Euro 2016៖ ព័រទុយហ្គាល់ ឡើងទៅវគ្គផ្តាច់ព្រ័ត្រ ក្រោយទម្លាក់ វ៉េល ២-០ ក្នុងវគ្គ៤ក្រុម Video
(លីយ៉ុង)៖ ក្រុមបាល់ទាត់ជម្រើសជាតិព័រទុយហ្គាល់ បានកក់កៅអីឡើងទៅវគ្គផ្តាច់ព្រ័ត្រមុនគេហើយក្នុង Euro 2016 នៅបារាំង បន្ទាប់ពីបំបាក់វ៉េល ២-០ ក្នុងវគ្គពាក់កណ្តាលផ្តាច់ព្រ័ត្រយប់មិញនេះ។
ការប្រកួតដែលបានធ្វើឡើងនៅពហុកីឡដ្ឋាន Stade des Lumieres ស្ថិតក្នុងទីក្រុង Lyon ព័រទុយហ្គាល់ មិនអាចធ្វើអ្វីវ៉េលបានទេ ត្រឹមរក្សាលទ្ធផលស្មើ ០-០ ខណៈដែលក្រុមនាគសមុទ្រ មានឱកាសជាង តែធ្វើមិនបានសម្រេចក្នុងរយៈពេល ៤៥នាទីវគ្គទី១។
តែយ៉ាងណាក៏ដោយ សម្រាប់ក្រុមដែលឡើងមកដល់វគ្គពាក់កណ្តាល ផ្តាច់ព្រ័ត្រទាំងត្រដាបត្រដួស និងមិនដែលឈ្នះនាទីពេញម៉ោង៩០នាទី បានបំបែកកំណត់ត្រាជាថ្មី តាមរយៈកីឡាករប្រធានក្រុម Cristiano Ronaldo តែតបញ្ចូលទីគ្រាប់នាំមុខនៅនាទីទី៥០ ដែលជាគ្រាប់ទី៣ របស់គេក្នុង Euro 2016 នេះ មុនពេលមិត្តរួមក្រុម Nani បន្ថែមគ្រាប់ទី២ ត្រឹម៣នាទីបន្ទាប់ នៅពីមុខអ្នកទស្សនាផ្ទាល់ចំនួន ៥៦០០០នាក់។
នេះជាលើកទី២ហើយ សម្រាប់ព័រទុយហ្គាល់ដែលបានឡើងទៅ វគ្គផ្តាច់ព្រ័ត្រ ក្នុងព្រឹត្តិការណ៍ពានរង្វាន់ប្រចាំទ្វីបអឺរ៉ុប UEFA Euro 2016 ដោយមិនធ្លាប់ឈ្នះជើងឯក បានត្រឹមតែរងជើងឯកម្តង កាលពីឆ្នាំ២០០៤ ក្នុងទឹកដីរបស់ខ្លួន ក្រោយចាញ់ក្រិក ១-០ នៅវគ្គផ្តាច់ព្រ័ត្រ។
ព័រទុយហ្គាល់ ត្រូវរង់ចាំការជួបប្រកួតរវាងក្រុមឥន្រ្ទីដែកអាល្លឺម៉ង់ ប៉ះម្ចាស់ផ្ទះមាន់គកបារាំង ម៉ោង ២រំលងអាធ្រាត្រយប់នេះសិន បញ្ចប់វគ្គពាក់កណ្តាលផ្តាច់ព្រ័ត្រនៅទីក្រុង Marseille មុនពេលវគ្គផ្តាច់ព្រ័ត្រ នឹងធ្វើឡើងនៅរាត្រីថ្ងៃអាទិត្យចុងសប្តាហ៍នេះនៅទីក្រុងប៉ារីស ដោយពុំមានទាត់យកចំណាត់ថ្នាក់លេខ៣ ឡើយ៕
ផ្តល់សិទ្ធដោយ ៖ ខ្មែរថកឃីង
- ព្រោះតែបារាំង ចាញ់ព័រទុយហ្គាល់ កាលពីពេលថ្មីៗនេះ ធ្វើឲ្យបុរសវ័យក្មេងម្នាក់ ដាច់ចិត្ត (15/07/2016 16:19:00)
- ប្រជាជនព័រទុយហ្គាល់ រាប់ម៉ឹននាក់ បានចេញមកទទួលស្វាគមន៍ជម្រើសជាតិរបស់ខ្លួន ក្រោយឈ្នះ (13/07/2016 09:20:00)
- បុរសវៀតណាមម្នាក់ ចាញ់អស់ផ្ទះសម្បែង ដោយសារបារាំង ចាញ់ព័រទុយហ្គាល់ នៅថ្ងៃផ្តាច់ព្រ័ត្រEuro (12/07/2016 16:09:00)
- Euro 2016 ត្រូវបានបញ្ចប់ដោយបរិបូរណ៍ ដោយបន្សល់ទុកនូវភាពភ្ញាក់ផ្អើល និងឈឺចាប់មួយ (11/07/2016 13:44:00)
- ទស្សនាវិដេអូ ម្ចាស់ផ្ទះបារាំង ទម្លាក់អាល្លឺម៉ង់ ២-០ ត្រឹមវគ្គពាក់កណ្តាលផ្តាច់ព្រ័ត្រនៃ Euro 2016 (08/07/2016 09:34:00)
- អបអរសាទរ! ម្ចាស់ផ្ទះបារាំង ឡើងទៅវគ្គផ្តាច់ព្រ័ត្រដណ្តើមពាន Euro 2016 ក្រោយទម្លាក់អាល្លឺម៉ង់ ២-០ (08/07/2016 09:29:00)
- Euro 2016៖ តើអាល្លឺម៉ង់ ឬក៏បារាំង ឡើងទៅប៉ះព័រទុយហ្គាល់ នៅវគ្គផ្តាច់ព្រ័ត្រម៉ោង២យប់នេះ (07/07/2016 11:48:00)
- សកម្មភាពប្លែកៗគួរឲ្យចង់សើច ដែលត្រូវគេថតបាន ក្នុងឱកាស Euro 2016 នៅបារាំង (Video Inside) (05/07/2016 16:07:00)
- Euro 2016៖ វ៉េល ឡើងទៅប៉ះព័រទុយហ្គាល់ ក្រោយទម្លាក់ប៊ែលហ្ស៊ក ៣-១ (Video Inside) (02/07/2016 10:07:00)
- លោក Vicente del Bosque លាឈប់ពីគ្រូបង្វឹកអេស្ប៉ាញ ក្រោយជ្រុះចេញពី Euro 2016 (02/07/2016 09:13:00)
កីឡាអន្តរជាតិ ដែលមើលច្រើន
