យកចិត្តហ្វីលីពីនដល់ហើយ! រុស្ស៉ីត្រៀមខ្លួនរួចជាស្រេចក្នុងការ «ផ្គត់ផ្គង់សព្វាវុធទំនើបៗគ្រប់ធុន»
(ម៉ានីល)៖ ប្រទេសរុស្ស៉ីកំពុងត្រៀមខ្លួនរួចជាស្រេច ដើម្បីផ្គត់ផ្គង់ហ្វីលីពីនជាមួយនឹងសព្វាវុធទំនើបៗបំផុតគ្រប់ប្រភេទដែលសុទ្ធតែជាបរិក្ខាយោធាថ្មីសន្លាង។ នេះបើតាមសម្តីរបស់ឯកអគ្គរដ្ឋទូតរុស្ស៉ីប្រចាំទីក្រុងម៉ានីលលោក Igor Khovaev ដែលចេញផ្សាយដោយទីភ្នាក់ងារព័ត៌មានចិន ស៊ិនហួរ នៅមុននេះបន្តិចនាព្រឹកថ្ងៃព្រហស្បតិ៍ ទី០៥ ខែមករា ឆ្នាំ២០១៧។
ថ្លែងក្នុងសន្និសីទសារព័ត៌មាននៅលើនាវាពិឃាត Admiral Tributs របស់ប្រទេសរុស្ស៉ីដែលបានចូលចតនៅកំពង់ផែនៃរដ្ឋធានីម៉ានីលសម្រាប់ដំណើរទស្សនកិច្ចសុច្ឆន្ទៈចាប់ពីថ្ងៃទី០២-០៧ ខែមករា លោកឯកអគ្គរដ្ឋទូតបានគូសបញ្ជាក់ថា «ប្រទេសរុស្ស៉ីត្រៀមខ្លួនរួចជាស្រេច ដើម្បីធ្វើការផ្គត់ផ្គង់អាវុធធុនតូចរួមមានកាំភ្លើងខ្លីនិងវែងជាដើម ព្រមទាំង យន្តហោះ, ឧទ្ធម្ភាគចក្រ, និងនាវាមុជទឹកមួយចំនួនហើយនិងសព្វាវុធដទៃៗជាច្រើនប្រភេទទៀត»។
លោក Khovaev បានបន្ថែមដូច្នេះទៀតថា «រុស្ស៉ីមានសម្ភារៈយោធាយ៉ាងច្រើនសន្ធឹកសន្ធាប់ដើម្បីផ្តល់ឲ្យហ្វីលីពីន ប៉ុន្តែអ្វីៗទាំងអស់ត្រូវធ្វើឡើងដោយអនុលោមតាមច្បាប់អន្តរជាតិទាំងស្រុង»។
គួរបញ្ជាក់ថាលោក Igor Khovaev បានបង្ហាញភាពវិជ្ជមានអំពីទំនាក់ទំនងរវាងហ្វីលីពីននិងរុស្ស៉ី និងសង្ឃឹមថារដ្ឋាភិបាលទីក្រុងម៉ូស្គូនិងរដ្ឋាភិបាលទីក្រុងម៉ានីល នៅទីបំផុតនឹងបង្កើតសហប្រតិបត្តិការយោធាការពារជាតិនាពេលអនាគត ហើយលោកបានលើកឡើងថា ប្រទេសរបស់លោកកំពុងរង់ចាំស្វាគមន៍ដំណើរទស្សនកិច្ចផ្លូវការរបស់ប្រធានាធិបតីហ្វីលីពីនលោក រ៉ូឌ្រីហ្គោ ឌូតឺតេ ទៅកាន់ប្រទេសរុស្ស៉ី នៅនិទាឃរដូវនៃឆ្នាំ២០១៧នេះ៕
ផ្តល់សិទ្ធដោយ ៖ ហ្វ្រេសញូវអាស៊ី
- មេដឹកនាំពិភពលោក ចិន-អាមេរិក ណាត់ជួបគ្នាដោយផ្ទាល់ នៅអាទិត្យក្រោយ តើនឹងមានអ្វីកើតឡើង?? (30/03/2017 15:02:00)
- កាត់ក្បាល ប្រពន្ធ យួរពេញផ្លូវ រួចដុតសាកសព ផ្អើលគេផ្អើលឯង ទាំងកណ្តាលថ្ងៃ (30/03/2017 14:43:00)
- ដល់ក, មន្រ្តីទូតអាមេរិក ត្រូវចាប់ឃាត់ខ្លួន ជុំវិញការចោទប្រកាន់ ទទួលសំនូក រាប់ម៉ឺនដុល្លារពីចារកម្មចិន (30/03/2017 14:06:00)
- ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត (29/03/2017 16:16:00)
- ផ្ទុះបាតុកម្ម ហឹង្សា នៅកណ្តាលទីក្រុង ល្បី ក្រោយប៉ូលីស បាញ់សម្លាប់ជនជាតិ ចិន ដល់ផ្ទះ (29/03/2017 15:27:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ការពិត ចឹងសោះ បានជណ្តើរយន្ត គ្រោះថ្នាក់ វិល ថយក្រោយ បណ្តាលឲ្យមនុស្ស ១៨នាក់ របួស (មានវីដេអូ) (27/03/2017 15:40:00)
- សិស្សវិទ្យាល័យ ៦នាក់ រងនូវការសម្លាប់ ដោយបាក់ផ្ទាំងទឹកកក នាព្រឹកថ្ងៃច័ន្ទនេះ (27/03/2017 14:36:00)
- សូម្បីតែ អ្នកសំអាត ក៏ក្លាយជាអ្នកមានដែរ, Porsche ប្រកាសឲ្យ Bonus គ្រប់ៗគ្នា ក្នុង១នាក់ជិត 14.000$ (25/03/2017 09:59:00)
ព័ត៌មានអន្តរជាតិ ដែលមើលច្រើន
