អង្គការ NASA «បាញ់រ៉ុក្កែតបីគ្រាប់ នៅតំបន់ប៉ូលខាងជើងផែនដី ដើម្បីសិក្សាបន្ថែមពីពន្លឺអូរ៉ូរ៉ា!»
(អាមេរិក)៖ ទីភ្នាក់ងារអវកាសណាសា (NASA) បានបាញ់បង្ហោះរ៉ុក្កែតចំនួនបីគ្រាប់ទៅកាន់លំហអាកាសនៅអឌ្ឍគោលខាងជើង ដើម្បីធ្វើការសិក្សាស្វែងយល់បន្ថែមថាតើមានអ្វីកើតឡើងឲ្យប្រាកដ ចំពោះបរិយាកាសនៃប៉ូលខាងជើងនៅពេលដែលវាទង្គិចគ្នាជាមួយព្យុះព្រះអាទិត្យ (Solar Winds) ឬមួយក៏ធាតុដ៏មានឥទ្ធិពលដែលមកពីព្រះអាទិត្យ ទើបបង្កើតបានជាពន្លឺរស្មី០៧ពណ៌អូរ៉ូរ៉ា (Aurora or Northern Lights) ដ៏ស្អាតអស្ចារ្យបែបនេះ។ នេះបើតាមការដកស្រង់ការផ្សាយចេញពីគេហទំព័រវិទ្យាសាស្រ្ត Space នារសៀលថ្ងៃអង្ការ ទី០៧ ខែមីនា ឆ្នាំ២០១៧។
គ្រាប់រ៉ុក្កែតទាំងបីខាងលើនេះគឺជាក្រុមចុងក្រោយ នៅក្នុងចំណោមគ្រាប់រ៉ុក្កែត Black Brant IX សរុបចំនួនប្រាំគ្រាប់ដែលត្រូវបានបញ្ជូនទៅកាន់លំហអាកាស នៃអឌ្ឍគោលខាងជើង ចាប់តាំងពីខែមករាកន្លងទៅមក ហើយបេសកកម្មទាំងប្រាំនេះបាននាំយកឧបករណ៍ជាច្រើនប្រភេទខុសៗគ្នា សម្រាប់ការសិក្សារទៅលើផ្នែកផ្សេងៗនៃពន្លឺអូរ៉ូរ៉ា ដែលអាចផ្ទុកនូវតំរុយអំពីដែនម៉ាញេទិចរបស់ផែនដី។
ដោយឡែកមកទល់ពេលនេះក្រុមការងារនៃបេសកម្មនេះបានរាយការណ៍ឲ្យដឹងថា ឧបករណ៍របស់ពួកគេបានប្រមូល និងបញ្ជូនទិន្នន័យដោយជោគជ័យតាមការគ្រោងទុក ហើយពួកគេកំពុងរៀបចំធ្វើការដើម្បីពិនិត្យមើលទៅលើទិន្នន័យទាំងនោះ ជាមួយគោលដៅដើម្បីលាតត្រដាងពីអាថ៌កំបាំងមួយចំនួនរបស់បាតុភូតដ៏ស្រស់ស្អាតនេះនៅផ្ទៃមេឃនៃភាគខាងជើងនៃភពរបស់យើង។
គួរបញ្ជាក់ដែរពន្លឺរស្មី០៧ពណ៌អូរ៉ូរ៉ាមិនមែនមានតែនៅប៉ូលខាងជើងប៉ុណ្ណោះទេ វាក៏មានវត្តមាននៅប៉ូលខាងត្បូងដែលគេហៅថា Southern Lights ផងដែរ៕
- អង្គការ NASA ស្វាគមន៍គំរោងរបស់ SpaceX ដែលគ្រោងបញ្ជូនទេសចរទៅជុំវិញព្រះច័ន្ទ! (02/03/2017 11:34:00)
- បេសកកម្មមរណៈ! អង្គការ NASA «គ្រោងបញ្ជូនយានដើម្បីហោះទៅសិក្សាពីព្យុះព្រះអាទិត្យនៅកៀកនឹងព្រះអាទិត្យ (01/03/2017 14:05:00)
- ព័ត៌មានបន្ថែមពី «ការរកឃើញភពថ្មីចំនួន០៧» ដែលអង្គការ NASA កំពុងសប្បាយរីករាយជាខ្លាំង! (24/02/2017 14:29:00)
- NASA ជិតនឹងហោះទៅកាន់កូនភពដែលមានតម្លៃ ១០ពាន់លានពាន់លានដុល្លារ ក្នុងប្រព័ន្ធព្រះអាទិត្យ (23/01/2017 09:05:00)
- ដល់ ក , ទៅមើល អាយុ ព្រះច័ន្ទ ដែលលោកអ្នក មិនធ្លាប់បានដឹង (13/01/2017 11:26:00)
- NASA រកឃើញកន្លែងដ៏ល្អ សម្រាប់តាំងទីលំនៅ លើឋានព្រះចន្ទ (12/01/2017 09:30:00)
- NASA មានភ័ស្ដុតាងបង្ហាញថា មានវត្តមានរបស់មនុស្សភពផ្កាយ (10/01/2017 10:10:00)
- NASA នឹងបាញ់បង្ហោះយានអវកាសចំនួនពីរ ដើម្បីស្រាវជ្រាវ យុគសម័យដំបូងនៃ ប្រព័ន្ធព្រះអាទិត្យ (06/01/2017 09:03:00)
- NASA ធ្វើសន្និសីទកាសែត ប្រកាសនូវអាថ៌កំបាំងស្ដីអំពី ប្រព័ន្ធព្រះអាទិត្យ (05/01/2017 10:43:43)
- ភ្ញាក់ផ្អើលនឹកស្មានមិនដល់! អង្គការ NASA គ្រោងកសាង «ផ្ទះទឹកកក» សម្រាប់មនុស្សរស់នៅលើភព (02/01/2017 14:27:00)
ព័ត៌មានបច្ចេកវិទ្យា ដែលមើលច្រើន
