អបអរសាទរ! ម្ចាស់ផ្ទះបារាំង ឡើងទៅវគ្គផ្តាច់ព្រ័ត្រដណ្តើមពាន Euro 2016 ក្រោយទម្លាក់អាល្លឺម៉ង់ ២-០
(ម៉ាកសី)៖ ក្រុមបាល់ទាត់ម្ចាស់ផ្ទះបារាំង បានឡើងទៅជួបព័រទុយហ្គាល់ នៅវគ្គផ្តាច់ព្រ័ត្រដើម្បីដណ្តើមពាន UEFA Euro 2016 បន្ទាប់ពីទម្លាក់ក្រុមជើងខ្លាំងឥន្រ្ទីដែកអាល្លឺម៉ង់ ២-០ ក្នុងវគ្គ៤ក្រុម។
បារាំង មានឱកាសគ្រប់គ្រងបាល់តែ ៣៦ភាគរយប៉ុណ្ណោះក្នុងវគ្គទី១ រយៈពេល៤៥នាទី តែបានបើកការនាំមុខ១គ្រាប់មុននៅនាទីទី៤៥+២ ពីការទាត់បាល់ពិន័យប៉េណាល់ទីរបស់កីឡាករ Antoine Griezmann ដោយសារកំហុសរបស់ប្រធានក្រុម Toni Kroos ក្នុងប្រអប់គ្រោះថ្នាក់នៃពហុកីឡដ្ឋាន Stade Velodrome ស្ថិតក្នុងទីក្រុង Marseille។
តែយ៉ាងណាក៏ដោយ សម្រាប់ក្រុមម្ចាស់ពាន World Cup 2014 អាល្លឺម៉ង់ រឹតតែដុនដាបបន្ថែមទៀត នៅពេលដែលកីឡាករខ្សែការពារសំខាន់មកពីក្លឹប Bayern Munich, Jerome Boateng រមួលក្រពើប្តូចេញនៅនាទីទី៦៥ បានធ្វើឲ្យកីឡាករខ្សែប្រយុទ្ធ Antoine Griezmann រកបានគ្រាប់ទី២ ក្នុងការប្រកួតនេះនៅនាទីទី៧២ ហើយក៏ជាគ្រាប់បាល់ទី៦ ច្រើនជាងគេផងដែរក្នុងយុទ្ធនាការ ៤ឆ្នាំម្តងនេះនៅពីមុខអ្នកទស្សនាផ្ទាល់ចំនួន ៦៤០៧៨នាក់។
នេះជាលើកទី៣ហើយ សម្រាប់ក្រុមមាន់គកបារាំង ដែលបានឡើងទៅវគ្គផ្តាច់ព្រ័ត្រ ក្រៅពីធ្លាប់ឈ្នះពាន Euro នេះបាន២ដងដែរកាលពីឆ្នាំ១៩៨៤ ក្នុងទឹកដីរបស់ខ្លួន និងលើកទី២ នៅឆ្នាំ២០០០ នៅប្រទេសអង់គ្លេស ខណះដែល ព័រទុយហ្គាល់ ពុំទាន់ឈ្នះម្តងនៅឡើយទេ។
សូមបញ្ជាក់ផងដែរថា ម្ចាស់ផ្ទះបារាំង ត្រូវប៉ះព័រទុយហ្គាល់របស់ Cristiano Ronaldo នៅរាត្រីថ្ងៃអាទិត្យចុងសប្តាហ៍នេះ ម៉ោង២យប់រំលងអាធ្រាត្រ ឈានចូលព្រឹកថ្ងៃចន្ទ ទី១១ ខែកក្កដា ឆ្នាំ២០១៦ ដើម្បីដណ្តើមយកពាន UEFA Euro 2016 លើកទី១៥ នេះ នៅពហុកីឡដ្ឋាន Stade de France ស្ថិតក្នុងទីក្រុងប៉ារីសតែម្តង៕
ផ្តល់សិទ្ធដោយ ៖ ខ្មែរថកឃីង
- ព្រោះតែបារាំង ចាញ់ព័រទុយហ្គាល់ កាលពីពេលថ្មីៗនេះ ធ្វើឲ្យបុរសវ័យក្មេងម្នាក់ ដាច់ចិត្ត (15/07/2016 16:19:00)
- ប្រជាជនព័រទុយហ្គាល់ រាប់ម៉ឹននាក់ បានចេញមកទទួលស្វាគមន៍ជម្រើសជាតិរបស់ខ្លួន ក្រោយឈ្នះ (13/07/2016 09:20:00)
- បុរសវៀតណាមម្នាក់ ចាញ់អស់ផ្ទះសម្បែង ដោយសារបារាំង ចាញ់ព័រទុយហ្គាល់ នៅថ្ងៃផ្តាច់ព្រ័ត្រEuro (12/07/2016 16:09:00)
- Euro 2016 ត្រូវបានបញ្ចប់ដោយបរិបូរណ៍ ដោយបន្សល់ទុកនូវភាពភ្ញាក់ផ្អើល និងឈឺចាប់មួយ (11/07/2016 13:44:00)
- ទស្សនាវិដេអូ ម្ចាស់ផ្ទះបារាំង ទម្លាក់អាល្លឺម៉ង់ ២-០ ត្រឹមវគ្គពាក់កណ្តាលផ្តាច់ព្រ័ត្រនៃ Euro 2016 (08/07/2016 09:34:00)
- Euro 2016៖ តើអាល្លឺម៉ង់ ឬក៏បារាំង ឡើងទៅប៉ះព័រទុយហ្គាល់ នៅវគ្គផ្តាច់ព្រ័ត្រម៉ោង២យប់នេះ (07/07/2016 11:48:00)
- Euro 2016៖ ព័រទុយហ្គាល់ ឡើងទៅវគ្គផ្តាច់ព្រ័ត្រ ក្រោយទម្លាក់ វ៉េល ២-០ ក្នុងវគ្គ៤ក្រុម Video (07/07/2016 11:08:00)
- សកម្មភាពប្លែកៗគួរឲ្យចង់សើច ដែលត្រូវគេថតបាន ក្នុងឱកាស Euro 2016 នៅបារាំង (Video Inside) (05/07/2016 16:07:00)
- Euro 2016៖ វ៉េល ឡើងទៅប៉ះព័រទុយហ្គាល់ ក្រោយទម្លាក់ប៊ែលហ្ស៊ក ៣-១ (Video Inside) (02/07/2016 10:07:00)
- លោក Vicente del Bosque លាឈប់ពីគ្រូបង្វឹកអេស្ប៉ាញ ក្រោយជ្រុះចេញពី Euro 2016 (02/07/2016 09:13:00)
កីឡាអន្តរជាតិ ដែលមើលច្រើន
