តើគួរធ្វើដូចម្ដេច ទើបស្បែកមិនយារធ្លាក់ ពេលស្រកទម្ងន់?

សុខភាព

តើគួរធ្វើដូចម្ដេច ទើបស្បែកមិនយារធ្លាក់ ពេលស្រកទម្ងន់?

02:43 PM 20.07.2015
Print Email

បរទេស៖ ប្រសិនបើអ្នកស្រកទម្ងន់ លឿនពេក ឬទម្ងន់របស់អ្នកមិនថេរ ទ្បើងចុះៗ គឺជាលទ្ធផល ដែលនាំឲ្យស្បែក អ្នកមានសភាពយារធ្លាក់មើលទៅ ពិតជាទាស់ខ្លាំងភ្នែកណាស់។ តើអ្នកដឹងទេថា មូលហេតុអ្វីបានជាពេលស្រក ទម្ងន់ ស្បែកមានសភាពយារធ្លាក់ មិនគួរឲ្យចង់គយគន់នោះ?

ជាធម្មតាទេ ដែលស្បែកតែងមានការផ្លាស់ប្តូរ ដូចជា យឺត ឬយារធ្លាក់ នៅពេលអ្នកឈានចូលដល់ វ័យចំណាស់ ប៉ុន្តែក្នុងករណី នៃការសម្រកទម្ងន់ ក៏ជាមូលហេតុ ដ៏ចម្បងធ្វើឲ្យស្បែកអ្នក ជួបបញ្ហាបែបនេះដែរ។ ស្បែកមិនមែន គ្រាន់តែជាដុំកៅស៊ូ ដ៏ធំមួយ ដែលគ្របដណ្ដប់ លើរាងកាយទាំងមូលនោះទេ ប៉ុន្តែវាក៏ជាសរីរាង្គ ជំនួសឲ្យសរីរាង្គ កោសិកាផ្សេងទៀត នៅក្នុងរាងកាយរបស់អ្នកផងដែរ។ ហេតុដូចនេះ ប្រសិនបើអ្នកស្រកទម្ងន់ ខុសពីប្រក្រតី ឬលឿនពេកមានន័យថា រាងកាយរបស់អ្នក ត្រូវបានបាត់បង់ជាតិខ្លាញ់ ដែលជាកត្តា នាំឲ្យស្បែកមានសភាពយារ ធ្លាក់។

តាមការសិក្សាស្រាវជ្រាវ បានបង្ហាញឲ្យដឹងថា ស្បែកតែងមានសភាពយារធ្លាក់ខ្លាំង បន្ទាប់ពីការស្រកទម្ងន់រួច ដោយសារមនុស្សភាគច្រើន មិនបានធ្វើសកម្មភាព ជួយដុតបំផ្លាញជាតិខ្លាញ់ ឬកាទ្បូរីក្នុងខ្លួននោះទេ។ ហេតុដូចនេះ ដើម្បីបន្តឹងស្បែក ឬមិនឲ្យស្បែកយារធ្លាក់ ក្រោយពេលស្រកទម្ងន់នោះ អ្នកគួរធ្វើលំហាត់ប្រាណ ឲ្យបានទៀងទាត់ ជ្រើសរើសឱសថវេជ្ជសាស្រ្ត ឬក្រែមលាបស្បែក និងបរិភោគអាហារ រូបត្ថម្ភណាល្អចំពោះសុខភាព ទើបធ្វើឲ្យអ្នកទទួលបានជោគជ័យ ក្នុងការរឹតបន្តឹងស្បែក មិនឲ្យយារធ្លាក់ បន្ទាប់ពីការស្រកទម្ងន់៕