វត្ដមានដ៏កិត្ដយសរបស់លោក ប៉ាក់ គីអៅ ក្នុងកម្មវិធីបវរកញ្ញា ចក្រក្រវាឡប្រចាំឆ្នាំ ២០១៤ ដែលមានបេក្ខនារីចូលរួមដល់ទៅជិត ៩០ រូប លើពិភពលោក បានធ្វើឲ្យមានការចាប់អារម្មណ៍ច្រើន ត្រង់សំណួររបស់លោក ដែលបានចោទសួរទៅកាន់ បេក្ខនារីម្នាក់ក្នុងចំណោម ប្រាំនាក់ដែលបានជាប់ជ្រើសរើសយក ។
ការបង្ហាញខ្លួនក្នុង កម្មវិធីដ៏អស្ចារ្យនោះ លោក ប៉ាក់ គីអៅ គឺក្នុងដំណែងជាគណៈកម្មការមេប្រយោគ ដែលសំខាន់បំផុត ក្នុងកម្មវិធី ប៉ុន្ដែការចាប់អារម្មណ៍មិនមែនស្ថិតនៅត្រង់ចំណុចនោះឡើយ គឺអ្វីដែលត្រូវបានគេផ្ដោតសំខាន់ខ្លាំងនោះគឺសំណូរបស់គាត់ ដែលចោទសួរទៅកាន់ កញ្ញាម្នាក់ដែលមានឈ្មោះ Nia Sanchez ថា " ប្រសិនបើ កញ្ញាត្រូវបានគេផ្ដល់ឲ្យត្រឹមតែពេល ៣០ វិនាទី ដើម្បីផ្ញើរសារមួយទៅឲ្យ ក្រុមភេរវជនលើពិភពលោក តើកញ្ញាត្រូវនិយាយថាអ្វីក្នុងសារនោះ?" ដែលនេះ គឺជាសំណួរធ្វើឲ្យមានការងឿងឆ្ងល់ និង ថែមទាំងមានការចុះផ្សាយតៗគ្នាលើបណ្ដាព័ត៌មាន អ៊ិនធើណេតទៀតផង ។ មិនត្រឹមតែប៉ុណ្ណោះទេ ក្រោយពីការរីករាលដាលយ៉ាងឆាប់រហ័ស សំណួរនេះ ក៏ត្រូវបានអ្នកការសែត សួរបកមកមិត្ដអ្នកអានដែរ ថា ប្រសិនបើ ប្រិយមិត្ដ ស្ថិតក្នុងស្ថានភាពដូចកញ្ញា Nia Sanchez នៅពេលនេាះ តើប្រិយមិត្ដ និងឆ្លើយយ៉ាងម៉េចចំពោះសំណូររបស់ លោក ប៉ាក់ គីអៅ ?
ដោយ៖ អឿ អ៊ុយ
ប្រភព៖ gmanetwork