CamNews

ព័ត៌មានកីឡា៖ កីឡាករប្រដាល់លក្ខណៈសកលជនជាតិ ហ្វីលីពីន ដែលមានឈ្មោះ ប៉ាក់ គឺអៅ បាន​និយាយថា រួបគាត់មានគម្រោងលក់សំណង់អគារដែលជាផ្ទះចាស់របស់គាត់កាលពីវ័យកុមារ ស្ថិតនៅក្នុងតំបន់ដ៏ស្រស់ឆើតឆាយមួយកន្លែង ក្នុង​ទីក្រុងម៉ានីល។ 

កីឡាករ ប៉ាក់ គឺអៅ បានមានប្រសាសន៍ប្រាប់អ្នកការសែតថា រួបគាត់និងលក់ សំណង់អគារ​ដ៏ចាស់​៣ ជាន់របស់គាត់មួយកន្លែង ស្ថិតនៅក្នុងទីក្រុង ម៉ានីល នៃប្រទេសហ្វីលីពីន ក្រោយពីមានការត្អួញត្អែ​ជា​ខ្លាំងពីសំណាក់អ្នកជិតខាង លើរឿងការស្លៀកពាក់មិនសមរម្យរបស់ អ្នកគាំទ្រដែលបានចូលមកលេងគាត់។ ​ថ្លែងពីសំដីដដែរ បានបន្ដប្រាប់អ្នកការសែតទៀតថា ចំពោះរួបគាត់ មិនមានអ្វីដែលរង្គោះរង្គឺដល់​អារម្មណ៍គាត់ឡើយ បើទោះបីជាពួកគេ​មិនមានសំលៀកបំពាក់ល្អត្រឹមត្រូវ ក៏ដោយនោះ។ 

ភាពប្រែប្រួលដោយស្មានមិនដល់របស់ ប៉ាក់ គឺអៅ ដំបូងឡើយ កីឡាករមានប្រវត្ដិត្រឹមជាអាជីវករលក់​ត្រីតូចតាចប៉ុណ្ណោះក្នុងតំបន់មួយ ប៉ុន្ដែក្រោយពីបានសម្រេចចិត្ដចួលខ្លួនក្នុងវិស័យកីឡាប្រដាល់​ ការ​ប្រែប្រួលកាន់តែប្រសើរឡើង ជាពិសេស ក្រោយពីបានផ្ទួលដៃគូរប្រកួតចុងក្រោយ ក្នុងមិត្ដភាពប្រកួតខ្សែក្រវ៉ាត់ WBO ប៉ះជាមួយ Chris Algieri មក​ ប៉ាក់ គឺអៅ ក៏កាន់តែទទួលបានប្រជាប្រិយភាពខ្លាំង នៅក្នុងប្រទេសរបស់ខ្លួន​។ កាលពីឆ្នាំ ២០១០ កីឡាករ ប៉ាក់ គឺអៅ ធ្លាប់បានប្រើកិត្ដិយសជាអ្នកកីឡាករ ​ដើម្បីឈឈ្មោះបោះឆ្នោត​ចួលក្នុងសភា ដូចជាអ្នកនយោបាយល្បីៗជាច្រើនរូបទៀតនៅក្នុងប្រទេស​ហ្វីលី​ពីន ។​

កីឡាករវ័យ ៣៥ បានបន្ដទៀតថា​ គាត់សុំអភ័យទោសចំពោះរាល់ការប៉ះពាល់ទាំងអស់នោះ ហើយនឹងការ​ងឿងឆ្ងល់មួយចំនួនដែលយល់ថា ក្នុងនាមគាត់ជាមនុស្សល្បីម្នាក់ហើយ ហេតុអ្វីបានត្រូវអនុញ្ញាត​ ឲ្យអ្នកគាំទ្រ​ដែលមានជីវភាពក្រៗ ខោអាវ រញ៉េរញ៉ៃគ្មានសណ្ដាប់ធ្នាប់ ទាំងអស់ឲ្យស្នាក់នៅជាមួយ ។​  វាមិនមែនជាឆន្ទៈ​របស់​គាត់ឡើយដែល រើសអើង​អ្នកក្រតួចតាច ហើយគាត់ក៏មិនមែនជាអ្នកមាន ហើយអស្ចារ្យអ្វីនោះដែរ ព្រោះគាត់ក៏មានដើមកំណើត​​មិនខុសពីពួកគេទេ។ ចំពោះការសម្រេចចិត្ដ លក់ផ្ទះនេះ វាមិនមែន​ជាការពេញចិត្ដរបស់គាត់ ដោយសង្ឃឹមថា ក្រោយពីលក់ផ្ទះនេះហើយ គាត់អាចមានសមត្ថភាព​ទិញ​បានវិញនូវផ្ទះមួយកន្លែង ដែលអាចឲ្យអ្នកគាំទ្ររបស់គាត់ស្នាក់អាស្រ័យបាន​ ហើយមិនមានប៉ះពាល់​ដល់​គេឯង។ ប្រសិនបើ មានអ្នកណាមានបំណងចង់ទិញយកផ្ទះរបស់គាត់ គឺគាត់និងលក់ជូន ហើយតម្លៃគឺធ្លាប់បានបង្ហាញរួចម្ដងហើយ គឺ ៩ លានដុល្លា( កាលពីឆ្នាំ ២០១១)។ 

ដោយ៖ អឿ អ៊ុយ
ប្រភព៖ channelnewsasia