១១ ចំណុចដែលបុរសចង់ដឹងបំផុតពីនារី

យល់ដឹង

១១ ចំណុចដែលបុរសចង់ដឹងបំផុតពីនារី

02:11 PM 29.11.2011
Print Email

តើអ្នកដឹងទេអ្វីដែលបុរសចាប់អារម្មណ៍មើលនារីដំបូងបំផុតនោះ? បើអ្នកដឹងមុនវាជារឿងល្អ
បំផុតជួយឲ្យអ្នកឆាប់ទទួលបានភាពទាក់ទាញពីបុរស។ បុរសតែងចាប់អារម្មណ៍លើនារីត្រង់
ចំណុចផ្សេងគ្នា តែខាងក្រោមនេះជាចំណុចរួមដែលបុរសទូទៅអាចនឹងសម្លឹងមកអ្នក។

១. សក់ដ៏គួរឲ្យទាក់ទាញរបស់អ្នក
ជាធម្មតាពេលបុរសសម្លឹងមើលនារី ភ្នែករបស់គាត់តែងបាញ់ចំមុខរបស់នាង ចង់ដឹងថានាង
ស្អាតឬអត់? តែបន្ទាប់មកគាត់នឹងក្រឡេកឆ្វាចទៅមើលសក់របស់នាង។ បុរសមួយចំនួន
យល់ថាសក់អាចឆ្លុះបញ្ចាំងពីសម្រស់និងចរិតរបស់នារី។ ដូច្នេះត្រូវច្បាស់ថាសក់របស់អ្នក
មានពន្លឺ រស់រវើកនិងមានក្លិនក្រអូប។ ទោះជាអ្នករវល់មិនបានទៅធ្វើម៉ូដ តែយ៉ាងហោច
ណាស់ត្រូវច្បាស់ថាវាស្អាតនិងមានរបៀប។

២. ស្ទិលឈរ
ឈរបញ្ឈរក្បាលត្រង់និងត្រង់ខ្លួនជាសញ្ញាមួយបង្ហាញពីទំនុកចិត្តនិងភាពសិចស៊ី។ ដូច្នេះ
ត្រូវព្យាយាមឈរឲ្យបានត្រង់ខ្លួននិងប្រយ័ត្នប្រយែងចំពោះកាយវិការដៃជើង ជាពិសេសកុំ
ឈរហែកជើងឲ្យសោះ។

៣. មិត្តរបស់អ្នក
វាជារឿងដែលគួរឲ្យភ្ញាក់ផ្អើលដែលមិត្តភ័ក្ដិអាចជះឥទ្ធិពលដល់អ្នកដែរនោះ។អ្នកធ្លាប់ល ឺ
ពាក្យមួយឃ្លាថាត្រីមួយកន្ត្រកបើស្អុយមួយគឺស្អុយទាំងអស់ទេ? បើមិត្តរបស់អ្នកមានចរិតមិន
សមរម្យមាត់លឺៗ មិនចេះអៀនខ្មាស និងប្រើពាក្យមិនគួរគប្បីនោះ ក្រុមបុរសនឹងវាយតម្លៃ
ថាអ្នកក៏ជាមនុស្សបែបនឹងដែរទោះជាអ្នកគួរឲ្យចាប់អារម្មណ៍យ៉ាងណាក៏ដោយ។

៤. បបូរមាត់
ការថើបគឺជាឱសថស័ក្ដិសិទ្ធិព្យាបាលជំងឺតានតឹងអារម្មណ៍ ហើយអ្នកវិទ្យាសាស្ត្របានរក
ឃើញថា មនុស្សភាគច្រើនបានចំណាយពេលប្រហែលជា២០១៦០នាទីទៅលើការថើបក្នុង
មួយឆាកជីវិត។ ដូច្នេះគ្មានអ្វីត្រូវឆ្ងល់នោះទេដែលបុរសចាប់អារម្មណ៍លើបបូរមាត់របស់អ្នក
នោះ ព្រោះគាត់ចង់ដឹងថាវាទន់ឬរលោង? ពណ៌ក្រហមឬស៊ីជម្ពូ? មានពន្លឺនិងអាចថើប
បានទេ?

៥.ពេលអ្នករាំ
នារីដែលរាំបានល្អបង្ហាញពីលក្ខណៈវិនិច្ឆ័យមួយចំនួនដូចជា នាងមានជំនឿចិត្តលើស្បែក
ស្អាតរបស់នាង នាងដឹងពីរបៀបធ្វើឲ្យសប្បាយ និងមិនបារម្ភពីចលនាសុដន់របស់ខ្លួន។

៦.អ្វីដែលអ្នកយកតាមខ្លួន
ជឿទេថា កាបូបដៃ ទូរស័ព្ទនិងរបស់ផ្សេងទៀតអាចបង្ហាញពីអាកប្បកិរិយារបស់អ្នកបាន។
យើងអាចនិយាយបានថា នារីដែលកាន់កាបូបធំគឺពោរពេញដោយគ្រឿងសំអាង ហើយនារី
ដែលកាន់សៀវភៅជាមនុស្សដែលស្រលាញ់ការសិក្សា។

៧. ស្នាមញញឹម
បុរសពិតជាចាប់អារម្មណ៍នឹងស្នាមញញឹមរបស់នារីព្រោះជាទូទៅពួកគេចង់ដឹងថា តើនារី
ម្នាក់នោះញញឹមដោយស្មោះឬធ្វើជាញញឹម។ ដូច្នេះត្រូវរៀបចំស្នាមញញឹមឲ្យបានល្អច្បាស់
ថាធ្មេញរបស់អ្នកស្អាតគ្មានអ្វីជាប់ដែលធ្វើឲ្យខូចសោភ័ណភាពឡើយ។

៨. កែងស្បែកជើង
កែងស្បែកជើងខ្ពស់ជាចំណុចដែលបុរសចាប់អារម្មណ៍មួយដែរ ព្រោះវាបង្ហាញពីភាពសិច
ស៊ី រឹងមាំនិងអង់អាច។ យកល្អស្បែកជើងរបស់អ្នកគួរតែមានទាំងកែងខ្ពស់និងទាប តែយ៉ាង
ហោចណាស់ពាក់កែងខ្ពស់ឲ្យបាន២ដងក្នុងមួយសប្ដាហ៍។

៩.របៀបដែលអ្នកសំញែង
ការបង្ហាញពីចំណុចអង់អាចជាអ្វីដែលបុរសចាប់អារម្មណ៍បំផុត។ វាជាការពិតដែលដំណើរ
ដើរដ៏មានទំនុកចិត្តរបស់អ្នកនឹងធ្វើឲ្យបុរសសម្លឹងមិនហ៊ានព្រិចភ្នែក។ តែមិនចាំបាច់ដើរដូច
មនុស្សក្រអឺតក្រទមឬដូចអ្នកបង្ហាញម៉ូដនោះទេ។

១០. អត្តចរិត
ប្រហែលនេះជាចំណុចសំខាន់បំផុតដែលបុរសត្រូវគិត។ នារីដែលស្អាតតែមានចរិតមិនល្អគឺ
មិនមែនជាអ្វីដែលបុរសត្រូវការនោះទេ។ គ្មានបុរសណាម្នាក់ចង់ធ្វើបាបខ្លួនទ្រាំនឹងចរិតមិន
ល្អរបស់អ្នកនោះទេ។

១១. សុដន់និងត្រគាក
នេះជាចំណុចក្ដៅគគុកដែលបុរសចង់ដឹងទាក់ទងទៅនឹងទំហំ រូបរាងនិងភាពស្វាហាប់ ដូច្នេះ
នារីកុំព្រងើយត្រង់ចំណុចនេះឲ្យសោះ កែខៃយ៉ាងណាឲ្យបានប្រសើរហើយអាវក្នុងក៏មាន
ប្រយោជន៍សម្បើមដែរសម្រាប់អ្នក។

ដកស្រង់ពី៖ thickfaces
ដោយ៖ រដ្ឋា