CamNews

យើងបានដឹងហើយថា នាសតវត្សចុងក្រោយនេះ ពិភពលោកបានរកឃើញការបំ
លែងពន្លឺព្រះអាទិត្យមកធ្វើជាថាមពលអគ្គិសនី ដើម្បីយកមកប្រើប្រាស់រាល់តំរូវការ
ដែលគ្មានដែនកំណត់។ ដោយឡែក ថ្មីៗនេះ Singapore ក៏បានអភិវឌ្ឍបច្ចេកវិទ្យា
ចុងក្រោយរបស់ខ្លួនក្នុងការធ្វើឡើងនូវដើមឈើសិប្បនិម្មិតដោយវាមានកំពស់យ៉ាងខ្ពស់
ត្រដែតទៅក្នុងផ្ទៃអកាសដល់ទៅ៥០ម៉ែត្រ ដែលគ្រប់ដណ្តប់នៅលើទីក្រុងនេះ។

ដើមឈើដ៏ធំនេះ អាចហៅបានថា ដើមឈើបំលែងពន្លឺព្រះអាទិត្យ ដែលពួកវាទាំងអស់មាននៅ
ក្នុងសួនច្បារឈូងសមុទ្រភាគខាងត្បូង និងបើសម្ភោធជាផ្លូវការនៅថ្ងៃ ២៩ ខែមិថុនាខាងមុខនេះ
វាគឺជាផ្នែកមួយស្ថិតនៅក្នុងគំរោងជាង ១​០០ ហិចតា ដែលកើតចេញពីគោលគំនិតក្នុងការបង្កើត
ឧទ្យានជាតិសិង្ហបុរី។

ការច្នៃប្រឌិតអោយមានដើមឈើសិប្បនិម្មិតនេះឡើង ទាំងអស់វាមានចំនួន ១៨ដើម ដែលបាន
ក្លាយជាសួនច្បារដ៏ស្រស់ស្អាតមួយ អាចបំលែងថាមពលពន្លឺព្រះអាទិត្យ  និងជាអ្នកទាក់ទាញ
ទឹកភ្លៀងផងដែរ។​ ​នៅក្នុងនោះ ដើមឈើដ៏ធំចំនួន ១១ មានតួនាទីក្នុងការបំលែងពន្លឺព្រះអាទិត្យ
មកជាថាមពលអគ្គិសនី។​

ដើមឈើសិប្បនិម្មិតទាំងអស់ មានកំពស់រវាងពី ២៥ ទៅ ៥០​​ ម៉ែត្រដែលនៅក្នុងដើមឈើនីមួយៗ ត្រូវបានបំពាក់ផ្កានៃតំបន់ត្រូពិច និងវាបានក្លាយជាគម្រោងមួយដែលទទួលបានការគាំទ្រ។ ពួកវាទាំងអស់ក៏មានតួនាទីក្នុងការបំលែងអកាសធាតុផងដែរ ដោយបានបំលែងពីសីតុណ្ហភាព
ក្តៅមកនៅត្រជាក់ល្មមសំរាប់ប្រជាជនសិង្ហបុរី។

នេះគឺជាគំរោងមួយ ដែលមានគោលបំណងក្នុងការបង្កើតតំបន់ថ្មីមួយនៅក្នុង Mairna Bay
ភាគខាងកើតប្រទេសសិង្ហបុរី និងធ្វើអោយវាក្លាយទៅជាតំបន់អេកូទេសចរណ៍មួយដែលនឹង
ទាក់ទាញភ្ញៀវទេសចរណ៍ជុំវិញពិភពលោក។ ទន្ទឹមនិងនេះដែរ គំរោងនេះក៏បានឈ្នះពានរង្វាន់
នៃការរចនាម៉ូដអន្តរជាតិ ដែលទទួលស្គាល់ដោយអង្គការ UK Landscape architects Grant
Associates ។ តំបន់នេះត្រូវបានហ៊ុមព័ន្ធដោយឧទ្យាននៃឈូងសមុទ្រភាគខាងត្យូង ដែលនៅ
ក្នុងនោះ រួមមានបឹង ក៏ដូចជាស្ពានផងដែរ។

ជារួម គំរោងនេះគឺជាយុទ្ធវិធីក៏ដូចជាគោលបំណង ដើម្បីធានាអោយបាននូវ ប្រសិទ្ធភាពក្នុងការ
ទាក់ទាញភ្ញៀវទេសចរណ៍ក៏ដូចជា គោលបំណងធំនៃផែនការមេគឺ ធ្វើអោយសិង្ហបុរីក្លាយជាទី
ក្រុងសួនច្បារ៕

ដោយ ៖ រិទ្វី
ប្រភព ៖ cnn