CamNews

ព័ត៌មានកីឡា៖​ មន្ដ្រីប៉ូលីសរបស់ប្រទេសស្វីស គ្រោងនឹងធ្វើការចាប់ខ្លួនសមាជិក FIFA ចំនូនច្រើនជាង​១២​នាក់ ជាបន្ដទៀតស្របពេលដែលមានការដឹកមុខសើបអង្កេតពីអាមេរិក ទៅលើករណីចោទប្រកាន់អំពើពុករលួយ ក្នុងសង្គមបាល់ទាត់អន្ដរជាតិ ។ បើយោងតាមរបាយការណ៍ New York Times ដកស្រង់ពាក្យសម្ដី​មន្ដី្រផ្លូវការផ្នែកពង្រឹងច្បាប់។ 

អាជ្ញាធរសមត្ថកិច្ចប្រទេសស្វីស បានកំពុងតែសម្លឹងមើលមុខសញ្ញាថ្មីៗបន្ដទៀត ស្របពេលដែលមន្ដ្រី FIFA ជាច្រើនរូបត្រូវបានធ្វើការចោទប្រកាន់រួចជាស្រេច លើសំណុំរឿងអំពើពុករលួយ ជាបណ្ដាញក្នុង​សង្គម FIFA នឹងការលួចលាងលុយកខ្វក់តាមរយៈធរនាគា។ ទន្ទឹមនឹងនោះផងដែរ របាយការណ៍បាន​បន្ដទៀតថា កាលពីល្ងាចម្សិលមិញ មន្ដ្រីប៉ូលីសស្វីសក៏បានចាប់ខ្លួន សមាជិក FIFA ពីររូបបន្ថែមដែល ពួក​គេគឺជាប្រធានដឹកនាំកីឡាបាល់ទាត់ ប្រចាំនៅអាមេរិកខាងត្បូងនឹង កណ្ដាល។ ការចាប់ខ្លួននេះត្រូវបានធ្វើ​ឡើងក្នុងសណ្ឋាគា Baur au Lac ទីក្រុង Zurich ជាកន្លែងតែមួយ ដែលបានចាប់ខ្លួនសមាជិកកន្លងមក កាលពីខែឧសភា។ សមាសភាពអ្នកទាំងពីរ ម្នាក់ឈ្មោះ Alfredo Hawit ជាប្រធានសហព័ន្ធបាល់ទាត់ ​Concacaf នៅអាមេរិកកណ្ដាល​ និងម្នាក់ទៀត គឺ Juan Ángel Napout ជាប្រធាន​សហព័ន្ធបាល់ទាត់ ​Conmebol នៅអាមេរិកខាងត្បួង អ្នកទាំងពីត្រូវជាសមាជិក ក្នុង FIFA ។ ដីការចាប់ខ្លួនមួយ​នេះ ត្រូវបានគេដឹងថា​គឺ ចេញពីស្ថាបណ្ណយុតិធម៌អាមេរិក ក្រោមការចូលរួមសហការជាមួយ FIFA យ៉ាង​ពេញលេញ នឹងការអនុញ្ញាតច្បាប់ពីប្រទេសស្វីស​។ 

នៅក្នុងខែកុម្ភៈ ឆ្នាំ២០១៦ ខាងមុខ FIFA នឹងរៀបចំការបោះឆ្នោតជ្រើសតាំងថ្នាក់ដឹកនាំថ្មី បន្ដតំណែងលោក Sepp Blatter ខណៈដែលកំពុងតែត្រូវបានគេព្យូការងារមួយរយៈ ។ មន្ដ្រីអ្នកនាំពាក្យមួយរូប បានឲ្យដឹងទៀតថា អាមេរិកកំពុងតែធ្វើការសងសិក ទៅលើអង្គការអន្ដរជាតិ ដែលមិនបានជ្រើសតាំងខ្លួនធ្វើ​ជាម្ចាស់ផ្ទះក្នុងព្រឹត្ដិការណ៍ FIFA នៅឆ្នាំ ២០២២ ។ 

ដោយ៖ អឿ អ៊ុយ

ប្រភព៖ www.rt.com