អុញនោះ! ក្មួយ និងប្អូនប្រុស អតីតអគ្គលេខាធិការ UN លោក Ban Ki Moon ត្រូវចាប់ខ្លួនពីបទប្រព្រឹត្តិអំពើ
(សេអ៊ូល)៖ អតីតអគ្គលេខាធិការអង្គការសហប្រជាជាតិ លោក បាន គីមូន មិនបានដឹងហើយក៏មិនបានជាប់ពាក់ព័ន្ធដែរជុំវិញការចោទប្រកាន់របស់ក្រុមរដ្ឋអាជ្ញាសហរដ្ឋអាមេរិកថា ប្អូនប្រុស និងក្មួយប្រុសរបស់លោកបានប្រព្រឹត្តអំពើពុករលួយតាមរយៈការសូកប៉ាន់មន្ត្រីរដ្ឋាភិបាលម្នាក់មកពីតំបន់មជ្ឈិមបូព៌ា ឱ្យប្រើប្រាស់មូលនិធិរដ្ឋាភិបាល ដើម្បីទិញគំរោងអាគារនៅវៀតណាម។ នេះបើតាមអ្នកនាំពាក្យលោក បាន គីមូន ដែលដក ស្រង់សម្ដី ដោយសារព័ត៌មាន Channel News Asia នៅថ្ងៃពុធ ទី១១ ខែមករា ឆ្នាំ២០១៧។
ប្អូនប្រុសរបស់លោក បាន គីមូន គឺលោក បាន គីសាង (Ban Ki-sang) និងក្មួយប្រុសរបស់លោកឈ្មោះ ជូ យ៉ុនបាន (Joo Hyun Bahn) ត្រូវបានក្រុមរដ្ឋអាជ្ញាអាមេរិកចោទប្រកាន់ថា បានចូលរួមក្នុងអំពើពុករលួយ ជាមួយមន្ត្រីរដ្ឋាភិបាលម្នាក់មកពីតំបន់មជ្ឈិមបូព៌ាក្នុងក្របខ័ណ្ឌនៃការប៉ុនប៉ងលក់អាគាររបស់ខ្លួនមានតម្លៃជាង ៨០០លានដុល្លារ នៅក្នុងប្រទេសវៀតណាម។
គួរបញ្ជាក់ថាលោក បាន គីមូន បានកាន់តំណែងជាអគ្គលេខាធិការអង្គការសហប្រជាជាតិ ពីឆ្នាំ២០០៧ ដល់ឆ្នាំ២០១៦ ហើយអ្នកបន្តវេនពីលោក គឺអតីតនាយករដ្ឋមន្ត្រីព័រទុយហ្កាល់ លោក អាន់តូនីញ៉ូ ហ្គូទែរ៉េស បានកាន់តំណែងនេះជាផ្លូវការកាលពីថ្ងៃទី០១ ខែមករា កន្លងទៅ។ ជាងនេះទៅទៀតការចោទប្រកាន់ខាងលើធ្វើឡើងនៅក្នុងបរិបទ ដែលលោក បាន គីមូន ត្រូវបានគេជឿជាក់ថា អាចនឹងឈរឈ្មោះជាបេក្ខភាពប្រកួតប្រជែងយកតំណែងប្រធានាធិបតីកូរ៉េខាងត្បូង នៅអាណត្តិថ្មីក្នុងឆ្នាំ២០១៧នេះ៕
ប្រភព ៖ CNA/BBC
- មេដឹកនាំពិភពលោក ចិន-អាមេរិក ណាត់ជួបគ្នាដោយផ្ទាល់ នៅអាទិត្យក្រោយ តើនឹងមានអ្វីកើតឡើង?? (30/03/2017 15:02:00)
- កាត់ក្បាល ប្រពន្ធ យួរពេញផ្លូវ រួចដុតសាកសព ផ្អើលគេផ្អើលឯង ទាំងកណ្តាលថ្ងៃ (30/03/2017 14:43:00)
- ដល់ក, មន្រ្តីទូតអាមេរិក ត្រូវចាប់ឃាត់ខ្លួន ជុំវិញការចោទប្រកាន់ ទទួលសំនូក រាប់ម៉ឺនដុល្លារពីចារកម្មចិន (30/03/2017 14:06:00)
- ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត (29/03/2017 16:16:00)
- ផ្ទុះបាតុកម្ម ហឹង្សា នៅកណ្តាលទីក្រុង ល្បី ក្រោយប៉ូលីស បាញ់សម្លាប់ជនជាតិ ចិន ដល់ផ្ទះ (29/03/2017 15:27:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ការពិត ចឹងសោះ បានជណ្តើរយន្ត គ្រោះថ្នាក់ វិល ថយក្រោយ បណ្តាលឲ្យមនុស្ស ១៨នាក់ របួស (មានវីដេអូ) (27/03/2017 15:40:00)
- សិស្សវិទ្យាល័យ ៦នាក់ រងនូវការសម្លាប់ ដោយបាក់ផ្ទាំងទឹកកក នាព្រឹកថ្ងៃច័ន្ទនេះ (27/03/2017 14:36:00)
- សូម្បីតែ អ្នកសំអាត ក៏ក្លាយជាអ្នកមានដែរ, Porsche ប្រកាសឲ្យ Bonus គ្រប់ៗគ្នា ក្នុង១នាក់ជិត 14.000$ (25/03/2017 09:59:00)
ព័ត៌មានអន្តរជាតិ ដែលមើលច្រើន
