យុវវ័យកូរ៉េ ឡង់សេ ខោយឺត Sweatpants សម្រាប់រដូវត្រជាក់

ម៉ូដែល

យុវវ័យកូរ៉េ ឡង់សេ ខោយឺត Sweatpants សម្រាប់រដូវត្រជាក់

04:34 PM 30.10.2013
Print Email

ក្រៅពីអាវយឺត Sweatshirt បច្ចុប្បន្ន នៅកូរ៉េខាងត្បូង និងនៅក្នុងតំបន់នានា យុវវ័យកំពុងតែនាំគ្នាប្រើប្រាស់ខោយឺត (ដែលដើមឡើងត្រូវគេចាត់ទុកថា ជាខោសម្រាប់ស្លៀកនៅផ្ទះ) ចេញដើរខាងក្រៅ។

មកដល់ចុងរដូវរំហើយ និងជិតឈានដល់រដូវត្រជាក់ យុវវ័យទាំងឡាយនាំគ្នាប្រើប្រាស់សម្លៀកបំពាក់សម្រាប់រដូវរងា ដែលពួកគេចូលចិត្ត ក្នុងនោះ អាវយឺត Sweatshirt ត្រូវបានគេមើលឃើញថា ជាការនិយមថ្មី សម្រាប់រដូវត្រជាក់។ អាវយឺត Sweatshirt ស្បែកជើង ankle boots ស្រោមជើងស្ទើរ ជាដើម ប្រាកដជារបស់ដែលត្រូវបានគេនិយាយដល់មុនគេ ព្រោះថា វាមិនត្រឹមតែកំពុងពេញនិយមនោះទេ ប៉ុន្ដែវាមានលក្ខណៈដោយឡែក និងសមស្របជាមួយអាកាសធាតុ។

ប៉ុន្ដែ អ្នកប្រហែលជាមិនទាន់ដឹងថា បច្ចុប្បន្ន ក្រៅពី អាវយឺត Sweatshirt នៅកូរ៉េខាងត្បូង និងនៅតាមបណ្ដាប្រទេសជឿនលឿន យុវវ័យក៏បាន និងកំពុងនាំគ្នាប្រើប្រាស់ខោយឺត Sweatpants ចេញទៅខាងក្រៅ ដើរកំសាន្ដ ចូលហាង ។ល។ គេនឹកស្មានថា Sweatpants មិនអាចចាញឆ្ងាយពីផ្ទះនោះទេ ប៉ុន្ដែវាបែរជាត្រូវបានយុវវ័យ mix&match ជាមួយអាវនានា ទៅជាសម្លៀកបំពាក់ដ៏ផាសុខភាព កក់ក្ដៅ និងលេចធ្លោ។ ប្រសិនអ្នកមិនទាន់ដឹងថា ត្រូវស្លៀកពាក់ ខោយឺត Sweatpants នេះ បែបណា នោះសូមស្វែងយល់ការណែនាំខ្លះៗខាងក្រោម។

បណ្ដាខោយឺត Sweatpants សម្រាប់ស្លៀកចេញទៅក្រៅ គឺតែងមានរូបរាងរៀបរយជាងខោយឺតសម្រាប់តែពាក់នៅផ្ទះ ដោយត្រង់ត្រគាក មានរាងទូលាយបន្ដិច និងរឹបចាប់ពីក្បាលជង្គង់មកក្រោម។ ដោយសារសាច់ត្រណាត់ទន់ និងម៉ូដែលបែបនេះ អ្នកនឹងទទួលបានផាសុខភាព ងាយស្រួលធ្វើចលនា ហើយអ្នកក៏មិនបាច់បារម្ភថា វានឹងបញ្ចេញទ្រង់ទ្រាយអាក្រក់នៃរាងកាយ ឬមិនទាន់សម័យ។ ចំពោះខោប្រភេទនេះ ល្អបំផុត គួរតែជ្រើសរើសពណ៌ ស ខ្មៅ ឬប្រផេះភ្លឺ ពាក់ជាមួយស្បែកជើងកីឡា។ ចំណែកម៉ូដសក់ គួរតែទាន់សម័យបន្ដិច។ ធ្វើបានដូច្នេះ គឺអ្នកនឹងមានភាពជឿជាក់ ដើម្បីបង្ហាញខ្លួននៅទីសាធរណៈ។

អាវធំពាក់ពីលើអាវក្នុង ក៏ជាវិធីល្អ ជួយឱ្យឈុតខោយឺត Sweatpants មានលក្ខណៈមិនដូចខោនៅផ្ទះ។ ចូរជ្រើសរើសអាវធំវែង មានលក្ខណៈសាមញ្ញ និងមានពណ៌មធ្យម ដូចជា ស ...

...ឬពណ៌ nude ដើម្បីបង្កើតបានឈុតស្រទន់មួយ។ ក្រៅពីរួមផ្សំជាមួយអាវធំក្រៅ នោះអាវក្នុងរបស់អ្នកក៏គួរមានលក្ខណៈសាមញ្ញ ដើម្បីចៀសវាង “ប្រតិកម្ម” ពណ៌។

ប្រសិនចង់មានលក្ខណៈដោយឡែកបន្ដិច អ្នកអាចស្លៀកខោយឺត Sweatpants ជាមួយអាវ jacket ខ្លី ប្រភេទស្បែក។ ហើយរូបមន្ដរបស់វា គឺស្បែកជើងកីឡា និងអាវសាមញ្ញ។

អ្នកក៏អាចប្រើប្រាស់ឈុតខោ Sweatshirt ដែលមានពណ៌លេចធ្លោបន្ដិច ប៉ុន្ដែ ដាច់ខាតគឺមិនត្រូវជ្រើសរើសពណ៌ចាំងភ្នែក ដូចជាក្រហម។ល។

សម្រាប់បណ្ដាថ្ងៃដែលមិនទាន់ត្រជាក់ពេក អ្នកអាចស្លៀកខោយឺតនេះ ជាមួយអាវយឺតដៃវែង ដូចក្នុងរូបខាងលើ...

... ឬអាវពីរជាន់…...

....ឬក៏ស្លៀកជាមួយអាវ cardigan ស្ដើង។ ហើយជាថ្មីម្ដងទៀត អ្នកត្រូវតែជ្រើសរើសអាវសាមញ្ញ ប្រហាក់ប្រហែលនឹងខោរបស់អ្នក!