CamNews

ព័ត៌មានអន្តរជាតិ ៖ ស្ថិតនៅក្នុងវ័យ ទើបតែ ១៤ ឆ្នាំ ​  Ahmed Mohamed ឬ " ក្មេង ប្រុស នាឡិកា" ដែលត្រូវបានចាប់ឃាត់ខ្លួន ពាក់ព័ន្ធនឹងការភ័នច្រឡំដ៏ធំ ផលិត នាឡិកា ច្នៃ ថាជាការផលិតគ្រាប់ បែកបំផ្ទុះនោះ ជាការពិត គេទទួលបានភាព  ល្បី  ល្បាញ  ជាខ្លាំង បន្ទាប់ពីស្ថាប័នល្បីៗ ក៏ដូចជា បុគ្គលល្បីៗលើលោក សាទរ និង លើកទឹកចិត្ត   តាមរយៈ ការកោះហៅ អោយទៅជួបផ្ទាល់ ក៏ដូច ជាពាក្យសរសើរជាដើម ។ ដោយឡែក Microsoft    ច្រើនជាង ពាក្យសរសើរ ក៏ដូចជា​ការកោះហៅ អោយទៅជួប  ផ្ទាល់ ក្រុមហ៊ុន   លំដាប់ពិភពលោក   មួយនេះ បានផ្តល់ជាកាដូ យ៉ាងច្រើនសន្ធឹក សន្ធាប់ ដល់ Ahmed Mohamed ។

សេចក្តីរាយការណ៍ បញ្ជាក់អោយដឹងថា កញ្ជប់ជារួមកាដូ ពី Microsoft  រួមមានដូចជា ៖ Microsoft Surface Pro 3, ​នាឡិកា​ Microsoft Band, ម៉ាស៊ីន​ព្រីន​ ​Cube 3D Printer, ម៉ាស៊ីន​កុំព្យូទ័រ ​Rasb - erry Pi​ និង​ការ​ចុះ​ឈ្មោះ​ប្រើ​ប្រាស់​ Microsoft Office 365​ ជាដើម ។ លោក Alia Salem អគ្គនាយក ចាត់ការទូទៅ នៃក្រុម    ប្រឹក្សា  ទំនាក់ទំនង អ៊ីស្លាម-អាមេរិក បានបង្ហោះផ្សាយជាសាធារណៈ នូវ សន្លឹក រូបថត Ahmed Mohamed  សប្បាយចិត្តជាខ្លាំង ទន្ទឹមនឹងការទទួលបានកាដូជាពិសេស ពី Microsoft តាមរយៈបណ្តាញ   សង្គម ទ្វីតធើ   ៖  ចូររីករាយ នឹងទទួលយកកាដូទាំងនេះ ពួកយើង ពិតជាមិនអាចរង់ចាំបាននោះទេ ថាអ្វីដែលឯងនឹងផលិតឡើង ជាមួយនឹងឧបករណ៍ទាំងអស់នេះ

គួររំឮកថា រឿងអាស្រូវនៃការភ័នច្រឡំ   ដ៏ធំ  នៃគំនិតច្នៃប្រឌិត ផលិតនាឡិកាច្នៃ ថាជា ការផលិត គ្រាប់បែកបំផ្ទុះ Ahmed Mohamed   ទទួល  បានការលើកទឹកចិត្ត និងជម្រុញទឹកចិត្តជាខ្លាំង ពីសំ ណាក់បុគ្គលល្បីៗលើលោក ក៏ដូចជាស្ថាប័នល្បីៗ មួយចំនួនបានកោះហៅទៅជួបផ្ទាល់ដូចគ្នាដែរ រួមមាន  ដូចជា   ៖   Barack Obama,  Hillary  Clinton, Facebook CEO Mark Zuckerberg, MIT, NASA, Twitter, Google និងមួយចំនួនផ្សេងទៀត ៕

- អាន ៖ បញ្ជីស្ថាប័នល្បីៗ ច្រើនខ្លាំង Facebook, Twitter, Nasa, White House, Google កោះហៅ "ក្មេងប្រុសនាឡិកា"

- អាន ៖ យុវសិស្ស វ័យ ១៤ ឆ្នាំ ផលិត នាឡិកាច្នៃ ច្រឡំថា គ្រាប់បែក ល្បីខ្លាំង ដល់ Obama កោះហៅ ទៅ សេតវិមាន

ប្រែសម្រួល ៖ កុសល

ប្រភព ៖ digitaltrends