CamNews

ព័ត៌មានកីឡា៖ កីឡាករ Amir Khan ដែលធ្លាប់មានប្រវត្ដិចូលរួមប្រកួតក្នុងវគ្គ​ Champions League ពិភព​លោក​ បានស្រែកប្រកាសក្ដែងចង់ ប្រកួតជាមួយ Floyd ប្រសិនជាកីឡាករអាចផ្ដួល អតីតសត្រូវចាស់របស់ ប៉ាក់គីអៅ គឺកីឡាករ Algieri នៅថ្ងៃសុក្រ​ សប្ដាហ៍នេះ។ 

Amir Khan ត្រូវបានគេស្គាល់ថាជាកីឡាករវ័យក្មេង ហើយ​មានប្រវត្ដិខ្លាំងមិនចាញ់ ប៉ាក់គីអៅ ប៉ុន្មានទេ ខណៈដែលកីឡាករ ធ្លាប់ប្រកួតបាន ៣៣ ដង ឈ្នះ​ ៣០ ចាញ់ ៣ ដង និងធ្លាប់ផ្ដួលគូរប្រកួតរហូតដល់​ទៅ ១៩ ដង ។ ហើយសម្រាប់ថ្ងៃសុក្រសប្ដាហ៍នេះ កីឡាករនឹងប៉ះជាមួយកីឡាករ Algieri ដែលមានប្រវត្ដិប្រកួត ២១ ដង ឈ្នះ ២០ ផ្ដួលគូរប្រកួត ៨ ដង និងចាញ់ ១ ដង​ ប្រកួតចុងក្រោយ ចាញ់កីឡាករប៉ាក់គីអៅ ។​ Amir Khan មានបំណងចង់ប្រកួតជាមួយ Floyd និង ប៉ាក់គីអៅ ជាយូមកហើយ ប៉ុន្ដែមិនដែលមានឱកាស​ប្រកួត​ទាល់តែសោះ​​ រហូតមកទល់ពេលនេះ កីឡាករ​បានលើកឡើងថា​ ប្រសិនជា កីឡាករអាច​ផ្ដួល​ ដៃគូរ ក្នុង​ថ្ងៃ​សុក្រសប្ដាហ៍នេះបានមែន នោះកីឡាករ នឹងបន្ដមហិច្ឆិតាប្រកួតជាមួយ Floyd បន្ដទៀត​។ 

យោងតាមការចុះផ្សាយរបស់គេហទំព័របានឲ្យដឹងថា Amir Khan មានសង្ឃឹមមុតមាំថា នឹងអាចផ្ដួល Floyd បាន ប្រសិនជាមាន ឱកាសប្រកួតជាមួយពិតមែន ដោយហេតុនៅពេលនេះ​​ កីឡាករ​ជឿេជាក់​នឹងភាព​រហ័សរហួន របស់ខ្លួន នឹងក្បាច់កន្លងមកដែលកីឡាករ​ធ្លាប់ផ្ដួលដៃគូរ ។ ហើយមួយវិញទៀត បើសម្លឹង​ទៅ​មើល វ័យរបស់ Floyd នៅពេលបច្ចុប្បន្ន កីឡាករក៏មានវ័យចាស់ណាស់ទៅហើយ ដូច្នេះគឺជា​ពេល​ល្អបំផុតដែលអាចផ្ដួលគាត់បាន​។​ 

មិនត្រឹមតែ Amir Khan នោះទេដែលមានបំណងចង់សាកល្បងក្បាច់គុណជាមួយ Floyd បើសូម្បីកីឡាករ​ជាច្រើនទៀតក៏ គិតដូច្នោះដែរ ប៉ុន្ដែសម្រាប់កីឡាករទាំងអស់ ត្រូវបានគេសម្លឹងមើលឃើញតែម្នាក់គាត់ ដែល​អាច​​ស៊ូនឹង Floyd បានបន្ទាប់ពីប៉ាក់គីអៅ ទៅ នោះគឺ Amir Khan នោះឯង ។ 

ដោយ៖ អឿ អ៊ុយ

ប្រភព៖ boxingscene, boxingjunkie