CamNews

លោក Carlo Ancelotti ត្រូវបានតែងតាំង ជាគ្រូបង្វឹកថ្មីរបស់ក្លឹប ស្តេចស Real Madrid របស់
អេស្ប៉ាញ នាព្រឹកថ្ងៃពុធ ទី២៦មិថុនានេះ ជាផ្លូវការហើយ ស្របពេលដែល លោក Laurent
Blanc បានចូលទៅដឹកនាំក្លឹប Paris St-German(PSG) ជំនួសវិញ ។

ប្រភពព័ត៌មាន ពីគេហទំព័រ BBC បានឱ្យដឹងថា ក្រោយពីដឹកនាំក្លឹប PSG លើកពានក្របខណ្ឌ
League 1 របស់បារាំងរួចមក Ancelotti បានស្នើសុំម្ចាស់ក្លឹប ចាកចេញទៅកាន់ Real ខណៈ
ដែលកៅអីកំពុងនៅទំនេរនៅឡើយនោះ។ ការចាកចេញពីទឹកដីបារាំង មកកាន់ទឹកដីអេស្ប៉ាញ
នេះ Ancelotti វ័យ ៥៤ឆ្នាំ បានចុះកិច្ចសន្យា រយៈពេល៣ឆ្នាំជាមួយក្លឹប  ស្តេចសជំនួសកៅអី
លោក Jose Mourinho ដែលបានផ្លាស់ទៅ ដឹកនាំក្លឹប Chelsea វិញនោះ ។

ក្រោយពីលោក Ancelotti បានចាកចេញនោះ PSG ក៏បានតែងតាំង គ្រូបង្វឹកជាតិបារាំង វ័យ ៤៧
ឆ្នាំ លោក Laurent Blanc ចូលដឹកនាំជំនួសវិញ ជាមួយនឹងកិច្ចសន្យា រយៈពេល ២ឆ្នាំ នៅពហុ
កីឡដ្ឋាន Parc des Princes ហើយគាត់នឹងចូលបង្វឹកក្រុម PSG ដំបូងនាថ្ងៃទី០១ កក្កដាខាងមុខ។

អតីតកីឡាករខ្សែការពារ កណ្តាលរបស់ក្លឹប Montpellier, Auxerre, FC Barcelona, Inter Milan
និងManchester United បានជួយឱ្យក្រុមជម្រើសជាតិ មាន់គកបារាំងឈ្នះពាន World Cup លើក
ទី ១ឆ្នាំ ១៩៩៨ និងពានប្រចាំទ្វីបអឺរ៉ុប UEFA Euro ឆ្នាំ២០០០ ផងដែរ ។

សូមរំលឹកថា Ancelotti បានចូលមកដឹកនាំ ក្លឹប PSG នាអំឡុង ឆ្នាំ២០១១ និងបានឈ្នះពាន តែ
មួយគត់គឺ League 1 នារដូវកាលឆ្នាំ ២០១២-២០១៣ នេះ ដែលអតីតកីឡាករ ខ្សែបម្រើអន្តរជាតិ
អ៊ីតាលីរបស់ក្លឹប Parma, AS Roma និង AC Milan បានដឹកនាំក្លឹប Parma, Juventus និង Milan
ឈ្នះពាន Champions League នាអំឡុងឆ្នាំ២០០៣ និង២០០៧ ដោយស្របទៅនឹង Real Madrid
សង្ឃឹមថាគាត់នឹងដឹកនាំល្អ ដូចកាលនោះដែរជាបន្តទៀត៕

លោក Laurent Blanc និង លោក Carlo Ancelotti

ដោយ៖ LookingToday
ផ្តល់សិទ្ធិដោយ៖ ដើមអំពិល