CamNews

ស្ទើរតែមិនគួរអោយជឿ  ៖  ក្រុមមនុស្សដែលជាប្រជាពលរដ្ឋរស់នៅក្រុងប៉េកាំង  ប្រទេសចិន
ត្រូវបានរកអោយឃើញថា រស់នៅក្នុងភាពភិតភ័យ ខណៈពេលដែលសំណង់អាគារវីឡាខុស
ច្បាប់       ស្ទីលជាប់ទៅនឹងភ្នំ  ត្រូវបានសាងសង់ឡើងនៅលើដំបូលអាគាររស់នៅកំពស់ ២៦
ជាន់របស់ខ្លូន នេះបើតាមការដកស្រង់អត្ថបទសារព័ត៌មានប្លែកបរទេស មេត្រូ ។

ពិតណាស់ ម្ចាស់សំណង់អាគារកំពស់   ២៦  ជាន់អាចនឹងមានការសញ្ជឹងគិត ក៏ដូចជាព្រួយ
បារម្ភ បើសិនណា   បានជួបនឹងក្រុមមនុស្សដែលជាអ្នកជួលសំណង់អាគារ  និយាយពីហានិ
ភ័យដែលពួកគេតែងគិតថាជាសុបិន្តអាក្រក់ ពោលគឺ  សំណង់អាគារមួយនេះអាចនឹងបាក់។

យ៉ាងណាមិញ ​​​​​​  ប្រភពសារព័ត៌មានដដែលបន្ថែមថា​    ពួកគេបានធ្វើការទាក់ទងអាជ្ញាធរលំ
នៅស្ថាន ក៏ដូចជាក្រុមមន្រ្តីប៉ូលីស តែរាល់សំណើ ក៏ដូចជាពាក្យបណ្តឹងរបស់ពួកគេត្រូវបាន
ច្រានចោល និងមិនអើពើ ។  រយៈពេលជាង ៦ ឆ្នាំមកហើយ  ដែលពួកគេបានស៊ូទ្រាំអត់ធ្មត់
រស់នៅក្នុងហានិភ័យមួយនេះ ដោយមានសំណង់អាគារវីឡាកំពស់ពីរជាន់ខុសច្បាប់នៅចំពី
លើ អមទៅដោយថ្មបែបសិប្បនិម្មិត ដើមឈើ ក៏ដូចជាស្មៅពិតៗ។

គួររំឭកផងដែរថា សំណង់អាគារវីឡាមួយនោះ វាគឺជាម្ចាស់កម្មសិទ្ទរបស់បុរសម្នាក់ដែលត្រូវ
បានគេស្គាល់ឈ្មោះថា Prof Zhang ខណៈសំណង់អាគារមួយនេះ ស្ថិតនៅក្នុងស្រុកHaidian
ដែលគេអាចហៅតំបន់នេះបានថា     Park View  ។ ដោយឡែក បើទោះជាត្រូវប្រឈមមុខចំ
ពោះសារព័ត៌មាន បុរសរូបនេះ បញ្ជាក់ក្តែងៗអោយដឹងថា ចាប់តាំងពីគាត់សម្រេចចិត្តក៏ដូច
ជាហ៊ានមករស់នៅទីនេះ      គាត់ពិតជាមិនខ្វល់ពីពាក្យបណ្តឹង  ក៏ដូចជា ពាក្យត្អូញត្អែរទាំង
នោះទេ។

ផ្ទុយទៅវិញ បើយោងតាមសម្តីអ្នកគ្រប់គ្រងអចលនទ្រព្យអោយដឹងថាពួកគេបានធ្វើការណែ
នាំអោយមានការរុះរើនូវសំណង់អាគារខុសច្បាប់នេះចេញ។ គួរបញ្ជាក់ផងដែរថាស្ទើរតែគ្រប់
សំណង់អាគារនៅចិន ត្រូវបានសាងសង់ឡើង មិនបានអនុលោមទៅតាមច្បាប់នោះទេស្រប
ពេលដែលការពង្រីកខ្លួន ក៏ដូចជាធ្វើការសាងសង់បន្ថែម គឺជាប្រពៃណីខុសច្បាប់មួយ ដែល
សង្គមមួយនេះកំពុងប្រឈម៕

ព័ត៌មានមួយចំនួនផ្សេងទៀត ដែលមិត្តអ្នកអាន អាចនឹងចូលចិត្ត ៖

- ផ្អើលមើលវវីដេអូ កិច្ចអន្តរាគមន៍ពិសេស អំឡុងពេលមានគ្រោះថ្នាក់ចរាចរណ៍
- វីដេអូ គ្រោះថ្នាក់ចរាចរណ៍រន្ធត់ បុកស្រ្តីម្នាក់ ប៉ើងជាច្រើនម៉ែត្រ រាយប៉ាយ លុយពេញផ្លូវ
- វីដេអូ នៅមិននៅ ទៅថើបឆ្លាម ដឹងអីថា ឆ្លាមថើបមាត់វិញ វាយប្រហារស្ទើរក្ស័យ

ដោយ ៖ រិទ្ធី
ប្រភព ៖ មេត្រូ