ព័ត៌មានអន្តរជាតិ ៖ ៥ តុលា ២០១៥ គឺជាថ្ងៃប្រវត្តិសាស្រ្តពិភពលោកថ្មីមួយផ្សេងទៀត ស្ពីពី កិច្ច ព្រមព្រៀង ពាណិជ្ជកម្មឆ្លងមហាសមុទ្រ ប៉ាស៊ីហ្វិក ឬ TPP (Trans Pacific Partnership) រវាងប្រ ជាជាតិ ទាំង ១២ សម្រេចជាផ្លូវការ ។
គួរបញ្ជាក់ថា សហរដ្ឋ អាមេរិកនិងប្រទេសបណ្តាប្រទេសចំនួន១១ តាម ជាប់ មហាសមុទ្រប៉ាស៊ី ហ្វិក បានឈានដល់កិច្ចព្រមព្រៀងពាណិជ្ជកម្មដ៏ធំបំផុតក្នុងប្រវត្តិសាស្ត្រ ដែល នឹងកាត់បន្ថយរបាំងសេដ្ឋកិច្ច កំណត់បទដ្ឋានពលកម្មនិងបរិស្ថាន និង ការពារ កម្មសិទ្ធិបញ្ញារបស់មហាក្រុមហ៊ុនដែលគេស្គាល់ថា សាជីវកម្មពហុជាតិ (multinational corporations) ។
កិច្ច ព្រមព្រៀងដែលមានឈ្មោះថា កិច្ចព្រមព្រៀងពាណិជ្ជកម្មឆ្លងមហាសមុទ្រ ប៉ាស៊ីហ្វិក ឬTPP (Trans Pacific Partnership) ត្រូវបានគេឯកភាពគ្នាកាលពីថ្ងៃច័ន្ទ នៅក្រោយពេលមានការចរចាដ៏វែងអន្លាយនៅទីក្រុងអាត្លាន់តា (Atlanta) សហរដ្ឋអាមេរិក ។ គួររំឮក ថា អាមេរិក ជប៉ុន និងប្រទេស ចំនួន ១០ ទៀត (អូស្ត្រាលី ព្រុយណេ កាណាដា ឈីលី ម៉ាឡេស៊ី ម៉ិច ស៊ិក ពេរូ សិង្ហបុរី នូវែលហ្សេឡង់ និង វៀតណាម) ដែលតំណាង ឲ្យ ៤០ភាគរយ នៃ សេដ្ឋកិច្ចពិភពលោក បានរកឃើញ កិច្ចព្រមព្រៀង ពាណិជ្ជកម្មឆ្លងមហាសុទ្រប៉ាស៊ីហ្វិក ឬ TPP (Trans Pacific Partner - ship) ។
គួរបញ្ជាក់ថា តាំងពី ឆ្នាំ ២០០៨ ការចរចា ដើម្បីបង្កើតកិច្ច ព្រមព្រៀង អន្តរប៉ាស៊ីហ្វិក ធ្លាប់ ជួប បរាជ័យ ជាច្រើនដង ដោយសារតែការនិយាយមិនត្រូវគ្នា រវាងប្រទេសដែល ត្រូវចូលរួមជាសមា ជិក ជាពិសេស ជប៉ុន និងអាមេរិក ។ ចំណុចសំខាន់ ដែល ភាគី នៅតឹងសសៃក ធ្លាប់និយាយមិនត្រូវគ្នា មាននិយាយតាំងពី រយៈពេល នៃការការពារកម្មសិទ្ធិបញ្ញា របស់ ថ្នាំពេទ្យ ផលិតផលទឹកដោះគោ ដែលត្រូវនាំចេញពី អូស្តា្រលី ទៅកាណាដា ឬគ្រឿងដំឡើង រថយន្ត ដែលជប៉ុនត្រូវនាំចូលទៅអាមេរិក៕
ប្រែសម្រួល ៖ កុសល
ប្រភព ៖ ប៊ីប៊ីស៊ី, វីអូអេនិងអ័រអេសអ៊ី