CamNews

ស្វែងរកកំរិតខ្ពស់
ព័ត៌មានអន្តរជាតិ 

អាគារភ្លោះ ៤៧ជាន់ ភ្លេចដាក់ជណ្ដើរយោង

នៅពេលដែលអាគារភ្លោះមួយគូដែលមានកំពស់ ៤៧ជាន់ នៅអេស្ប៉ាញ ជិតនឹងរួចរាល់ជាស្ថាពរ
ទើបក្រុមអ្នកសាងសង់ភ្ញាក់ខ្លួនដឹងថា ពួកគេភ្លេចរចនាកន្លែងសម្រាប់បំពាក់ជណ្ដើរយោង ចាប់ពី
ជាន់ទី ២១ ដល់ជាន់ខ្ពស់បំផុតរបស់អាគារ។


គេហទំព័រ NY Daily News បានរាយការណ៍ថា អាគារភ្លោះមួយគូ ឈ្មោះ Intempo ដែលមានកំពស់
២០០ម៉ែត្រ ស្ថិតនៅលើឆ្នេរសមុទ្រ Benidorm នេះ ត្រូវបានគេរំពឹងថា នឹងក្លាយជានិមិត្តរូបនៃភាព
រីកចម្រើនរបស់ទីក្រុង និងប្រទេសអេស្ប៉ាញ ហើយវានឹងកាន់តែមានគេស្គាល់ច្រើនដោយសារតែ
ស្ថិតនៅលើឆ្នេរសមុទ្រ Benidorm ដែលជាតំបន់ទេសចរណ៍ដ៏ល្បីល្បាញ ដែលបានទាក់ទាញភ្ញៀវ
ទេសចរណ៍អឺរ៉ុបជាច្រើន មកលំហែកាយ នារដូវក្ដៅ។


ប្រភពព័ត៌មាន បានឱ្យដឹងថា ដំបូងឡើយក្រុមវិស្វករ បានគូរប្លង់សម្រាប់អាគារ  Intempo នេះ
កំពស់ត្រឹមតែ ២០ជាន់ប៉ុណ្ណោះ ប៉ុន្ដែក្រោយមក ដោយសារភាពលោភលន់ អ្នកសាងសង់ក៏បាន
ធ្វើឡើងដល់ទៅ ៤៧ជាន់។ ក៏ប៉ុន្ដែ ប្រព័ន្ធជណ្ដើរយោងត្រូវបានគេរចនា និងបំពាក់ត្រឹមជាន់ទី
២០ប៉ុណ្ណោះ ចំណែក ២៧ជាន់នៅផ្នែកខាងលើ គឺមានតែជណ្ដើរថ្មើរជើងប៉ុណ្ណោះ។

ចាប់ពីជាន់ទី ២១ រហូតដល់ជាន់លើបំផុតរបស់អាគារនេះ ពុំមានកន្លែងទំនេរដើម្បីអាចឱ្យគេបំពាក់
ជណ្ដើរយោងបានទៀតទេ ប្រការនេះ នាំឱ្យក្រុមស្ថាបត្យករ នាំគ្នាស្នើឱ្យមានការរចនាគូរប្លង់ឡើង
វិញ។

បច្ចុប្បន្ន អាគារ Intempo ត្រូវបានគេសាងសង់រួចរាល់ដល់ទៅ ៩៤% ។ តាមគម្រោង វានឹងត្រូវ
បើកទ្វារក្នុងឆ្នាំ ២០០៩ ប៉ុន្ដែ កាលបរិច្ឆេទនៃការសម្ពោធដំណើរការ ត្រូវបានពន្យាពេលជាបន្ដ
បន្ទាប់ ដោយសារតែមានបញ្ហាផ្នែកហិរញ្ញវត្ថុ។ យោងតាមទំព័រ Daily Mail ក្រុមបុគ្គលិក និងកម្មករ
ធ្វើការនៅទីនេះ ធ្លាប់ត្រូវបានក្រុមហ៊ុនម៉ៅការ ជំពាក់ប្រាក់ខែចំនួន ៤ខែ ក្នុងឆ្នាំ ២០១០ ៕


ដោយ ៖ តារា
ប្រភព ៖ nydailynews


Tags: Builders ,  forgot ,  elevator ,  Skyscraper ,  Benidorm ,  Intempo ,  Spain

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......