CamNews

បរទេស៖ ថៃត្រូវបានគេចាត់ទុកថា ស្ថិតនៅក្នុងចំណោមប្រទេសអភិវឌ្ឍន៍ និងមានសេដ្ឋកិច្ចដ៏រីកចម្រើនមួយនៅបណ្ដា ប្រទេសក្នុងតំបន់អាស៊ីអាគ្នេយ៍ ។ តើអ្នកចង់ដឹងទេថា នរណាគេខ្លះជាមហាសេដ្ឋីក្នុងប្រទេសថៃនោះ? ខាងក្រោមនេះ ជាមហាសេដ្ឋីទាំង១០មានជាងគេបំផុតក្នុងប្រទេសថៃ៖

១. គ្រួសារលោក Chirathivat
ជាគ្រួសារជនជាតិថៃកាត់ចិន ត្រូវបានគេចាត់ទុកថា ជាមហាសេដ្ឋីទី១ ក្នុងប្រទេសថៃ ដែលគ្រួសាររបស់លោក គឺជា ម្ចាស់ និងជាអ្នកគ្រប់គ្រង់នៅក្នុងក្រុមហ៊ុនលក់ទំនិញរាយ Central Group និងសណ្ឋាគារ Centara ។ បច្ចុប្បន្ននេះ គ្រួសាររបស់លោកមានទ្រព្យសម្បត្តិសុទ្ធចំនួន ១២.៧ ពាន់លានដុល្លារអាម៉េរិក ។

២. លោក Dhanin Chearavanont
ជាអ្នកជំនួញម្នាក់នៅទីក្រុងបាងកក និងជាមហាសេដ្ឋីទី២ ក្នុងប្រទេសថៃ ព្រមទាំងទី៥៨ របស់ពិភពលោក ដែលមាន ទ្រព្យសម្បត្តិសុទ្ធចំនួន ១១.៥ ពាន់លានដុល្លារអាម៉េរិក ។

៣. លោក Charoen Sirivadhanabhakdi
ជាវិនិយោគិន និងជាសហគ្រិនដ៏មានស្ដុកស្ដម្ភម្នាក់របស់ប្រទេសថៃ ដែលមានទ្រព្យសម្បត្តិសុទ្ធចំនួន ១១.៣ ពាន់លាន ដុល្លារអាម៉េរិក ។

៤. លោក Chalerm Yoovidhya
ជាមហាសេដ្ឋីជំនួញ និងជាអ្នកវិនិយោគ ព្រមទាំងសហស្ថាបនិកនៃក្រុមហ៊ុន Red Bull ជាក្រុមហ៊ុនភេសជ្ជៈប៉ូវកម្លាំងរបស់ប្រទេសថៃ ដែលលោកមានទ្រព្យសម្បត្តិសុទ្ធចំនួន ៩.៩ ពាន់លានដុល្លារអាម៉េរិក ។

៥. លោក Krit Tatanarak
ជាប្រធានក្រុមប្រឹក្សាភិបាលនៃ Bangkok Broadcasting & Television ជាក្រុមហ៊ុនស្រាវជ្រាវ និងព័ត៌មានវិនិយោគរបស់ថៃ ដែលបច្ចុប្បន្ននេះលោកមានទ្រព្យសម្បត្តិសុទ្ធចំនួន ៥.១ ពាន់លានដុល្លារអាម៉េរិក ។

៦. លោក Vanich Chaiyawan
ជាអ្នកជំនួញ និងជាប្រធានក្រុមប្រឹក្សាភិបាលនៃ Thai Life ជាក្រុមហ៊ុនធានារ៉ាប់រងអាយុជីវិតដ៏ធំជាងគេលំដាប់ទី២ ក្នុងប្រទេសថៃ ដែលលោកមានទ្រព្យសម្បត្តិសុទ្ធចំនួន ៣.៩ ពាន់លានដុល្លារអាម៉េរិក ។

៧. លោក Santi Bhirombhskdi
ជាប្រធាន និងជានាយកប្រតិបត្តិនៃក្រុមហ៊ុនសាជីវកម្ម Singha Corporation ដែលលោកមានទ្រព្យសម្បត្តិសុទ្ធចំនួន ២.៨ ពាន់លានដុល្លារអាម៉េរិក ។

៨. លោក Pasert Prasarttong-Osoth
ជាស្ថាបនិកនៃក្រុមហ៊ុនផ្តល់សេវាកម្មផ្នែកវេជ្ជសាស្ត្រ Bangkok Dusit ដែលបច្ចុប្បន្ននេះ លោកមានទ្រព្យសម្បត្តិសុទ្ធ ចំនួន ២.៣ ពាន់លានដុល្លារអាម៉េរិក ។

៩. លោក Vichai Maleenont
ជាសហស្ថាបនិក ប្រធានក្រុមប្រឹក្សាភិបាល និងនាយកប្រតិបត្តិនៃក្រុមហ៊ុនប្រព័ន្ធផ្សព្វផ្សាយពិភពលោក BEC ដែលលោកមានទ្រព្យសម្បត្តិសុទ្ធចំនួន ១.៧ ពាន់លានដុល្លារអាម៉េរិក ។

១០. លោក Thaksin Shinawatra
ជាអ្នកជំនួញ អ្នកនយោបាយ និងជាអតីតនាយករដ្ឋមន្រ្តីនៃប្រទេសថៃ ដែលបច្ចុប្បន្ននេះ លោកមានទ្រព្យសម្បត្តិសុទ្ធ ចំនួន ១.៧ ពាន់លានដុល្លារអាម៉េរិក ៕

ផ្តល់សិទ្ធដោយ ៖ ដើមអម្ពិល