ចាន់ វឌ្ឍនាកា តាមទាន់ Choe Myong Ho ក្រោយធ្វើបាន Hat-Trick ចុងសប្ដាហ៍មុន
(ភ្នំពេញ)៖ ខ្សែប្រយុទ្ធឆ្នើមរបស់ក្រុមបឹងកេតអង្គរ កីឡាករ ចាន់ វឌ្ឍនាកា បានទទួលគ្រាប់បាល់តាមស្មើខ្សែប្រយុទ្ធដ៏មុតស្រួចរបស់ក្រុមក្រសួងការពារ ជាតិកីឡាករ Choe Myong Ho ដែលមានរហស្សនាម Ronaldo កូរ៉េខាងជើងវិញហើយ ដោយមាន ១២គ្រាប់ស្មើគ្នា នៅក្នុងតារាងអ្នកស៊ុតបាល់បញ្ចូលទីច្រើនជាងគេ (Top Scorers) ប្រចាំសប្ដាហ៍ទី៨ នៃលីគកំពូលកម្ពុជា ។
ការតាមទាន់ក្នុងតារាង Top Scorers ខាងលើនេះ គឺបន្ទាប់ពីអតីតម្ចាស់ស្បែកជើងមាសឆ្នាំចាស់ ចាន់ វឌ្ឍនាកា រកបាន៣គ្រាប់ (Hat-Trick) ម្នាក់ឯង ដើម្បីជួយក្រុមបឹងកេតអង្គរ វាយបកឈ្នះព្រះខ័នរាជស្វាយរៀង ៣-១ កាលពីចុងសប្ដាហ៍កន្លងទៅ ហើយក៏ធ្វើឲ្យចំនួនគ្រាប់បាល់ស៊ុតបញ្ចូលទីរបស់ ចាន់ វឌ្ឍនាកា ឡើងដល់ ១២គ្រាប់ផងដែរ ។
ចំណែកកីឡាករ Choe Myong Ho ដែលធ្លាប់តែជាកីឡាករមានគ្រាប់បាល់នាំមុខក្នុងតារាង Top Scorers តាំងពីដើមរដូវកាល ឥលូវនេះគេបានជួបគូប្រជែងដ៏ខ្លាំងហើយ គឺកីឡាករ ចាន់ វឌ្ឍនាកា ។ កាលពីសប្ដាហ៍មុន កីឡាករកូរ៉េខាងជើងរូបនេះ បានបន្ថែម ២គ្រាប់ទៀត អំឡុងពេលជួយក្រសួងការពារជាតិ ឈ្នះស៊ីម៉ាក់ ៣-០ ប៉ុន្ដែ ២គ្រាប់នេះ បានត្រឹមឲ្យ Choe Myong Ho មាន ១២គ្រាប់ដូចគ្នាប៉ុណ្ណោះ ។
ដោយឡែកកីឡាករកំពុងប្រដេញតាមពីក្រោយម្នាក់ទៀត គឺខ្សែប្រយុទ្ធនៃក្រុមព្រះខ័នរាជស្វាយរៀង ដែលជាអ្នករកបាន ១គ្រាប់ពេលចាញ់បឹងកេត ៣-១ សប្ដាហ៍នោះ ពេលនេះគេបានទទួលគ្រាប់បាល់ជាបណ្ដោះអាសន្នចំនួន ៧គ្រាប់ហើយ រីឯកីឡាករ ៤រូបទៀត ទើបរកបាន ៦គ្រាប់ប៉ុណ្ណោះ រួមមានកីឡាករ ឃួន ឡាបូរ៉ាវី របស់បឹងកេត, កីលាករ Okereke Timothy របស់ស៊ីម៉ាក់, កីឡាករ Mattew Osa របស់វេស្ទើន និងកីឡាករ Tomoki Muramatsu មកពីក្រុម Cambodian Tiger ៕
ផ្តល់សិទ្ធដោយ ៖ ខ្មែរថកឃីង
- កីឡាករជម្រើសជាតិ លោក ចាន់ វឌ្ឍនាកា បង្ហោះសារខូចចិត្ត យ៉ាងក្រៀមក្រំ (26/04/2017 09:13:00)
- កីឡាករ ចាន់ វឌ្ឍនាកា ចាប់ផ្ដើមហ្វឹកហាត់ថ្ងៃដំបូងជាមួយក្លឹប Fujieda នៅជប៉ុន (15/02/2017 11:41:00)
- ចាន់ វឌ្ឍនាកា ចាកចេញពីកម្ពុជា ទៅជប៉ុន ធ្វើឲ្យក្រុមអ្នកគាំទ្រមួយចំនួនស្រក់ទឹកភ្នែក! (13/02/2017 11:26:00)
- ចាន់ វឌ្ឍនាកា រៀបរាប់ពាក្យពេជន៍ចេញពីក្នុងចិត្តទាំងទឹកភ្នែក ស្តាប់ហើយរំជួលចិត្តដល់អ្នកគាំទ្រ! (01/02/2017 11:04:00)
- ក្លឹបបឹងកេត និងក្លឹបជប៉ុន កំពុងធ្វើសន្និសីទសារព័ត៌មាន ដើម្បីដោះដូរកីឡាករល្បីកម្ពុជា ចាន់ វឌ្ឍនាកា (13/01/2017 16:09:00)
- បឹងកេត ច្រានចោលព័ត៌មាន ចាន់ វឌ្ឍនាកា ព្រមព្រៀងផ្ទេរទៅក្លឹបជប៉ុន Fujieda (22/11/2016 10:33:00)
- សារមួយឃ្លារបស់កីឡាករជម្រើសជាតិ ចាន់ វឌ្ឍនាកា ធ្វើឲ្យមិត្តនារីៗ អង្រួនបេះដូង (12/10/2016 09:46:00)
- ចាន់ វឌ្ឍនាកា សុំទោសចំពោះឱកាសឈ្នះ តែស៊ុតប៉េណាល់ទីមិនចូលពេល កម្ពុជា ប៉ះចិនតៃប៉ិ (03/06/2016 11:22:00)
- ចាន់ វឌ្ឍនាកា អវត្តមានពីជម្រើសជាតិ ដោយសារចូលរួមពិធីចូលកាន់តំណែងរបស់ឪពុក ជាអភិបាលខេត្ត (22/03/2016 13:52:00)
- លោក ប្រាក់ សុវណ្ណារ៉ា សោកស្ដាយការអវត្តមានកីឡាករឆ្នើមភ្នំពេញក្រោន ៣រូប ប៉ុន្ដែ...! (15/03/2016 13:46:00)
កីឡាជាតិ ដែលមើលច្រើន
