ព័ត៌មានអន្តរជាតិ ៖ ករណីផ្ទុះដ៏ខ្លាំងក្លាមួយ កើតឡើងនៅក្នុងរោងចក្រគីមីមួយ កន្លែង ភាគ ខាងកើត ឆៀងខាងត្បូងប្រទេសចិន ខេត្ត Fujian នោះ បានបណ្តាលអោយមានគ្រោះអគ្គីភ័យ យ៉ាងសន្ធោសន្ធៅ គួរបញ្ជាក់ថា ក្រោយពីបានដកស្រង់សេចក្តីរាយការណ៍ ពី សារព័ត៌មានរដ្ឋចិន ស៊ិន ហួរ ទំព័រប៊ីប៊ីស៊ីចុះ ផ្សាយជាក់ច្បាស់អោយដឹងថា ករណីផ្ទុះរោងចក្រគីមីមួយកន្លែងនេះ បានកើតឡើង ល្ងាចថ្ងៃច័ន្ទ នៅឯ រោងចក្រ ក្នុងក្រុង Zhangzhou ក្នុងនោះ បានបណ្តាលអោយមនុស្ស ៣ នាក់ របួស។
គួរបញ្ជាក់ថា រោងចក្រខាងលើ ផលិតសារជាតិ គីមី paraxylene (PX) ជា សារ ធាតុគីមី ប្រើប្រាស់ក្នុង សហគ្រាសផលិតប្លាស្ទិច ។ របាយការណ៍ បញ្ជាក់អោយដឹងថា ការសាងសង់ សំណង់អាគាររោងចក្រ ផលិតគីមីមួយកន្លែងនេះ នៅក្នុងប្រទេសចិន បានផ្ទុះឡើងនូវការតវ៉ា ម្តងរួចហើយ កាលពីឆ្នាំកន្លងទៅ រហូតដល់មានប្រើអំពើហឹង្សា នៅក្នុងខេត្ត Guangdong ។ គួររំឮកថា ប្រជាពលរដ្ឋជាច្រើនពាន់គ្រួសារ មានភាពភ័យខ្លាច ពីសារជាតិពុល ចេញពីរោងចក្រគីមីខាងលើ អាច នឹង មានគ្រោះថ្នាក់ ធ្ងន់ធ្ងរ ដល់ សុខភាពរបស់ពួកគេ ៕
ប្រែសម្រួល ៖ កុសល
ប្រភព ៖ ប៊ីប៊ីស៊ី