ក្រសួងព័ត៌មាន ហាមមិនឲ្យ ចុះផ្សាយរូបភាពជនរងគ្រោះ ដោយ មិនបានបិទបាំង អត្តសញ្ញាណ

08:02 AM 23.02.2012
Print Email

យោងតាមប្រភពពត៌មានពីគេហទំព័រក្រសួងព័ត៌មាន បានជូនដំណឹងដល់ម្ចាស់ព័ត៌មាន
ទាំងអស់ បានដឹងថា ហាមមិនឲ្យបោះពុម្ព និងផ្សព្វផ្សាយ រាល់រូបភាពរន្ធត់ៗ រូបគ្រោះថ្នាក់
ចរាចរ ដោយមិនបានបិទបាំងអត្តសញ្ញាណអ្នកទាំងនោះឡើយ ព្រោះថាជាការអនុវត្ត
ប្រាសចាកក្រមសីលធម៌អ្នកសារព័ត៌មាន និង ប៉ះពាល់ដល់សិទ្ធិរស់នៅជាឯកជនរបស់
បុគ្គល។

រូបភាពជនរងគ្រោះ ដោយបានបិទបាំង អត្តសញ្ញាណ

តាមការចេញផ្សាយពី RFI បានឲ្យដឹងថា ឯកឧត្ដម ខៀវ កាញារីទ្ធ រដ្ឋមន្ត្រីក្រសួងព័ត៌មាន
ជូនដំណឹងបែបនេះដល់គ្រប់ម្ចាស់គេហទំព័រ កាសែត ទស្សនាវដ្ដី និងព្រឹត្តិបត្រព័ត៌មាន
ហើយបម្រាមនេះកើតឡើង ក្រោយពីឯកឧត្ដមសង្កេត ឃើញថា ករណីនៃការចេញផ្សាយ
រូបភាពផ្ទុយពីក្រមសីលធម៌សារព័ត៌មានទាំងនេះ កំពុងផ្ទុះឡើង នៅតាមប្រព័ន្ធផ្សព្វផ្សាយ
មួយចំនួន។ ឯកឧត្ដមបានផ្ដោតជាសំខាន់ ចំពោះការផ្សព្វផ្សាយរូបភាពហិង្សាលើស្ត្រីនិង
កុមារ រូបភាពគ្រោះថ្នាក់ចរាចរណ៍គួរឲ្យខ្លាច និងរូបភាពឧក្រិដ្ឋកម្មជាដើម។ ឯកឧត្ដម
ក៏បានសង្កេតឃើញផងដែរថា សារព័ត៌មានខ្លះបានចុះផ្សាយរូបភាពជនរងគ្រោះដោយ
មិនបានបិទបាំង អត្តសញ្ញាណទៀតផង ប្រការនេះបានធ្វើឲ្យប៉ះពាល់ដល់កិត្តិយស និង
សិទ្ធិរស់នៅជាលក្ខណៈឯកជនរបស់បុគ្គល។

លិខិតហាម ផ្សព្វផ្សាយ រូបភាពស្តីពី គ្រោះថ្នាក់ កាចសាហាវ និងហិង្សា ដោយមិនបិទបាំង

ឯកឧត្ដម ខៀវ កាញារីទ្ធ រដ្ឋមន្ត្រីក្រសួងព័ត៌មាន

ក្លឹបអ្នកកាសែតកម្ពុជាធ្លាប់បានរៀបចំកិច្ចប្រជុំថ្នាក់ដឹកនាំសារព័ត៌មានទាំងឡាយដើម្បី
ពិភាក្សាអំពីការតាំងចិត្តកាត់បន្ថយការផ្សព្វផ្សាយរូបភាពបែបនេះ។ ក៏ប៉ុន្តែការអនុវត្ត
មិនមាននិរន្តរភាពជាទូទៅនោះឡើយ។ វាហាក់ដូចជាមានការពិបាកក្នុងការអនុវត្តន៍
ការប្តេជ្ញាចិត្តនេះ។ ម្ចាស់សារព័ត៌មានខ្លះអះអាងថា អវត្តមាននៃរូបថតអាក្រក់ទាំងនេះ
បានធ្វើអោយចំនួននៃការលក់ធ្លាក់ចុះ នៅពេលដែលអ្នកអានហាក់មានទម្លាប់ចង់
ឃើញរូបភាពអាក្រក់ទាំងនេះហើយនោះ។

ប្រភព៖ rfi
ដោយ៖ ណាវី

Facebook Comments

Tags: accident, information, ministry, thril

ដែលមើលច្រើន

ប្រទេសទាំង ១០ ដែលមហាអំណាចអាមេរិក ជំពាក់លុយច្រើនបំផុត លើលោក

ប្រទេសចំនួន ១០ ដែលជាម្ចាស់បំណុលធំៗ នៃមហាអំណាចអាមេរិក ច្រើនជាងគេចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......

CamNews

ក្រសួង​ព័ត៌មាន​ ហាម​មិន​ឲ្យ ​ចុះ​ផ្សាយ​រូបភាព​ជនរងគ្រោះ ​ដោយ ​មិន​បាន​បិទបាំង​ អត្តសញ្ញាណ​

ដែលមើលច្រើន

ក្រសួងព័ត៌មាន ហាមមិនឲ្យ ចុះផ្សាយរូបភាពជនរងគ្រោះ ដោយ មិនបានបិទបាំង អត្តសញ្ញាណ