លេចមុខ សម្បក Phone 6 ពណ៌ផ្កាឈូកខ្ចី មានរចនាស្រស់ស្អាត ពេញលេញ
សម្បក iPhone 6 ដែលមានរចនារូបរាងមាំមួន ស្រស់ស្អាត ត្រូវបានគេបង្កើតឡើង ដោយ
មានលក្ខណៈពេញលេញជាងមុន។
មុននេះ យើងធ្លាប់បានទស្សនារចនារូបរាងទាំងមូលរបស់ iPhone 6 តាមរយៈបណ្ដាកំណែ
mock-up ប៉ុន្ដែ ភាពលំអិតរបស់បណ្ដាកំណែក្រៅផ្លូវការទាំងនោះ នៅតែមិនទាន់ពេញលេញ
ទាំងស្រុងនៅឡើយ។
ក្នុងការបង្ហាញខ្លួនលើកនេះ iCrackUriDevice បាននាំមកនូវកំណែគំរូដែលមានលក្ខណៈពេញ
លេញជាងកំណែ mock-up មុនៗ ហើយវាក៏មានលទ្ធភាពខ្ពស់ ដែលអាចដូចទៅនឹងសម្បកខ្នង
ដែលធ្វើអំពីលោហធាតុ ផ្លូវការនៃម៉ូដែល iPhone ជំនាន់ថ្មីរបស់ Apple ។
បណ្ដាភាពលំអិតនៃសម្បកផ្នែកខាងក្រោយនេះ មានសភាពស្រស់ស្អាត ជាក់ច្បាស់ រួមមាន
ឆ្នូតពណ៌ស ដែលត្រូវបានគេជឿថា ជាឆ្នូតនៃអង់តែនរបស់ម៉ាស៊ីន ឡូហ្គូរបស់វា ត្រូវបានគេ
ឆ្លាក់ ជំនួសឱ្យការប្រើពុម្ភសង្កត់ដូចកំណែមុនៗ ពិសេស ផ្នែកខាងក្រោយរបស់ឡូហ្គូ មាន
កន្លែងទំនេរ និងជ្រៅទៅខាងក្នុង នេះគឺជាចំនុចមួយ ក្នុងចំណោមកត្តាសំខាន់ៗ ដើម្បីធ្វើឱ្យ
ឡូហ្គូផ្លែប៉ោម នៅលើ iPhone 6 អាចបញ្ចេញពន្លឺ។
ម៉ូដែលគំរូនេះ មានរូបរាងសមរម្យ ជាមួយនឹងបណ្ដាជ្រុងដែលមានសភាពរឹងមាំ ជួយឱ្យអ្នក
ប្រើប្រាស់ កាន់ដោយងាយស្រួល សម្រាប់ស្មាតហ្វូនដែលមានទំហំធំបែបនេះ។
ប្រែសម្រួលដោយ ៖ តារា
ប្រភព ៖ IBTimes/Youtube
ទូរស័ព្ទ ដែលមើលច្រើន
