CamNews

ព័ត៌មានអន្តរជាតិ ៖ តុលាការកំពូល របស់​   ប្រទេសចិន មកពីតំបន់ Xinjiang បានសម្រេចធ្វើការកាត់ ទោសប្រហារជីវិត ជនដៃដល់ ១២ នាក់ ក្រោយពីមានករណីវាយប្រហារ សម្លាប់មនុស្ស ជិត ១០០ នាក់ កាលពីអំឡុងខែ កក្កដា កន្លងទៅ នេះបើយោងតាមការដកស្រង់ សម្រង់អត្ថបទផ្សាយពីគេហទំព័រសារ ព័ត៌មានបរទេស ប៊ីប៊ីស៊ី ។

គួរបញ្ជាក់ថា ក្រុមមនុស្ស ដែលជាពលរដ្ឋស្លូតត្រង់ រាប់  សិបនាក់ បាន  ស្លាប់ បាត់បង់ជីវិត ខណៈមាន ការវាយប្រហារដោយក្រុមជនដៃដល់ មានគ្នាលើសពី ៥០   នាក់  ដៃប្រដាប់ដោយកាំបិទគ្រប់ដៃ ធ្វើការ វាយប្រហារទៅលើ ស្ថានីយ៍ប៉ូលីស និង ការិយាល័យរដ្ឋាភិបាល ។ សេចក្តី  រាយការណ៍  បញ្ជាក់ អោយ​ ដឹងថា អំឡុងឆ្នាំនេះ គេឃើញមានការវាយប្រហារជាច្រើនលើក ច្រើនសា និង ជា  ញឹកញាប់ នៅទូទាំង ប្រទេសចិន ខណៈមានការថ្កោលទោស ថាជាការវាយប្រហារ របស់ក្រុម   បំបែកខ្លួន  Uighur ដោយនៅ ក្នុងនោះ​ ចំណាត់ការរដ្ឋាភិបាលប្រទេសចិន បានចេញយុទ្ធនាការ ប្រឆាំងអំពើភារវកម្ម  ដោយបានចាប់ ឃាត់ខ្លួនបាន នូវបេក្ខភាព ភារវករ ជាបន្តបន្ទាប់ និង ធ្វើការកាត់ទោស ដាក់គុក  មួយ ជីវិត ក៏ដូចជា ប្រ ហារជីវិតជាដើម ។ កាសែត Tianshan News បានគូសបញ្ជាក់អោយដឹងថា  មនុស្ស  ១២ នាក់ ត្រូវបាន អាជ្ញាធរ សម្រេចកាត់ទោស ប្រហារជីវិត ចំពោះសកម្មភាព វាយប្រហារ  របស់  ពួកគេ កាលពីកន្លងទៅ នៅឯ Yarkant ឬ Shache រយៈពេល ២ ខែកន្លងទៅនេះ ។

បន្ថែមពីលើនេះ ក្រៅពីមានការកាត់ទោស ប្រហារជីវិត​មនុស្ស ១២ នាក់ ក្នុងនោះ  ជន ដៃដល់ ១៥ នាក់ ផ្សេងទៀត ត្រូវបានកាត់ទោស ព្យួរទម្ងន់ទោស នៃការប្រហារជីវិត ខណៈ ៩  នាក់ទៀត  ជាប់គុកមួយជី វិត និង ២០ នាក់ផ្សេងៗទៀត កាត់ទោស ជាប់គុក ចន្លោះពី ៤ ទៅ ២០​ ឆ្នាំ ។ របាយការណ៍ គូសបញ្ជាក់ អោយដឹងថា ពួកគេត្រូវបានកាត់ទោស ពីបទ "ដឹកនាំ និងរៀបចំ បទឧក្រិដ្ឋ ភារវកម្ម   មនុស្សឃាត ការ ផលិតឡើងនូវគ្រឿងបំផ្ទុះខុសច្បាប់ ដុត ចាប់ជម្រិត ក៏ដូចជា បំផ្លាញសុវត្ថិភាព សាធារណៈជាដើម" ៕

ប្រែសម្រួល ៖ កុសល
ប្រភព ៖ ប៊ីប៊ីស៊ី