ព័ត៌មានអន្តរជាតិ ៖ ក្រុមរុករក និង ស្រាវជ្រាវ កំពុងតែបន្តស្វែងរកបន្ថែមទៀត នូវ សាកសពមនុស្ស ក៏ដូចជា បំណែកកំទេចកំទី ពីករណីធ្លាក់យន្តហោះ ក្រុមហ៊ុន AirAsia ជើងហោះហើរ QZ8501 នៅ ឯវិសាលភាព លើផ្ទៃសាគរ សមុទ្រ Java Sea ខណៈបញ្ហាប្រឈមរបស់ពួកគេ នោះគឺ លក្ខខ័ណ្ឌអា កាសធាតុមិនអំណោយផល ។
នាវា យន្តហោះ ក៏ដូចជា ឧទ្ធម្ភាគចក្រ ជាច្រើនគ្រឿង ត្រូវបានគេប្រើប្រាស់ ជា មធ្យោបាយ ដ៏មាន សក្តានុពល ក្នុងការតាមស្វែងរកជនរងគ្រោះ ធ្លាក់យន្តហោះលើកនេះ ។ គួរ បញ្ជាក់ថា ក្រុមមនុស្ស ភាគច្រើននៅលើយន្តហោះ នៅបន្តបាត់ខ្លួននៅឡើយខណៈមន្រ្តីពាក់ព័ន្ធពុំទាន់មានការគូសបញ្ជាក់ ថាបានរកឃើញ តួយន្តហោះ នៅឡើយទេ ។
អាជ្ញាធរ ក្រោយពីបានធ្វើការស៊ើបអង្កេត ឯករាជ្យបានឈានទៅដល់កំណត់អត្តសញ្ញាណសាកសព ជនរងគ្រោះម្នាក់ ក្នុង ចំ ណោម ៩ នាក់ នោះគឺ ជាសាកសពស្រ្តីម្នាក់ មានឈ្មោះ Hayati Lutfiah Hamid ជា ជន ជាតិ ឥណ្ឌូនេស៊ី មានវត្តមានមកពីទីក្រុងធំទី ២ របស់ប្រទេស ទីក្រុង Surabaya ។ បន្ថែម ពី លើនេះ របាយការណ៍ បញ្ជាក់អោយដឹងថា ស្វាមី លោកស្រី ក៏ដូចជា កូនស្រី លោកស្រី ក៏មានវត្តមាននៅលើយន្តហោះបាត់ខ្លួន ខាងលើដូចគ្នាដែរ ។
គួរបញ្ជាក់ថា ក្រុមគ្រួសារ ជនរងគ្រោះស្លាប់ បា ត់បង់ជីវិត ក្នុងហេតុការណ៍ធ្លាក់យន្តហោះលើកនេះ ក្រោយពីមានការគូសបញ្ជាក់អត្តសញ្ញាណលោកស្រី បានច្បាស់លាស់ ពួកគេបានយកសពទៅធ្វើ កម្មវិធីបុណ្យ តាមប្រពៃណី កាលពីរសៀលថ្ងៃព្រហស្បត្តិ៍ ម្សិលមិញនេះ ស្របពេលដែល ចម្លាក់ថ្ម មុខផ្នូរលោកស្រី ត្រូវបានគេចារថ្ងៃមរណភាព ថ្ងៃទី ២៨ ធ្នូ ២០១៤ ៕
- អាន ៖ ១ មករា ប្រារព្ធ កម្មវិធីបុណ្យសព លើកដំបូង ជូនជនរងគ្រោះ ធ្លាក់យន្តហោះ AirAsia
- អាន ៖ រកឃើញហើយ បំណែកកំទេចកំទី យន្តហោះ និង សាកសពមនុស្សស្លាប់ ខណៈបញ្ជូនអ្នក មុជ ទឹក ទៅបញ្ជាក់បន្ថែម
- អាន ៖ Update : បំណែកកំទេចកំទី ដែលបានប្រទះឃើញ នោះ ពិតជាបំណែកយន្តហោះ AirAsia ដែលបានធ្លាក់
ប្រែសម្រួល ៖ កុសល
ប្រភព ៖ ស៊ីអិនអិន