គូសភ្នែកស្ទីលស្លាបពីរជាន់ ប្លែក ប៉ុន្ដែទាក់ទាញ

សម្រស់

គូសភ្នែកស្ទីលស្លាបពីរជាន់ ប្លែក ប៉ុន្ដែទាក់ទាញ

12:47 PM 19.10.2013
Print Email

វិធីគូសភ្នែកដែលមានឈ្មោះថា double winged eyeliner នេះ កំពុងត្រូវបានយុវនារីកូរ៉េ និយមចូលចិត្ត មិនចាញ់ស្ទីលផាត់ពណ៌ភ្នែកទូទៅនាពេលបច្ចុប្បន្ននោះទេ។

ការផាត់ពណ៌ភ្នែកគឺជាផ្នែកមួយនៃការ make-up ដែលស្ដ្រីទាំងអស់បានដឹង ហើយវាបានក្លាយជារឿងដែលត្រូវធ្វើ នៅពេលចេញទៅក្រៅ។ ដោយសារតែតម្រូវការបែបនេះ ទើប ពីមួយថ្ងៃ ទៅមួយថ្ងៃ ស្ទីលលាបពណ៌ភ្នែកជាច្រើន បានត្រូវបង្កើតឡើង ជួយឱ្យនារីទាំងឡាយ មានជម្រើសច្រើន និងសមស្របសម្រាប់ខ្លួន និងសម្របទៅតាមស្ថានភាព។

និយាយដល់រឿងផាត់ពណ៌ភ្នែក ស្ដ្រីទាំងឡាយ តែងចូលចិត្តស្ទីលពណ៌ភ្នែកដែលថ្មីៗ ប៉ុន្ដែជួនកាល អ្នកក៏ប្រហែលជាត្រូវការស្ទីលលេចធ្លោជាងគេបន្ដិច ក្នុងចំណោមស្រីស្អាត ដូច្នេះ ការផាត់ពណ៌ភ្នែកបែបស្លាប ឬកន្ទុយពីរជាន់ (double winged eyeliner) នឹងជួយឱ្យអ្នកសម្រេចបានដូចបំណង។

ស្ទីលស្លាប ឬកន្ទុយភ្នែកពីរជាន់ (double winged eyeliner) នេះគឺជាវិធីផាត់ពណ៌ភ្នែក មួយបែប ជួយឱ្យភ្នែកបានវែងមកខាងកន្ទុយ ប៉ុន្ដែនៅកន្ទុយភ្នែកទាំងសងខាង ត្រូវបានគូសបែកជាពីរ ភ្ជាប់ពីត្របកភ្នែកលើ និងត្របកភ្នែកក្រោម។ ស្ដាប់ទៅដូចជាស្ទីលផាត់មុខបែបកំប្លែង ប៉ុន្ដែ វាទទួលបានការនិយមយ៉ាងច្រើន ពីសំណាក់យុវនារីកូរ៉េ។