CamNews

ស្វែងរកកំរិតខ្ពស់
ព័ត៌មានអន្តរជាតិ 

មិត្ដជិតស្និទ្ធរ​បស់អតីតប្រធានាធិបតីកូរ៉េខាងត្បូង ជាប់គុក ៣ ឆ្នាំពីបទប្រព្រឹត្ដអំពើពុករលួយ

មិត្តភក្តិជិតស្និទ្ធរបស់អតីតប្រធានាធិបតីកូរ៉េខាងត្បូង ត្រូវបានតុលាការកូរ៉េផ្ដន្ទាទោសឱ្យជាប់ពន្ធនាគារ រយៈពេល ៣ ឆ្នាំពីបទប្រព្រឹត្ដអំពើពុករលួយ។ ការផ្តន្ទាទោសលោកស្រី Choi Soon-sil ពីបទផ្ដល់ប្រយោជន៍ដល់កូនស្រីរបស់ខ្លួននេះ គឺជារឿងអាស្រូវនៃការប្រើឥទ្ធិពលនយោបាយគាបយកប្រាក់ ឬប្រយោជន៍ដំបូងបង្អស់ ដែលបានទម្លាក់លោកស្រីប្រធានាធិបតី Park Geun-hye  ចេញពីតំណែង។

លោកស្រី បានដើរតួអស់រយៈពេលជាច្រើនឆ្នាំ ធ្វើជាទីប្រឹក្សារបស់លោកស្រី Park ដែលត្រូវបានគេចោទប្រកាន់ពីបទប្រព្រឹត្ដអំពើពុករលួយ ហើយក៏ត្រូវបានតុលាការកាត់ទោសផងដែរ។ លោកស្រី Choi ក៏ប្រឈមនឹងបទចោទប្រកាន់ថា លោកស្រីបានទទួលប្រាក់សំណូកសម្រាប់លោកស្រី Park ផងដែរ ។ ទោះយ៉ាងណា លោកស្រី Park បានបដិសេធរាល់ការចោទប្រកាន់ពីបទប្រព្រឹត្ដអំពើពុករលួយ។



យោងតាមទីភ្នាក់ងារសារព័ត៌មានយ៉ុនហាប បានឱ្យដឹងថា លោកស្រី Choi ត្រូវបានតុលាការ រកឃើញពីពិរុទ្ធភាពនៃការប្រើឥទ្ធិពលលើមន្ដ្រីអប់រំ នៅសាកលវិទ្យាល័យមួយដើម្បីអនុញ្ញាតឱ្យកូនស្រីរបស់ខ្លួន ឈ្មោះ ជុង យូអ៊ីរ៉ា បានចូលរៀន នៅសាលកលវិទ្យាល័យនោះ ព្រមទាំងស្នើឱ្យសាកលវិទ្យាល័យផ្ដល់ពិន្ទុដល់កូនស្រីរបស់ខ្លួន លើវិញ្ញាសារនានា ដែលនាងមិនធ្លាប់ប្រលងទៀតផង។

អតីតមន្ត្រីពីររូប នៅសាកលវិទ្យាល័យ Ewha Womans ដ៏ល្បីល្បាញនេះ ក៏ត្រូវផ្តន្ទាទោសឱ្យជាប់ពន្ធនាគារផងដែរ ពីបទសមគំនិតជាមួយលោកស្រី Choi ។

អ្នកស្រី ជុង អ្នកជំនាញជិះសេះម្នាក់ ត្រូវបានចាប់ខ្លួន ហើយត្រូវបានធ្វើបត្យាប័នពីប្រទេសដាណឺម៉ាក កាលពីដើមឆ្នាំនេះ។ នាងត្រូវបានតុលាការចោទប្រកាន់ពីបទពាក់ព័ន្ធនឹងឧក្រិដ្ឋកម្មសេដ្ឋកិច្ច និងការក្លែងបន្លំលើកិច្ចការប្រឡង៕



ប្រែសម្រួល៖ សារ៉ាត

ប្រភព៖ BBC


Tags: International news

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......