ទាន់ហេតុការណ៍ ៖ ធ្លាក់ឧទ្ធម្ភាគចក្រយោធា សម្លាប់ទ័ព ៨ នាក់
ព័ត៌មានអន្តរជាតិ ៖ ទូរទស្សន៍រដ្ឋរបស់ប្រទេស រូម៉ានី បានផ្សាយថា ឧទ្ធម្ភាគចក្រប្រភេទ សូខេត ដឹក យោធាចំនួន ១០នាក់ បានធ្លាក់កាលពីថ្ងៃសុក្រ ទី២១ ខែវិច្ឆិកា នៅជិតទីក្រុង មេដៀសភាគកណ្តាល ប្រទេស រូម៉ានី បណ្តាលឲ្យស្លាប់យោធា ០៨នាក់។
ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃសៅរ៍ ទី២២ ខែវិច្ឆិកា ឆ្នាំ២០១៤ ដោយផ្អែកតាមការលើកឡើងរបស់លោក មីសៀ ឌូសា រដ្ឋមន្រ្តីការពារជាតិរូម៉ានី ថា ឧប្បតិហេតុធ្លាក់នោះ បានបណ្តាលឲ្យស្លាប់យោធា ០៨នាក់ ដែលនៅលើឧទ្ធម្ភាគចក្រ ចំណែក ០២នាក់ទៀតគឺនៅរស់រានមានជីវិតប៉ុន្តែ ស្ថិតក្នុងអាការៈធ្ងន់ធ្ងរ ដោយសារភ្លើងឆេះ។
ចំណែក ក្រសួងមហាផ្ទៃរូម៉ានីវិញ បានឲ្យដឹងថា ជនរងគ្រោះដែលនៅរស់រានមានជីវិតទំាងពីរនាក់នោះ គឺលោតចេញពីឧទ្ធម្ភាគចក្រ ដោយ ខ្លួនឯង។ ចំណែកសាក្សី បាននិយាយថា «នៅពេលដែល គាត់ ទៅ ដល់កន្លែងកើតហេតុ ឃើញឧទ្ធម្ភាគចក្រនោះ បានឆេះទៅហើយ។ អ្នករងគ្រោះម្នាក់ នៅ ដឹងខ្លួននៅឡើយ ខណៈម្នាក់ទៀតស្ថិតក្នុងអាការៈធ្ងន់ធ្ងរ»។
ក្រសួងមហាផ្ទៃបន្តថា ឧទ្ធម្ភាគចក្រមួយគ្រឿងដែលធ្លាក់នោះ គឺកំពុងហោះហើរទៅឆ្ពោះទៅមូលដ្ឋាន យោធា ស៊ីនគូ ដែលមានចម្ងាយប្រហែល ៤៥ គីឡូម៉ែត្រ ពីភាគអាគ្នេយ៍នៃកន្លែងធ្លាក់ ដើម្បីទៅចូល រួម សមយុទ្ធយោធាជាមួយ ទាហានអាម៉េរិក។
រដ្ឋមន្រ្តីការពារជាតិ លោក ឌូសា ក៏បានបញ្ជាឲ្យស៊ើបអង្កេតក្នុងឧប្បតិហេតុនេះផងដែរ ចំណែក ក្រុម ការងាររួម ដែលរួមមានក្រុមព្រះរាជអាជ្ញាយោធា មន្រ្តីជំនាញខាងវិទ្យាសាស្រ្ត និងឧបនាយករដ្ឋមន្រ្តី រូម៉ានី ទទួលបន្ទុកសន្តិសុខជាតិ ក៏បានធ្វើដំណើរទៅកន្លែងធ្លាក់នោះហើយដែរ៕
ប្រភព ៖ ដើមអម្ពិល
- មេដឹកនាំពិភពលោក ចិន-អាមេរិក ណាត់ជួបគ្នាដោយផ្ទាល់ នៅអាទិត្យក្រោយ តើនឹងមានអ្វីកើតឡើង?? (30/03/2017 15:02:00)
- កាត់ក្បាល ប្រពន្ធ យួរពេញផ្លូវ រួចដុតសាកសព ផ្អើលគេផ្អើលឯង ទាំងកណ្តាលថ្ងៃ (30/03/2017 14:43:00)
- ដល់ក, មន្រ្តីទូតអាមេរិក ត្រូវចាប់ឃាត់ខ្លួន ជុំវិញការចោទប្រកាន់ ទទួលសំនូក រាប់ម៉ឺនដុល្លារពីចារកម្មចិន (30/03/2017 14:06:00)
- ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត (29/03/2017 16:16:00)
- ផ្ទុះបាតុកម្ម ហឹង្សា នៅកណ្តាលទីក្រុង ល្បី ក្រោយប៉ូលីស បាញ់សម្លាប់ជនជាតិ ចិន ដល់ផ្ទះ (29/03/2017 15:27:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ការពិត ចឹងសោះ បានជណ្តើរយន្ត គ្រោះថ្នាក់ វិល ថយក្រោយ បណ្តាលឲ្យមនុស្ស ១៨នាក់ របួស (មានវីដេអូ) (27/03/2017 15:40:00)
- សិស្សវិទ្យាល័យ ៦នាក់ រងនូវការសម្លាប់ ដោយបាក់ផ្ទាំងទឹកកក នាព្រឹកថ្ងៃច័ន្ទនេះ (27/03/2017 14:36:00)
- សូម្បីតែ អ្នកសំអាត ក៏ក្លាយជាអ្នកមានដែរ, Porsche ប្រកាសឲ្យ Bonus គ្រប់ៗគ្នា ក្នុង១នាក់ជិត 14.000$ (25/03/2017 09:59:00)
ព័ត៌មានអន្តរជាតិ ដែលមើលច្រើន
