CamNews

ពេលព្រឹកថ្ងៃទី២៥ខែវិច្ឆិកាឆ្នាំ២០១១ អង្គការសង្គមស៊ីវិល បានបើកយុទ្ធនាការ១៦ថ្ងៃបំពាក់
​បូពណ៌ស ដើម្បីបញ្ឈប់អំពើហិង្សាលើស្ត្រី ឆ្នាំ២០១១ ក្រោមប្រធានបទ"ការអនុវត្ត​ច្បាប់
ទប់ស្កាត់​​អំពើហិង្សា ក្នុងគ្រួសារ និង​កិច្ចការពារជនរងគ្រោះ ជាកាតព្វកិច្ចរបស់​យើងទាំង
អស់គ្នា!" ​ចាប់ផ្តើម​ពីថ្ងៃទី២៥វិច្ឆិកា ដល់ថ្ងៃទី១០ធ្នូ ឆ្នាំ២០១១។
យុទ្ធនាការនេះ បានចាប់ផ្តើមឡើងនៅក្នុងឆ្នាំ១៩៩១ ដោយក្រុមបុរសជនជាតិកាណាដា
មួយក្រុម។ ក្រោយមក យុទ្ធនាការនេះ ត្រូវបានរៀបចំធ្វើឡើងនៅគ្រប់ទីកន្លែងនៅលើ
ពិភពលោក រហូតដល់ទិវានេះ បានក្លាយទៅជាទិវាអន្តរជាតិ ដែលអង្គការសហប្រជាជាតិ
បានកំណត់ជាផ្លូវការ នៅថ្ងៃទី១៧ធ្នូ ឆ្នាំ១៩៩៩ ហើយនិងបានប្រកាសទទួលស្គាល់ថា
ជា​ទិវាអន្តរជាតិ លុបបំបាត់អំពើហិង្សាលើស្ត្រីតាមរយៈមហាសន្និបាទលើកទី៨៣ របស់​
អង្គការសហប្រជាជាតិ។​ សេចក្តីប្រកាសបញ្ជាក់ថា ក្នុងកំឡុងពេលនៃយុទ្ធនាការនេះ
បូពណ៌ស ត្រូវបានបំពាក់ឲ្យប្រជាពលរដ្ឋ ជាពិសេសបុរស ដែលជាសញ្ញា នៃការសន្យា
របស់ពួកគេ ដើម្បីបញ្ឈប់អំពើហិង្សាលើស្ត្រី។
វិធីមួយចំនួនដែលយើងម្នាក់ៗអាចធ្វើបានដើម្បីជួយចញ្ចប់អំពើហិង្សាលើស្ត្រី និងក្មេងស្រី
គឺ ប្រាប់ប្រជាជនថាអំពើហិង្សាលើស្រ្តី និងក្មេងស្រីមិនអាចទទួលយកបានទេ, អ្នកសង្ស័យ​
ថាមានស្ត្រីណាម្នាក់​ដែលត្រូវបានគេរំលោភបំពាន សូមស្តាប់​គាត់​ជួយ​គាំ​ទ្រ​គាត់​ហើយ​
ប្រាប់គាត់​ថាមានមនុស្សចាំជួយគាត់, សូមចាប់អារម្មណ៍យកចិត្តទុកដាក់ចំពោះស្ត្រី, ស្វែង
យល់​អំពើហិង្សាលើស្រ្តី និអំពីមូលហេតុរបស់វា, សូមធ្វើជាគំរូនិងអប់រំក្មេងប្រុសនិងយុវជន
ថា តើត្រូវធ្វើដូចម៉្តេច ដើម្បីឲ្យក្លាយ​ទៅ​ជា​បុរស​​ដែលចេះគោរពសិទ្ធិ និងឲ្យតំលៃដល់ស្រ្តី
និងក្មេងស្រី, លើកទឹកចិត្ត និងជួយគាំទ្រដល់អ្នកធ្វើការក្នុងសហគមន៍ របស់អ្នកដើម្បីធ្វើ​ការ​
បញ្ចប់​នូវ​​អំពើ​ហិង្សា​គ្រប់​រូបភាព​លើស្រ្តី និងក្មេងស្រី, និយាយប្រាប់សមាជិកគ្រួសារ និង
សហគមន៍ អំពីថាតើអំពើហិង្សា​និង​សេចក្តី​​ភ័យ​ខ្លាច​ដែល​កើតចេញពីអំពើហិង្សា ជះឥទ្ធិពល
លើជីវិត​ប្រចាំ​ថ្ងៃ​របស់​ស្ត្រី និង​ក្មេង​ស្រី​ដូច​ម្តេច​ខ្លះ, សូមកុំប្រៀនប្រដៅកូនដោយប្រើអំពើ
ហិង្សា, សូមចិញ្ចឹមបីបាច់ថែរក្សាកូនប្រុស កូនស្រីឲ្យមានស្មើគ្នា ។ល។