CamNews

ស្វែងរកកំរិតខ្ពស់
ព័ត៌មានអន្តរជាតិ 

សោកនាដកម្មដើមឆ្នាំ អាក្រក់បំផុត បាក់រលំអាគាររោងចក្រ បន្តសម្លាប់មនុស្ស ៦២០ នាក់

បង់ក្លាដេស្ស ៖ ដោយយោងតាមការដកស្រង់អត្ថបទផ្សាយ ដែលទើបតែបានចេញផ្សាយ
ដោយគេហទំព័រសារព័ត៌មានបរទេស CNN កាលពីវេលាប៉ុន្មានម៉ោងមុននេះ  បានបញ្ជាក់
អោយដឹងថា មកទល់នឹងពេល ចំនួនជនរងគ្រោះដែលបានស្លាប់បាត់បង់ជីវិត ដោយសារ
ការបាក់រលំអាគាររោងចក្រកំពស់ ៨ ជាន់ បានកើនឡើងដល់ ៦២០ នាក់ហើយ។

លើសពីនេះ​ ប្រភពសារព័ត៌មានដដែលបានបញ្ជាក់បន្ថែមអោយដឹងថា ករណីបាក់រលំអា
គារកំពស់ ៨ ជាន់មួយនេះ ត្រូវបានសន្មត់ថា   ជាឧបទ្ទេវហេតុ ក៏ដូចជា សោកនាដកម្មដ៏
អាក្រក់បំផុត​​​   ក្នុងទំព័រប្រវត្តិសាស្រ្ត ប្រទេសបង់ក្លាដេស្ស​   ស្របពេលដែលមនុស្សជាង​
៦២០ នាក់ ត្រូវបានសម្លាប់  ខណៈរាប់ពាន់នាក់ផ្សេងទៀត  បានទទួលរងរបួសធ្ងន់ និង
ស្រាល។

គួរបញ្ជាក់ផងដែរថា     កាលពីរាត្រីថ្ងៃអាទិត្យ  បើយោងតាមសម្តីមន្រ្តីប៉ូលីសផ្លូវការ បាន
អោយដឹងថា ចំនួនជនរងគ្រោះអាចកើតឡើងលើសពីនេះទៅទៀតក៏ថាបាន ក៏ព្រោះយុទ្ធ
នាការតាមរុករកអ្នកបន្តរស់រានមានជីវិត  ក៏ដូចជាសាកសព  នៅតែបន្តមាននៅឡើយ ។
ដោយឡែក មានមនុស្សរាប់រយនាក់ បានបន្តការប្រមូលផ្តុំនៅជិតកន្លែងកើតហេតុ ដើម្បី
រង់ចាំដំណឹងស្តីពីការបាត់ខ្លួនមនុស្សជាទីស្រឡាញ់របស់ពួកគេ។

គួររំឭកផងដែរ កាលពីថ្ងៃពុធ ទី២៤ ខែមេសាកន្លងទៅ មានសោកនាដកម្មបាក់រលំអាគារ
រោងចក្រកំពស់ដល់ទៅ  ៨ ជាន់ ក្នុងក្រុង ដាកា  ប្រទេសបង់ក្លាដេស្ស  ដែលបានសម្លាប់
មនុស្សរាប់រយនាក់  ខណៈរាប់ពាន់នាក់ផ្សេងទៀត  បានរងរបួសធ្ងន់ និង ស្រាល ហើយ
ករណីគ្រោះថ្នាក់លើកនេះ ត្រូវបានសន្មត់ថា ជាគ្រោះសោកនាដកម្មដ៏អាក្រក់បំផុតដែល
មិនធ្លាប់មានក្នុងទំព័រប្រវត្តិសាស្រ្តរបស់ប្រទេសនេះ៕

ដោយ ៖ រិទ្ធី
ប្រភព ៖ cnn


Tags: international news,  strange news,  unbelievable news,  pic

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......