CamNews

ស្វែងរកកំរិតខ្ពស់
ព័ត៌មានបច្ចេកវិទ្យា 

ដល់ ក , ទៅមើល អាយុ ព្រះច័ន្ទ ដែលលោកអ្នក មិនធ្លាប់បានដឹង

(វិទ្យាសាស្រ្ត)៖ យោងតាមការវិនិច្ឆ័យថ្មី អំពីដុំថ្មនៅផ្ទៃភពព្រះច័ន្ទ ដែលបានបញ្ជូនមកភពផែនដី បានបង្ហាញ ឲ្យឃើញថា ព្រះច័ន្ទត្រូវបានកកើតឡើងកាលពី ៤.៥១ ពាន់លានឆ្នាំមុន ដោយវាមានអាយុកាល ៦០ លានឆ្នាំ បន្ទាប់ពីប្រព័ន្ធព្រះអាទិត្យ បានរៀបចំប្រព័ន្ធភពរបស់វា។ នេះបើយោងតាមប្រភព័ត៌មានវិទ្យាសាស្រ្ត Space News ចេញផ្សាយនៅថ្ងៃសុក្រ ទី១៣ ខែមករា ឆ្នាំ២០១៧។

ការសិក្សាកាលពីមុនៗ ក៏បានធ្វើការវិភាគដូចគ្នាដែរ ខណៈក្រុមអ្នកវិទ្យាសាស្រ្តខ្លះទៀត បានធ្វើការប្រកែកថា ព្រះច័ន្ទមិនមែនមានអាយុ៦០ លានឆ្នាំនោះទេ ផ្ទុយទៅវិញព្រះច័ន្ទ មានអាយុ ១៥០ លានឆ្នាំ ទៅ ២០០ លានឆ្នាំ បន្ទាប់ពីប្រព័ន្ធភព នៃប្រព័ន្ធព្រះអាទិត្យ ត្រូវបានកកើតឡើង។ ដោយឡែក ការរកឃើញថ្មី ដែលត្រូវបានចេញផ្សាយ កាលពីថ្ងៃពុធ ទី១១ ខែមករា ឆ្នាំ ២០១៧កន្លងទៅថ្មីនេះ នៅក្នុងសៀវភៅទស្សនាវដ្តី វិទ្យាសាស្រ្ត Science Advances បានបង្ហាញឲ្យឃើញថា ព្រះច័ន្ទត្រូវបានកកើតឡើង ដោយការបុកគ្នារវាងភពមួយ មានទំហំប៉ុនភពអង្គារ និងភពផែនដី។

ប៉ុន្តែទោះបីជាយ៉ាងណាក្តី ក្រុមអ្នកវិទ្យាសាស្រ្ត នៅតែមានការលំបាកយ៉ាងខ្លាំង ក្នុងការស្វែងយល់ ឲ្យច្បាស់ពី ផលប៉ះទង្គិច រវាងភពទាំង២នេះ ដោយសារតែថ្ម ដែលត្រូវបានប្រមូល ដោយក្រុមអាកាសយានិក Apollo គឺជាប្រភេទថ្មខុសៗគ្នា ដោយថ្មខ្លះត្រូវបានកកើតឡើងខ្លួនឯង និងដុំថ្មខ្លះទៀត គឺជាប្រភេទថ្មដែល ត្រូវបានប៉ះទង្គិច ដោយអាចម៍ផ្កាយហើយធ្លាក់ទៅទើ នៅលើព្រះច័ន្ទ។

គួរបញ្ជាក់ដែរថា ការរកឃើញថ្មីនេះ អាចក្លាយជាសមិទ្ធផល ដ៏គួរឲ្យចាប់អារម្មណ៍មួយសម្រាប់ ក្រុមអាកាសយានិក ដែលចង់សិក្សា និងយល់ដឹងបន្ថែមអំពីព្រះច័ន្ទ ភពផែនដី និង ប្រព័ន្ធព្រះអាទិត្យ នៅក្នុងទំរង់បែបបទជាទូទៅ៕



ផ្តល់សិទ្ធដោយ ៖ ខ្មែរថកឃីង


Tags: NASA, 

ព័ត៌មានបច្ចេកវិទ្យា ដែលមើលច្រើន

ការសិក្សារបស់ Visa បង្ហាញពីឱកាសនៃការទូទាត់ប្រាក់តាមរយៈទូរស័ព្ទដៃ នៅតំបន់អាស៊ីប៉ាស៊ីហ្វិក

ជាងពាក់កណ្តាល (៥៥%) នៃអតិថិជននៅអាស៊ីប៉ាស៊ីហ្វិកជ្រើសរើសការទូទាត់ដោយដាក់ទូរស័ព្ទដៃប៉ះនៅកន្លែងបញ្ជរគិតប្រាក់ដំណោះស្រាយទទួលការបង់ប្រាក់ដោយ......

ឡូយមែន!ទើបដឹងថា សារដែលនិយមផ្ញើររាល់ថ្ងៃនឹង បង្កើតមកយូរដល់ថ្នាក់នេះ ហើយពាក្យដំបូងដែលគេផ្ញើរគឺបែបនោះ!!

ឡូយមែន!ទើបដឹងថា សារដែលនិយមផ្ញើររាល់ថ្ងៃនឹង បង្កើតមកយូរដល់ថ្នាក់នេះ ហើយពាក្យដំបូងដែលគេផ្ញើរគឺបែបនោះ!!

លោក ព្រាបសុវត្ថិ កំពូលតារាចម្រៀងប្រចាំប្រទេសកម្ពុជាក្លាយជាអគ្គរាជទូតសុឆន្ទៈប្រចាំក្រុមហ៊ុន ISUZU

ក្រុមហ៊ុន ISUZU បានកំពុងបន្តភាពជាអ្នកនាំមុខគេ និង ដឹកនាំ “ឆ្ពោះទៅមុខប្រកបដោយឧត្តមភាព” ហើយបានប្រកាសជាផ្លូវការអគ្គរាជទូតសុឆន្ទៈប្រចាំក្រុមហ៊ុន ISUZU ដែលលោកនឹងតំណាងអោយរថយន្ត Isuzu D-Max Blue Powe

ត្រូវចាំយូរបន្តិចហើយ! IPad ស៊េរីថ្មី​មិនអាច​បង្ហាញ​វត្តមាន ពាក់កណ្តាល​ឆ្នាំ២០១៧នេះ បានទេ

ត្រូវចាំយូរបន្តិចហើយ! IPad ស៊េរីថ្មី​មិនអាច​បង្ហាញ​វត្តមាន ពាក់កណ្តាល​ឆ្នាំ២០១៧នេះ បានទេ

កម្មវិធី ជាង 2000 apps លើ Google Playstore អាចបង្កគ្រោះថ្នាក់ ដល់អ្នកប្រើ

ថ្មីៗនេះ តាមរយៈការសិក្សាស្រាវជ្រាវអស់ពេលជាង ២ ឆ្នាំ របស់សកលវិទ្យាល័យ University of Sydney...