមើលប្រព័ន្ធកាម៉េរ៉ាសុវត្ថិភាព ដើម្បីឈានទៅដល់អត្តសញ្ញាណ ឧក្រិដ្ឋជន ដែល   នៅពីក្រោយការ វាយប្រហារបំផ្ទុះគ្រាប់បែកលើកនេះ ។ គួរបញ្ជាក់ថា ករណីបំផ្ទុះគ្រាប់បែកលើកនេះ គឺជា ករណីផ្ទុះលើក ដំបូង នៅក្នុងរដ្ឋធានី បាងកក ចាប់តាំងពីមានការកាន់អំណាច ដោយរដ្ឋាភិបាលយោធា ក្រោយធ្វើរដ្ឋប្រ ហារកាលពីអំឡុងខែ ឧសភា ឆ្នាំកន្លងទៅនេះ ដោយបានបញ្ជប់ បាតុកម្មហឹង្សា តាមបណ្តោយផ្លូវសាធារ ណៈដែលអូសបន្លាយរយៈពេលយូរ ។

ដោយឡែក នាយករដ្ឋមន្រ្តីប្រទេស ថៃ លោក Prayut Chan-o-cha បានធ្វើការថ្កោស  ទោស ទៅលើការ វាយប្រហារ និងបានបញ្ជាក់ឡើងវិញ អោយដឹងថា ច្បាប់អាជ្ញាសឹក ត្រូវតែមាននៅនឹងកន្លែង ដើម្បីធានា អោយបាន ឈានទៅដល់ការការពារ ការកើតមានឡើងនូវអំពើហឹង្សាណាមួយ បន្ថែម ទៀត ។ សន្តិសុខ នឹងត្រូវរឹតបណ្តឹងបន្ថែមទៀត នៅតាមទីប្រជុំជន ក្នុងក្រុង បាងកក រួមមានដូចជា តាម បណ្តាផ្សារទំនើប ក៏ដូចជា ស្ថានីយ៍រថភ្លើងជាដើម ៕

- អាន ៖ ផ្ទុះគ្រាប់បែក ពីរគ្រាប់ ពីមុខ ច្រកចេញចូលផ្សារទំនើប ល្បីប្រចាំក្រុង ផ្អើលពេញផ្ទៃប្រទេស

ប្រែសម្រួល ៖ កុសល
ប្រភព ៖ channelnewsasia