ស្តេចគ្រឿងញៀន ម៉ិកស៊ិក ចង់ទៅជាប់គុកនៅសហរដ្ឋអាមេរិក (Video Inside)
(ម៉ិកស៊ិក)៖ តុលាការប្រទេសម៉ិកស៊ិក បានជូនដំណឹងថា អធិរាជរត់ពន្ធគ្រឿងញៀនលោក Joaquin "El Chapo" Guzman ដែលទើបនឹងឆាប់កាលពីថ្មីៗនេះ មានបំណង់ចង់ទៅជាប់ពន្ធធនាគារនៅក្នុងសហរដ្ឋអាមេរិក បន្ទាប់ពីកងកម្លាំងជើងទឹកម៉ិកស៊ិក ចាប់ខ្លួនបាននៅនៅតំបន់ឆ្នេរសមុទ្រនៃទីក្រុង Los Mochis ក្នុងរដ្ឋ Sinaloa នេះបើយោងតាមការចេញផ្សាយរបស់សារព័ត៌មាន AP នៅថ្ងៃទី១១ ខែមករា ឆ្នាំ២០១៦។
យោងតាមការចេញផ្សាយរបស់ AP បានឲ្យដឹងនៅពេលនេះ តុលាការកំពុងរៀបចំឯកសារដើម្បីធ្វើបត្យាប័ន ទៅតាមនិតិវិធី ប៉ុន្តែមិនបានបង្ហើបឲ្យដឹងពីព័ត៌មានផ្សេងៗឡើយ។
ថ្ងៃសុក្រ ទី០៨ ខែមករា ឆ្នាំ២០១៦កន្លងទៅនេះ កងកម្លាំងជើងទឹកម៉ិកស៊ិក បានចេញប្រតិបត្តិការតាមចាប់ខ្លួនស្ដេចគ្រឿងញៀននេះ នៅតំបន់ឆ្នេរសមុទ្រនៃទីក្រុង Los Mochis ក្នុងរដ្ឋ Sinaloa ដោយប្រធានាធិបតីម៉ិកស៊ិក លោក Enrique Peña Nieto បានប្រកាសនៅលើបណ្ដាញទំនាក់ទំនងសង្គម Twitter ផ្ទាល់ខ្លួនរបស់លោកថា «បេសកកម្មចាប់ខ្លួនស្ដេចរត់ពន្ធគ្រឿងញៀនគឺទទួលបានជោគជ័យ និងបានបញ្ជួន លោក Guzman ទៅកាន់ពន្ធធនាគារ ដែលលោកបានរត់គេចកាលពីខែកក្កដា ឆ្នាំ២០១៥»។
អធិរាជជួញដូរគ្រឿងញៀនរូបនេះ បានរត់គេចចេញពីគុកក្នុងប្រទេសម៉ិកស៊ិក កាលពីខែកក្កដា ឆ្នាំ២០១៥ តាមរយៈរូងក្រោមដី ដែលមានរយៈចម្ងាយរហូតដល់ ១,៥គីឡូម៉ែត្រ និងមានទទឹងជិត ១ម៉ែត្រ និងកម្ពស់ ១,៧ម៉ែត្រ ហើយបើតាមតាមអ្នកជំនាញបានឲ្យដឹងថា គម្រោងរត់គេចពីគុកនេះ ប្រើរយៈពេលជាង ១ឆ្នាំ និងចំណាយលុយ ៥០លានដុល្លារអាមេរិក។
តើការចំណាយលុយនេះ ត្រូវបានធ្វើឡើងដោយរបៀបណា?
យោងតាមសេចក្ដីរាយការណ៍របស់កាសែត Wall Street Journal បានឲ្យដឹងថា ស្ដេចរត់ពន្ធគ្រឿងញៀនរូបនេះ បានប្រើបក្សីក្នុងការសាកល្បងទៅលើកម្រិត និងសម្ពាធខ្យល់នៅក្នុងរូងក្រោមដី ដែលបានជីក ព្រោះថា នៅក្រោយពេលគេចខ្លួនបាន ក្រុមស៊ើបអង្កេតបានប្រទះឃើញសាកសពបក្សីមួយ នៅក្នុងធុងសំរាមក្នុងបន្ទប់របស់ Guzman។
ក្រុមមន្ត្រីជំនាញបានឲ្យដឹងថា បក្សីនេះប្រហែលជាត្រូវបានក្រុមការងារ របស់ស្ដេចគ្រឿងញៀន ប្រើដើម្បីសាកល្បងសម្ពាធខ្យល់ ព្រោះថារូងក្រោមដីនោះ មានរយៈចម្ងាយរហូតដល់ ១,៥គីឡូម៉ែត្រ និងមានទទឹងជិត ១ម៉ែត្រ និងកម្ពស់ ១,៧ម៉ែត្រ។
Joaquin (El Chapo) Guzman ធ្លាប់រត់គេចពីគុកម្ដងរួចទៅហើយ កាលពីឆ្នាំ ២០០១ បន្ទាប់ពីចាប់ខ្លួនកាលពីឆ្នាំ ១៩៩៣ ដោយនៅពេលនេះ Guzman រត់គេចខ្លួនតាមរយៈរទេះបោកគក់ រួចគេចខ្លួនតាមរថយន្ត ដោយគម្រោងនៃការរត់គេចខ្លួននោះ មានមនុស្សជិត ១០០នាក់ បានចូលរួមនិងចំណាយលុយ ២,៥លានដុល្លារអាមេរិក និងបានរស់នៅក្រោមដីអស់រយៈពេលជាច្រើនឆ្នាំ ទើបចាប់ខ្លួនបានម្ដងទៀតកាលពីដើមឆ្នាំ ២០១៤។
គួរបញ្ជាក់ផងដែរថា បើយោងតាមការព័ត៌មានដែលមាននៅលើគេហទំព័រ Wikipedia បានឲ្យដឹងថា នៅពីក្រោយខ្នងស្ដេចជួញដូរគ្រឿងញៀនម្នាក់នេះ គឺមានក្រុមជំនាញជាច្រើន ពាក់ព័ន្ធនឹងការជីករូងក្រោមដី ព្រោះថា ក្រោយពេលដែលរត់គេចខ្លួនបានកាលពីឆ្នាំ២០០១ ស្ដេចគ្រឿងញៀនរូបនេះ បានរត់ក្រោមដី ដោយមានផ្លូវក្រោមដីចំនួន ៦កន្លែង តភ្ជាប់គ្នាពីផ្ទះមួយទៅកាន់ផ្ទះមួយទៀត ដោយផ្លូវក្រោមដីនេះ មិនត្រូវបានគេដឹងឡើយ រហូតដល់ដើមឆ្នាំ ២០១៤ នៅពេលឆាប់ខ្លួនបានម្ដងទៀត ទើបដឹងថា ស្ដេចគ្រឿងញៀនរូបនេះរស់នៅក្រោមដី៕
ខាងក្រោមនេះគឺជាវីដេអូបង្ហាញពីការចាប់ខ្លួនស្ដេចគ្រឿងញៀន Guzman នៅនៅតំបន់ឆ្នេរសមុទ្រនៃទីក្រុង Los Mochis ក្នុងរដ្ឋ Sinaloa
ផ្តល់សិទ្ធដោយ ៖ ហ្វ្រេសញូវអាស៊ី
- មេដឹកនាំពិភពលោក ចិន-អាមេរិក ណាត់ជួបគ្នាដោយផ្ទាល់ នៅអាទិត្យក្រោយ តើនឹងមានអ្វីកើតឡើង?? (30/03/2017 15:02:00)
- កាត់ក្បាល ប្រពន្ធ យួរពេញផ្លូវ រួចដុតសាកសព ផ្អើលគេផ្អើលឯង ទាំងកណ្តាលថ្ងៃ (30/03/2017 14:43:00)
- ដល់ក, មន្រ្តីទូតអាមេរិក ត្រូវចាប់ឃាត់ខ្លួន ជុំវិញការចោទប្រកាន់ ទទួលសំនូក រាប់ម៉ឺនដុល្លារពីចារកម្មចិន (30/03/2017 14:06:00)
- ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត (29/03/2017 16:16:00)
- ផ្ទុះបាតុកម្ម ហឹង្សា នៅកណ្តាលទីក្រុង ល្បី ក្រោយប៉ូលីស បាញ់សម្លាប់ជនជាតិ ចិន ដល់ផ្ទះ (29/03/2017 15:27:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ការពិត ចឹងសោះ បានជណ្តើរយន្ត គ្រោះថ្នាក់ វិល ថយក្រោយ បណ្តាលឲ្យមនុស្ស ១៨នាក់ របួស (មានវីដេអូ) (27/03/2017 15:40:00)
- សិស្សវិទ្យាល័យ ៦នាក់ រងនូវការសម្លាប់ ដោយបាក់ផ្ទាំងទឹកកក នាព្រឹកថ្ងៃច័ន្ទនេះ (27/03/2017 14:36:00)
- សូម្បីតែ អ្នកសំអាត ក៏ក្លាយជាអ្នកមានដែរ, Porsche ប្រកាសឲ្យ Bonus គ្រប់ៗគ្នា ក្នុង១នាក់ជិត 14.000$ (25/03/2017 09:59:00)
ព័ត៌មានអន្តរជាតិ ដែលមើលច្រើន
