អ្នកក្លាហានសុនខ សង្គ្រោះកុមារតូច ពីការស្លាប់ នៅសមុទ្រទួរគី (វីដេអូ)

គ្រោះថ្នាក់

អ្នកក្លាហានសុនខ សង្គ្រោះកុមារតូច ពីការស្លាប់ នៅសមុទ្រទួរគី (វីដេអូ)

03:37 PM 29.09.2013
Print Email

សុនខមួយក្បាល បានក្លាយជា “អ្នកក្លាហាន” ក្នុងក្រសែភ្នែករបស់មនុស្សរាប់ពាន់នាក់បន្ទាប់ពីវា បានរារាំងកុមារតូចម្នាក់ដែលកំពុងវារចូលទឹកសមុទ្រមានរលកធំៗ នៅឆ្នេរសមុទ្រនៃប្រទេសទួរគី។

សុនខកំពុងធ្វើការរារាំង មិនឱ្យកុមារតូចម្នាក់ វារចូលទឹកសមុទ្រ

ខ្សែវីដេអូ ដែលត្រូវបានគេបង្ហោះនៅលើបណ្ដាញ Youtube កាលពីថ្ងៃទី ២៤កញ្ញា នេះ បង្ហាញអំពីសកម្មភាពកុមារតូចម្នាក់ កំពុងវារចូលសមុទ្រម្នាក់ឯង នៅឆ្នេរ Kabak របស់ទួរគី ខណៈមានមនុស្សជាច្រើន កំពុងលេងសប្បាយនៅទីនោះ ដោយមិនមានការចាប់អារម្មណ៍។

នៅពេលបានឃើញកុមារតូចម្នាក់ វាសំដៅចូលទឹកសមុទ្រដែលមានរលកធំៗ សុនខឆ្លាតវៃមួយក្បាលដែលកំពុង “កំសាន្ដ” ឆ្នេរ សមុទ្រ ក៏បានប្រញាប់រត់ទៅស្កាត់ពីខាងមុខ ដើម្បីរារាំងមិនឱ្យកុមារនោះ វារបន្ដទៅក្នុងសមុទ្រ។

នៅក្នុងខ្សែវីដេអូខ្លីនេះ គេឃើញថា នៅសល់ប្រហែលពីរ ទៅបីជំហានទៀតប៉ុណ្ណោះ កុមារម្នាក់នេះ ប្រាកដជាត្រូវរលកធំៗ បក់នាំយកចូលសមុទ្រមិនខាន។ មួយរំពេច បន្ទាប់ពី ត្រូវបានសុនខរារាំង ទើបគេឃើញម្ដាយរបស់កុមារនេះ រត់មកដល់ និងលើកបីកូនរបស់ខ្លួនយកចេញទៅ។

ក្រោយពីបានបង្ហោះនៅលើអ៊ីនធើរណិត បានប៉ុន្មានថ្ងៃ វីដេអូបង្ហាញពីភាពឆ្លាតវៃ របស់សុនខនេះ បានទាក់ទាញអ្នកទស្សនា យ៉ាងច្រើនផងដែរនៅលើ Youtube ។

ដោយ ៖ តារា
ប្រភព ៖ Youtube

Facebook Comments

Tags: Dog , baby , sea , save , Kabak , Turkey

CamNews

អ្នកក្លាហានសុនខ សង្គ្រោះកុមារតូច ពីការស្លាប់ នៅសមុទ្រទួរគី (វីដេអូ)

គ្រោះថ្នាក់ ដែលមើលច្រើន