CamNews

ស្វែងរកកំរិតខ្ពស់
ព័ត៌មានអន្តរជាតិ 

"ភ្ញាក់ផ្អើល" CEO Starbuck ដ៏ល្បីឈ្មោះ ប្រកាសថា នឹងចុះចេញ​ពីតំណែង​នាឆ្នាំ​២០១៧

(អាមេរិក)៖ សហស្ថានិកនៃក្រុមហ៊ុនកាហ្វេ Starbucks ដ៏ល្បីឈ្មោះបំផុតលោក Howard Schultz នឹងចុះចេញពីតំណែងនាយកប្រតិបត្តិ (CEO) នាឆ្នាំ២០១៧ ដោយបានប្រគល់តួនាទីកំពូលនេះ​ទៅឲ្យ​នាយករៀបចំកិច្ចការ (COO) របស់ក្រុមហ៊ុន និងជាមិត្តភក្តិដ៏ជិតស្និទ្ធម្នាក់គឺលោក Kevin Johnson ជាអ្នកមើលការខុសត្រូវក៏ដូចជា គ្រប់គ្រងនូវមុខជំនួញ​កាហ្វេដែលធំជាងគេបំផុតនៅលើសកលលោក ជាមួយ​និងហាងច្រើនជាង ២៥,០០០កន្លែងនៅ តាមបណ្តាប្រទេសចំនួន ៧៥ជំនួសវិញ។ នេះបើតាមការចេញ​ផ្សាយដោយទីភ្នាក់ងារព័ត៌មាន Reuters នៅមុននេះបន្តិចនារសៀលថ្ងៃសុក្រ ទី០២ ខែធ្នូ ឆ្នាំ២០១៦។

ថ្លែងនៅក្នុងកិច្ចសម្ភាសន៍ពិសេសមួយនាព្រឹកថ្ងៃសុក្រនេះ លោក Howard Schhultz បាននិយាយថា «ពេលនេះគឺថ្ងៃដ៏សំខាន់មួយសម្រាប់រូបខ្ញុំ។ ខ្ញុំស្រឡាញ់ ក្រុមហ៊ុន Starbucks ប្រៀបដូចទៅនឹងក្រុម​គ្រួសារ​របស់ខ្ញុំអ៊ីចឹង ប៉ុន្តែវាគឺជាវេលាសមរម្យបំផុត​សម្រាប់ធ្វើការផ្ទេរតំណែងទៅឲ្យលោក Kevin Johnson ដែលសក្តិសមក្នុងការដឹកនាំក្រុមហ៊ុនជាងរូបខ្ញុំ»។

លោក Schultz ត្រូវបានគេទទួលស្គាល់ថា ជាអ្នកដែលជួយឲ្យក្រុមហ៊ុនកាហ្វេ Starbucks មានកេរ្តិ៍ឈ្មោះល្បីសុះសាយជុំវិញសកលលោក ដែលស្មើនឹងយីហោដ៏ល្បីៗមួយចំនួន​ទៀតដូចជា McDonald's និង Coca-Cola ជាដើម៕



ផ្តល់សិទ្ធដោយ ៖ ហ្វ្រេសញូវអាស៊ី


Tags: CEO,  Starbuck,  Howard Schultz

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......