រកឃើញទឹកក្នុងដីស្រទាប់លើ នៅភពព្រះអង្គារ
យានរុករក Curiosity របស់ទីភ្នាក់ងារអវកាសអាមេរិក (NASA) នៅភពព្រះអង្គារ បានរកឃើញទឹកនៅក្នុងដីនៃស្រទាប់ខាងលើរបស់ភពព្រះអង្គារ ប្រការនេះ ធ្វើឱ្យគេមានសង្ឃឹមច្រើនថានឹងជួបសំណាងល្អ នៅពេលមនុស្សឡើងដល់ភពក្រហមនេះ នាពេលខាងមុខ។
បន្ទាប់ពីបានវិភាគទៅលើដីដែលប្រមូលបាននៅលើភពព្រះអង្គារដោយយានរុករក Curiosity ក្រុមអ្នកវិទ្យាសាស្ដ្រនៃមន្ទីរស្រាវជ្រាវ Rensselaer របស់អាមេរិក បានរកឃើញថា នៅក្នុងដី ០,០៣ម៣ គឺមានផ្ទុកជាតិទឹក ០,៤៧លីត្រ (ប្រហែល ២កែវ)។
យាន Curiosity (រូប ៖ Reuters)
ដីដែលប្រមូលបានទាំងនោះ ត្រូវបានដាក់ចូលទៅក្នុងម៉ាស៊ីនកំដៅ នៅកណ្ដាលយាន ហើយជាលទ្ធផល យានស្រាវជ្រាវ Curiosity បានរកឃើញជាតិទឹក ប្រមាណជា ២% នៅក្នុងដីដែលប្រមូលបាន។ Curiosity ក៏បានរកឃើញសារធាតុ SO2, CO2 និង O2 រួមនឹងជាតិរ៉ែផ្សេងៗ ក្នុងដីដែលត្រូវបានដុតកំដៅក្នុងសីតណ្ហភាពខ្ពស់។
លោកស្រីបណ្ឌិត Laurie Leshin ថ្លែងថា ៖ “យើងបានដុតកំដៅដីនោះ ដល់ទៅ ៨៣៥អង្សា និងបានបំបាត់ចោលបណ្ដាសារធាតុងាយហើរចំហាយ ដើម្បីវាស់ចំនួនដីដែលនៅដល់។ យើងមានឧបករណ៍ស្វែងរកទឹក និងបណ្ដាសារធាតុដទៃ” ។
លោកស្រីបណ្ឌិត Laurie Leshin បន្ដថា ការរកឃើញដ៏អស្ចារ្យនេះ នឹងជួយឱ្យមនុស្សអាចរៀបចំគម្រោងបានល្អ សម្រាប់ការនាំមនុស្សឡើងទៅកាន់ឋានព្រះអង្គារ នាពេលអនាគត។
យាន Curiosity (រូបភាព ៖ guardianlv)
សូមរំឭកថា យានរុករក Curiosity បានចុះទៅក្នុងតំបន់មាត់រណ្ដៅ Gale ក្បែរអេក្វាទ័ររបស់ព្រះអង្គារកាលពីខែសីហា ឆ្នាំ ២០១។ គោលដៅរបស់យាននេះ គឺស្វែងរកឱ្យដឹងថា តើភពក្រហមនេះ ធ្លាប់មានទឹកពីមុនដែរ ឬអត់។ ដើមឡើយ ក្រុមអ្នកវិទ្យាសាស្ដ្រជឿថា ភពព្រះអង្គារ ធ្លាប់មានទឹកយ៉ាងច្រើន ប៉ុន្ដែក្រោយមក វាបានបាត់បង់ស្ទើរតែទាំងអស់។
ដោយ ៖ តារា
ប្រភព ៖ KH
- អង្គការ NASA «បាញ់រ៉ុក្កែតបីគ្រាប់ នៅតំបន់ប៉ូលខាងជើងផែនដី ដើម្បីសិក្សាបន្ថែមពីពន្លឺអូរ៉ូរ៉ា!» (08/03/2017 12:08:00)
- អង្គការ NASA ស្វាគមន៍គំរោងរបស់ SpaceX ដែលគ្រោងបញ្ជូនទេសចរទៅជុំវិញព្រះច័ន្ទ! (02/03/2017 11:34:00)
- បេសកកម្មមរណៈ! អង្គការ NASA «គ្រោងបញ្ជូនយានដើម្បីហោះទៅសិក្សាពីព្យុះព្រះអាទិត្យនៅកៀកនឹងព្រះអាទិត្យ (01/03/2017 14:05:00)
- ព័ត៌មានបន្ថែមពី «ការរកឃើញភពថ្មីចំនួន០៧» ដែលអង្គការ NASA កំពុងសប្បាយរីករាយជាខ្លាំង! (24/02/2017 14:29:00)
- NASA ជិតនឹងហោះទៅកាន់កូនភពដែលមានតម្លៃ ១០ពាន់លានពាន់លានដុល្លារ ក្នុងប្រព័ន្ធព្រះអាទិត្យ (23/01/2017 09:05:00)
- ដល់ ក , ទៅមើល អាយុ ព្រះច័ន្ទ ដែលលោកអ្នក មិនធ្លាប់បានដឹង (13/01/2017 11:26:00)
- NASA រកឃើញកន្លែងដ៏ល្អ សម្រាប់តាំងទីលំនៅ លើឋានព្រះចន្ទ (12/01/2017 09:30:00)
- NASA មានភ័ស្ដុតាងបង្ហាញថា មានវត្តមានរបស់មនុស្សភពផ្កាយ (10/01/2017 10:10:00)
- NASA នឹងបាញ់បង្ហោះយានអវកាសចំនួនពីរ ដើម្បីស្រាវជ្រាវ យុគសម័យដំបូងនៃ ប្រព័ន្ធព្រះអាទិត្យ (06/01/2017 09:03:00)
- NASA ធ្វើសន្និសីទកាសែត ប្រកាសនូវអាថ៌កំបាំងស្ដីអំពី ប្រព័ន្ធព្រះអាទិត្យ (05/01/2017 10:43:43)
ព័ត៌មានអន្តរជាតិ ដែលមើលច្រើន
