Sturridge ចូលហ្វឹកហាត់វិញ ដើម្បីត្រៀមជួយអង់គ្លេសនៅ Euro 2016
(ក្រុងឡុងដ៍)៖ កីឡាករខ្សែប្រយុទ្ធឆ្នើម Daniel Sturridge បានចូលជំរុំហ្វឹកហាត់វិញហើយ បន្ទាប់ពីជាសះស្បើយពី របួសហើមកូនកណ្តុរបន្តិចបន្ទួចមក ដើម្បីត្រៀមជួយក្រុមជម្រើសជាតិអង់គ្លេស ក្នុងព្រឹត្តិការណ៍ពានរង្វាន់ប្រចាំទ្វីបអឺរ៉ុប UEFA Euro 2016 នៅប្រទេសបារាំង ខែក្រោយនេះ ។
តាមរយៈសារព័ត៌មាន BBC បានឲ្យដឹងថា បានវិលមកកាន់ជំរុំហ្វឹកហាត់កាលពីរាត្រីថ្ងៃចន្ទម្សិលមិញ ដើម្បីធ្វើការហ្វឹកហាត់ជុំគ្នាជាមួយនឹងមិត្តរួមក្រុម ក្រោមការដឹកនាំរបស់គ្រូបង្វឹក Roy Hodgson ក្នុងការប្រជែងយកកៅអីមួយក្នុង ចំណោមកីឡាករទាំង២៣រូបទៅលេងក្នុង Euro 2016 ក្រោយពីបញ្ចប់ប្រកួតមិត្តភាពអន្តរជាតិចុងក្រោយប៉ះព័រទុយហ្គាល់ ថ្ងៃទី២ មិថុនាខាងមុខ។
ខ្សែប្រយុទ្ធមកពីក្លឹបហង្សក្រហម Liverpool, Daniel Sturridge បានទទួលរងរបួសហើមកូនកណ្តុរតិចតួច នៅអំឡុងពេលដែលប្រកួតវគ្គផ្តាច់ព្រ័ត្រពាន Europa League ចាញ់ក្រុមមកពីអេស្ប៉ាញ Sevilla ៣-១ នៅវគ្គផ្តាច់ព្រ័ត្រកាលពីថ្ងៃទី២០ ខែឧសភា ដែលធ្វើរូបគេបានអវត្តមានពេលអង់គ្លេស ប្រកួតឈ្នះក្រុមភ្ញៀវអូស្រ្តាលី ២-១ ក្នុងមិត្តភាព អន្តរជាតិផងដែរ ។
Sturridge ជាកីឡាករល្អមួយរូបរបស់អង់គ្លេស ដែលអាចស៊ុតបញ្ចូលទីបាន៥គ្រាប់ ពីការចូលលេងទើបតែបាន១៧ប្រកួតប៉ុណ្ណោះ ៕
កីឡាករខ្សែប្រយុទ្ធ Daniel Sturridge
គ្រូបង្វឹកអង់គ្លេសលោក Roy Hodgson (ស្តាំ)
ផ្តល់សិទ្ធដោយ ៖ ខ្មែរថកឃីង
- ព្រោះតែបារាំង ចាញ់ព័រទុយហ្គាល់ កាលពីពេលថ្មីៗនេះ ធ្វើឲ្យបុរសវ័យក្មេងម្នាក់ ដាច់ចិត្ត (15/07/2016 16:19:00)
- ប្រជាជនព័រទុយហ្គាល់ រាប់ម៉ឹននាក់ បានចេញមកទទួលស្វាគមន៍ជម្រើសជាតិរបស់ខ្លួន ក្រោយឈ្នះ (13/07/2016 09:20:00)
- បុរសវៀតណាមម្នាក់ ចាញ់អស់ផ្ទះសម្បែង ដោយសារបារាំង ចាញ់ព័រទុយហ្គាល់ នៅថ្ងៃផ្តាច់ព្រ័ត្រEuro (12/07/2016 16:09:00)
- Euro 2016 ត្រូវបានបញ្ចប់ដោយបរិបូរណ៍ ដោយបន្សល់ទុកនូវភាពភ្ញាក់ផ្អើល និងឈឺចាប់មួយ (11/07/2016 13:44:00)
- ទស្សនាវិដេអូ ម្ចាស់ផ្ទះបារាំង ទម្លាក់អាល្លឺម៉ង់ ២-០ ត្រឹមវគ្គពាក់កណ្តាលផ្តាច់ព្រ័ត្រនៃ Euro 2016 (08/07/2016 09:34:00)
- អបអរសាទរ! ម្ចាស់ផ្ទះបារាំង ឡើងទៅវគ្គផ្តាច់ព្រ័ត្រដណ្តើមពាន Euro 2016 ក្រោយទម្លាក់អាល្លឺម៉ង់ ២-០ (08/07/2016 09:29:00)
- Euro 2016៖ តើអាល្លឺម៉ង់ ឬក៏បារាំង ឡើងទៅប៉ះព័រទុយហ្គាល់ នៅវគ្គផ្តាច់ព្រ័ត្រម៉ោង២យប់នេះ (07/07/2016 11:48:00)
- Euro 2016៖ ព័រទុយហ្គាល់ ឡើងទៅវគ្គផ្តាច់ព្រ័ត្រ ក្រោយទម្លាក់ វ៉េល ២-០ ក្នុងវគ្គ៤ក្រុម Video (07/07/2016 11:08:00)
- សកម្មភាពប្លែកៗគួរឲ្យចង់សើច ដែលត្រូវគេថតបាន ក្នុងឱកាស Euro 2016 នៅបារាំង (Video Inside) (05/07/2016 16:07:00)
- Euro 2016៖ វ៉េល ឡើងទៅប៉ះព័រទុយហ្គាល់ ក្រោយទម្លាក់ប៊ែលហ្ស៊ក ៣-១ (Video Inside) (02/07/2016 10:07:00)
កីឡាអន្តរជាតិ ដែលមើលច្រើន
