ចិន ចំអកឡកឡឺយឲ្យតៃវ៉ាន់ ថា មានមេដឹកនាំជាស្ត្រីមិនទាន់មានប្ដី និងជាមនុស្សជ្រុលនិយម
(ប៉េកាំង)៖ វិចារណកថាមួយ ដែលចេញផ្សាយដោយកាសែត ទីភ្នាក់ងារព័ត៌មានផ្លូវការណ៍របស់ចិន បានចំអកឡកឡឺយ ដល់ប្រធានាធិបតីថ្មីរបស់តៃវ៉ាន់ ថាជាស្ត្រី «ជ្រុលនិយម ឬរចនាបទជ្រុលនិយម» ក៏ដោយសារតែគាត់ជាមនុស្សស្រី ដែលមិនទាន់រៀបការ ។ នេះបើយោងតាមការចេញផ្សាយ របស់សារព័ត៌មាន BBC នៅថ្ងៃទី២៦ ខែឧសភា។
នៅក្នុងវិចារណកថា ដែលចេញផ្សាយដោយសារទីភ្នាក់ងារ សារព័ត៌មានស៊ិនហួ បានលើកឡើងថា លោកស្ត្រី Tsai Ing-wen ជាមនុស្សមិនទាន់រៀបការ ខ្វះភាពកក់ក្ដៅក្នុងគ្រួសារ ខ្វះអារម្មណ៍ស្និទ្ធស្នាល ជីវិតមនោសញ្ចេតនា ដូច្នេះហើយទើបគាត់ប្រកាន់គោលគំនិត ជ្រុលនិយមខុសប្រក្រតី។
ជាងនេះទៅទៀត នៅក្នុងវិចារណកថា បានសរសេរថា ក្នុងនាមជាអ្នកនយោបាយស្ត្រី ដែលមិនទាន់រៀបការ គឺបន្ទុកនូវផ្លូវអារម្មណ៍ច្រើន ដោយសារតែគ្មានស្នេហា ក្ដីស្រឡាញ់ គ្រួសារ ដូច្នេះគាត់នឹងបង្ហាញអារម្មណ៍ របស់គាត់ទៅតាមការដឹកនាំ ដែលនាំឲ្យប្រទេសមានភាពជ្រុលនិយម។
គួរបញ្ជាក់ផងដែរថា លោក Tsai Ing-wen ទើបតែប្រកាសចូលកាន់តំណែង ជាប្រធានាធិបតីតៃវ៉ាន់ កាលពីថ្ងៃសុក្រ សប្ដាហ៍មុន ហើយលោកស្ត្រី គឺជាប្រធានាធិបតីដំបូងគេអង្អស់ របស់តៃវ៉ាន់ និងជាប្រធានាធិបតី ដែលបង្ហាញជំហខ្ពស់ ក្នុងការទាមទារឯករាជពីចិន ខណៈដែលចិនបានប្រកាសថា នឹងប្រើកម្លាំងយោធា បើសិនជាតៃវ៉ាន់ ហ៊ានប្រកាសឯករាជ្យ៕
ផ្តល់សិទ្ធដោយ ៖ ខ្មែរថកឃីង
- អ្នកឡើងភ្នំល្បីៗចំនួន០៣រូប ស្លាប់ដោយសារផ្ទាំងទឹកកកបាក់សង្កត់ (22/04/2019 15:49:00)
- ប៉ូលិសស្រីវ័យក្មេង ម្នាក់ត្រូវបណ្តេញពីការងារព្រោះ Selfie អាក្រាតកាយ (18/02/2019 11:00:00)
- សភាសហរដ្ឋអាមេរិកចេញសេចក្ដីសម្រេចបញ្ចប់ជំនួយយោធា នៅយេមែន (15/02/2019 11:10:00)
- មន្រ្ដីការទូតកំពូលនៃក្រសួងការបរទេសអាមេរិក លាលែងពីមុខតំណែង (23/01/2019 15:26:00)
- បារាំង ពិន័យក្រុមហ៊ុន Google ៥៧លានដុល្លារ ពីបទរំលោភលើបញ្ញត្ដិស្ដីឯកជនភាពរបស់សហភាពអឺរ៉ុប (23/01/2019 11:09:00)
- ថ្មីណាស់! លួចរៀបការបានប្រពន្ធ ៣ នាក់នៅខេត្តផ្សេងៗគ្នា ហើយនាំយកមករស់នៅក្បែរៗគ្នា (16/01/2019 10:38:00)
- ពេលទៅលេងប្រទេសជប៉ុនត្រូវដឹងអំពីថ្លៃពន្ធបន្ថែមនេះសិន (11/01/2019 14:18:00)
- មើលហើយទប់សំណើចមិនបាន!! ប្រទេសនឹងសម្បូររឿងប្លែកៗខុសគេរហូតម៉ង (មានវីដេអូ) (05/01/2019 11:44:00)
- ទៀតហើយ!! ជះលុយទិញម៉ាសុីនស្វាន មកធ្វើជារបស់ប្រើសម្រាប់បរិភោគពោត ទីបំផុតត្រូវបាក់ធ្មេញបានសម្រេច (05/01/2019 11:03:00)
- ចោរអត់គម្រោង! នឹកឃើញចង់រកលុយថែម បែកគំនិតលួចខ្សែ ក តែម្ចាស់ហាងឆ្លាត ចុងក្រោយគុក (07/12/2018 09:59:00)
ដែលមើលច្រើន
