ចិនយល់ព្រមប្រគល់នាវាមុជទឹក ឱ្យសហរដ្ឋអាមេរិកវិញ តែលោក ដូណាល់ ត្រាំ ថាអត់ចង់បាននាវាដែលចិន លួចទៅនោះទេ
(វ៉ាស៊ីនតោន)៖ រដ្ឋាភិបាលចិន នឹងប្រគល់កូននាវាមុជទឹកគ្មានមនុស្សបើក ដែលខ្លួនបានរឹបអូសទៅឱ្យសហរដ្ឋអាមេរិក វិញ ក៏ប៉ុន្តែព្រមពេលជាមួយទីក្រុងប៉េកាំង បានចោទប្រកាន់ទីក្រុងវ៉ាស៊ីនតោន ថាបាននិយាយ បំផ្លើសពីឧប្បទ្ទវហេតុដែលបានកើតឡើង ខណៈលោកដូណាល់ ត្រាំផ្ទាល់ បានប្រាប់ចិនឱ្យរក្សាទុកនាវានេះចុះ។ នេះ បើតាមការចេញផ្សាយដោយសារព័ត៌មាន Channel News Asia នៅព្រឹកថ្ងៃអាទិត្យ ទី១៨ ខែធ្នូ ឆ្នាំ២០១៦។
កាលពីថ្ងៃព្រហស្បតិ៍កន្លងទៅ នាវាល្បាតចិន បានរឹបអូសកូននាវាមុជទឹកគ្មានមនុស្សបើកឈ្មោះ UUV របស់សហរដ្ឋ អាមេរិក នៅក្នុងដែនទឹកសមុទ្រចិនខាងត្បូង ស្ថិតនៅចម្ងាយប្រហែលជា៩០គីឡូម៉ែត្រពីឈូងសមុទ្រស៊ូប៊ិក (Subic Bay) នៃប្រទេសហ្វីលីពីន។ ជុំវិញបញ្ហានេះដែរ ប្រធានាធិបតីអាមេរិកជាប់ឆ្នោត លោក ដូណាល់ ត្រាំ កាលពីថ្ងៃសៅរ៍ បានធ្វើសង្រ្គាមពាក្យសម្ដីជាមួយចិនសារជាថ្មី ដោយសរសេរនៅលើ Twitter ថា «ចិនបានលួចនាវាមុជទឹកស្រាវជ្រាវ អាមេរិក នៅក្នុងតំបន់ដែនទឹកអន្តរជាតិ ហើយយើងគួរតែប្រាប់ទៅចិនថា យើងមិនត្រូវការនាវាមុជទឹកដែលពួកគេបាន លួចត្រឡប់មកវិញនោះទេ ពោលគឺទុកឱ្យពួកគេរក្សាទុកនាវាមុជទឹកនេះចុះ»។ ប៉ុន្តែ យ៉ាងណាក៏ដោយ ថ្លែងនៅក្នុង សេចក្ដីប្រកាសព័ត៌មានអ្នកនាំពាក្យមន្ទីបញ្ចុកោណ លោក ភីតធឺ ខុគ (Peter Cook) បានឱ្យដឹងថាចិននឹងប្រគល់ នាវាមុជទឹកដែលខ្លួនរឹបអូសមកវិញ។ «ផ្អែកលើ ការសន្យាដោយផ្ទាល់ជាមួយភាគីចិន សហរដ្ឋអាមេរិកនឹងទទួលបាន នាវាមុជទឹក UUV ត្រឡប់មកវិញ»។ នេះបើតាម លោក ភីតធឺ ខុគ។
គួរបញ្ជាក់ថា ការរឹបអូសនាវាមុជទឹកអាមេរិក ធ្វើឡើងនៅចំពេលដែលទំនាក់ទំនងរវាងចិន និងសហរដ្ឋអាមេរិកកំពុង មានភាពតានតឹងគ្នា បន្ទាប់ពីលោក ដូណាល់ ត្រាំ ព្រមានមិនគោរពគោលនយោបាយចិនតែមួយចំពោះកោះតៃវ៉ាន់៕
ប្រភព ៖ CNA
- ផ្កាឈូករត្ន័ដ៏ស្រស់ស្អាត ដុះចេញជារូបរាង គួរឲ្យទាក់ទាញ នៅក្នុង ទីក្រុងប៉េកាំង (18/08/2017 10:57:00)
- ដឹងមូលហេតុដែលគេសម្រេចចិត្តធ្វើនំខេកមានទម្ងន់ដល់ទៅ ៣ តោននេះ ទើបហួសចិត្ត...! (08/08/2017 11:25:00)
- មេដឹកនាំពិភពលោក ចិន-អាមេរិក ណាត់ជួបគ្នាដោយផ្ទាល់ នៅអាទិត្យក្រោយ តើនឹងមានអ្វីកើតឡើង?? (30/03/2017 15:02:00)
- កាត់ក្បាល ប្រពន្ធ យួរពេញផ្លូវ រួចដុតសាកសព ផ្អើលគេផ្អើលឯង ទាំងកណ្តាលថ្ងៃ (30/03/2017 14:43:00)
- ដល់ក, មន្រ្តីទូតអាមេរិក ត្រូវចាប់ឃាត់ខ្លួន ជុំវិញការចោទប្រកាន់ ទទួលសំនូក រាប់ម៉ឺនដុល្លារពីចារកម្មចិន (30/03/2017 14:06:00)
- ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត (29/03/2017 16:16:00)
- ផ្ទុះបាតុកម្ម ហឹង្សា នៅកណ្តាលទីក្រុង ល្បី ក្រោយប៉ូលីស បាញ់សម្លាប់ជនជាតិ ចិន ដល់ផ្ទះ (29/03/2017 15:27:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ការពិត ចឹងសោះ បានជណ្តើរយន្ត គ្រោះថ្នាក់ វិល ថយក្រោយ បណ្តាលឲ្យមនុស្ស ១៨នាក់ របួស (មានវីដេអូ) (27/03/2017 15:40:00)
ព័ត៌មានអន្តរជាតិ ដែលមើលច្រើន
