នាយកប្រតិបត្តិក្រុមហ៊ុន Honda ប្រកាសចុះចេញពីតំណែង ចុងខែមិថុនា ខាងមុខនេះហើយ

យានយន្ត

នាយកប្រតិបត្តិក្រុមហ៊ុន Honda ប្រកាសចុះចេញពីតំណែង ចុងខែមិថុនា ខាងមុខនេះហើយ

11:46 AM 24.02.2015
Print Email

យានយន្ដ៖ នាយកប្រតិបត្តិក្រុមហ៊ុន Honda ដែលជាក្រុមហ៊ុន ផលិតយានយន្ត ដ៏ល្បីរបស់ជប៉ុន គ្រោងនឹងចុះចេញពីដំណែង នៅចុងខែមិថុនា ខាងមុខនេះហើយ ក្រោយពីបញ្ហាខុសបច្ចេកទេសភ្លាត់ស្នៀតនៃការផលិត មួយប្រភេទត្រូវបានរកឃើញ។

លោក Takanobu Ito ជានាយកប្រតិបត្តិក្រុមហ៊ុន Honda បានប្រកាសជាសាធារណៈថា រូបលោក គ្រោងនឹងចុះចេញពីដំណែងនៅចុងខែមិថុនាខាងមុខនេះហើយ ដែលជំនួសវិញដោយលោក Takahiro Hachigo ដែលបច្ចុប្បន្ន រូបលោកគឺជាមន្ត្រី គ្រប់គ្រងរបស់ក្រុមហ៊ុន ។

យោងតាមប្រភពគេហទំព័រ jalopnik បានបកស្រាយបង្ហាញឲ្យដឹងថា មូលហេតុដែលជម្រុញឲ្យលោក Ito សម្រេចចិត្ដចុះចេញពីតំណែងនេះគឺ បង្កឡើងដោយសារការភ្លាត់ស្នៀត លើការផលិត ផលិតផលឲ្យសម្រេចបាន គុណភាពស្ដង់ដា ប៉ុន្ដែក៏មានការធ្វេសប្រហែស លើផ្នែកពោងសុវត្ថិភាព ដែលបង្កឲ្យមានការកោះហៅប្រមូលឡើងវិញនូវរថយន្ដជាច្រើគ្រឿង ដែលត្រូវធ្វើការជួសជុលសាជាថ្មីទៅលើបញ្ហាមួយនេះ។

គូសបញ្ជាក់ឲ្យដឹងថាលោក Takanobu Ito ដែលនឹងចុះចេញពីតំណែងក្នុងខែមិថុនា នេះ គឺបានគ្រប់គ្រងតំណែងជានាយកប្រតិបត្តិរបស់ក្រុមហ៊ុន Honda បានចំនួន ៦ ឆ្នាំទៅហើយ ចាប់តាំងពីឆ្នាំ ២០០៩ មកម្ល៉េះ ។

ដោយ៖ អឿ អ៊ុយ

ប្រភព៖ jalopnik

Facebook Comments

Tags: Vehicle, Honda CEO, Takanobu Ito, Takahiro Hachigo

CamNews

នាយកប្រតិបត្តិក្រុមហ៊ុន Honda ប្រកាសចុះចេញពីតំណែង ចុងខែមិថុនា ខាងមុខនេះហើយ

យានយន្ត ដែលមើលច្រើន