តៃវ៉ាន់រងគ្រោះទៀតហើយ! ព្យុះទីហ្វុងលើកទីបី «Megi» កំពុងវាយប្រហារទូទាំងកោះ បណ្តាលឲ្យមនុស្ស ៣២នាក់របួស
(តៃប៉ិ)៖ អាជ្ញាធរតៃវ៉ាន់បានជម្លៀសប្រជាជនរាប់ពាន់នាក់ បិទសាលារៀន និងការិយាល័យនានា នៅទូទាំងកោះ ហើយជើងហោះហើររាប់រយ ត្រូវបានផ្អាកជាបណ្តោះអាសន្នផងដែរ ខណៈព្យុះទីហ្វុង ថ្មីមួយផ្សេងទៀតឈ្មោះ Megi ត្រូវបានគេព្យាករណ៍ថា បានបង្កឲ្យមានការបាក់ដីនៅភាគខាងកើត កោះតៃវ៉ាន់ នៅល្ងាចថ្ងៃអង្គារនេះ ប៉ុន្តែវាបានជះឥទ្ធិពលជាបណ្តើរៗរួចទៅហើយមកលើកោះតៃវ៉ាន់ ដោយបានបណ្តាលឲ្យមនុស្សចំនួន ៣២នាក់ទទួលរងរបួស។ នេះបើតាមការផ្សាយដោយ សារព័ត៌មាន Channel News Asia នៅមុននេះបន្តិច នារសៀលថ្ងៃអង្គារ ទី២៧ ខែកញ្ញា ឆ្នាំ២០១៦។
មជ្ឈមណ្ឌលប្រតិបត្តិការសង្រ្គោះបន្ទាន់តៃវ៉ាន់បានប្រាប់ថា ប្រជាជនច្រើនជាង ៥,៣០០នាក់ ត្រូវបានជម្លៀសខ្លួនចេញពីលំនៅដ្ឋានរបស់ពួកគេ ហើយប្រហែល ២,០០០នាក់ កំពុងស្ថិតនៅ ទីជម្រកសុវត្ថិភាព ខណៈមកដល់ពេលនេះ ផ្ទះប្រមាណ ៩៥,០០០ខ្នង បានដាច់ចរន្តអគ្គិសនី ដោយសារតែឥទ្ធិពលព្យុះខាងលើ។
បន្ថែមពីនេះទៀត ជើងហោះហើរជាតិនិងអន្តរជាតិសរុបចំនួន ៥៧៥ ត្រូវបានលុបចោល គិតត្រឹមព្រឹក ថ្ងៃអង្គារនេះ និងចំនួន ១០៩ជើងទៀតត្រូវបានពន្យារពេល ចំណែកឯជើងធ្វើដំណើរតាមរថភ្លើង ក៏ត្រូវបានផ្អាកដូចគ្នា។ ដោយឡែកភ្ញៀវទេសចរប្រមាណ ៣,៧០០នាក់ ត្រូវបានជម្លៀសចេញពីកោះ Orchid Island និង Green Island ដែលជាកន្លែងពេញនិយមសម្រាប់ភ្ញៀវទេសចរផងដែរ។
គួរបញ្ជាក់ដែរថា តៃវ៉ាន់ទើបតែទទួលរងការវាយប្រហារ ដោយព្យុះទីហ្វុង Meranti ដែលជាព្យុះទីហ្វុង សាហាវជាងគេនៅក្នុងឆ្នាំ២០១៦ កាលពីដើមខែកញ្ញានេះប៉ុណ្ណោះ។ ព្យុះទីហ្វុងនេះ បានឆក់យកជីវិត មនុស្សម្នាក់នៅតៃវ៉ាន់ មុនពេលដែលវាបានបន្តផ្តាច់យកជីវិតមនុស្ស ចំនួន២៨នាក់ទៀត រួចក៏ឆ្ពោះទៅកាន់ ភាគខាងកើតប្រទេសចិន៕
ផ្តល់សិទ្ធដោយ ៖ ខ្មែរថកឃីង
- ពិតជាកម្រមានណាស់! ក្មេងស្រីអាយុ ៩ ឆ្នាំជួយម្ដាយឱ្យរួចពីក្ដីស្លាប់ ក្រោយម្តាយនាង.... (25/09/2017 16:01:00)
- មេដឹកនាំពិភពលោក ចិន-អាមេរិក ណាត់ជួបគ្នាដោយផ្ទាល់ នៅអាទិត្យក្រោយ តើនឹងមានអ្វីកើតឡើង?? (30/03/2017 15:02:00)
- កាត់ក្បាល ប្រពន្ធ យួរពេញផ្លូវ រួចដុតសាកសព ផ្អើលគេផ្អើលឯង ទាំងកណ្តាលថ្ងៃ (30/03/2017 14:43:00)
- ដល់ក, មន្រ្តីទូតអាមេរិក ត្រូវចាប់ឃាត់ខ្លួន ជុំវិញការចោទប្រកាន់ ទទួលសំនូក រាប់ម៉ឺនដុល្លារពីចារកម្មចិន (30/03/2017 14:06:00)
- ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត (29/03/2017 16:16:00)
- ផ្ទុះបាតុកម្ម ហឹង្សា នៅកណ្តាលទីក្រុង ល្បី ក្រោយប៉ូលីស បាញ់សម្លាប់ជនជាតិ ចិន ដល់ផ្ទះ (29/03/2017 15:27:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ការពិត ចឹងសោះ បានជណ្តើរយន្ត គ្រោះថ្នាក់ វិល ថយក្រោយ បណ្តាលឲ្យមនុស្ស ១៨នាក់ របួស (មានវីដេអូ) (27/03/2017 15:40:00)
- សិស្សវិទ្យាល័យ ៦នាក់ រងនូវការសម្លាប់ ដោយបាក់ផ្ទាំងទឹកកក នាព្រឹកថ្ងៃច័ន្ទនេះ (27/03/2017 14:36:00)
ព័ត៌មានអន្តរជាតិ ដែលមើលច្រើន
