ព័ត៌មានអន្តរជាតិ ៖ រដ្ឋាភិបាលសហរដ្ឋអាមេរិក ប្រកាស ផ្តល់ប្រាក់រង្វាន់ ៥ លានដុល្លារសហរដ្ឋ អាមេរិក សម្រាប់ការផ្តល់ព័ត៌មាន ឈានទៅដល់ ការ ចាប់ឃាត់ខ្លួន ស្តេច គ្រឿងញៀន ប្រទេស ម៉ិចសិក ដែលមានឈ្មោះថា Guzman ។
Guzman បានរត់គេចខ្លួន បានសម្រេច អំឡុងថ្ងៃទី ២២ កក្កដា កន្លងទៅនេះតាមរយៈផ្លូវក្រោមដី ជម្រៅជ្រៅ និងរយៈចម្ងាយឆ្ងាយ ពីពន្ធនាគារ មានការពង្រឹងសន្តិសុខខ្ពស់ បំផុត ។ សេចក្តីរាយ ការណ៍ បញ្ជាក់អោយដឹងថា ស្តេចគ្រឿងញៀន រូបនេះគឺជាបុគ្គលមួយរូប ដែល សហរដ្ឋអាមេរិក ដាក់ក្នុងបញ្ជីស្បែកខ្មៅ តាមប្រមាញ់ជានិច្ច ខណៈជាមេបងធំគ្រឿងញៀន Sinaloa ដែលជាក្រុម រត់ពន្ធ គ្រឿង ញៀន ខុស ច្បាប់ បរិមាណ ច្រើនលើសលប់ មានដូចជា កូកាអ៊ីន ហេរ៉ូអ៊ិន និង methamphetamines ទៅទឹកដីសហរដ្ឋអាមេរិក ជាដើម ប្រមុខរដ្ឋបាលអនុវត្តច្បាប់គឿងញៀន សហរដ្ឋអាមេរិក ឬ US Drug Enforcement Administration (DEA) អោយដឹងថាលោកមានជំនឿ ជាក់ថា ស្តេចគ្រឿងញៀន Guzman មានវត្តមាននៅក្នុងប្រទេស ម៉ិចសិក នៅឡើយ ៕
ប្រែសម្រួល ៖កុសល
ប្រភព ៖ ប៊ីប៊ីស៊ី